1 Kɔrent 16:19 - mzwDBL

¹⁹ Asɔre tena baa lɔ Eesia harɛ la dɛ na heyaa taeh. Akwela ne Presela ne asɔre tena baa dɛ cheme ba dem la ɡe dɛ na heyaa Yeesu sɔn ta.

1 Kɔrent 16:19 ပူးပေါင်းရင်းမြစ်များ

We-ɛɛla 16:6

Ba valɔ dɛ ka kpɔ harɛre baa dɛ yera Frejea ne Galaasia la ta, dɛkalkɛ Korowii Domadɛɛɡe la ta ban ŋwɛnɛ tɛɛ bá bol Yeesu waa la Eesia harɛ.

We-ɛɛla 18:18

A habɔɔ la, Pɔɔl soɡe Kɔrent asɔre tena la be biɡri, asɛ dɛ kal ba dɛ le bela kaa Keŋkrea. Dɛ o baɡɛ nyoa bɛl, anomanta, o fonɛ o nyu mɔɔ dɛ le Keŋkrea, asɛ o ne Akwela ne Presela kpɔ stiimae dɛɛ kaa Siiria harɛ.

We-ɛɛla 18:2

Belaa o ka na Juu te bɛl, dɛ o sɔne Akwela. Dɛ Pɔntos tee on, asɛ o ka so Rom, dɛ berɛ le bela ba Kɔrent, dɛkalkɛŋɔ dɛ Rom Koojen Klɔdeɔs doŋi Juu tena bwa Rom. Dɛ Akwela haah sɔne Presela. Pɔɔl la ba be dɛ ka na ba,

We-ɛɛla 18:26

O lɔ bambile dɛ baa bol Korowii Waa cheremi dea. Presela ne Akwela no waa waa dɛ bol la, dɛ kpɔɔ la ba dem dɛ ka baɡlo Korowii Waa la kɛrɛdɛ.

We-ɛɛla 19:10

Gɛ Sukuu la ta laŋa dɛ kaa hweli Korowii waa tɔpere bɛlbwa la, ba ɛ ɡɛ bene anɛ. Anomanta, Juu tena ne Grik tena ɛɛ dɛ do Eesia harɛ ta bela bwaa no Yeesu waa la.

We-ɛɛla 2:9

Ya bwa harɛre kokoɡrɔ. Ya bane le Paatea, bane le Midia ne Elam, bane ɡe le Mɛsopoteemea ne Juda, ne Kapadoosia. Ya bane ɡe le Pɔntos ne Eesia,

Tɔn Pɔɔl Aa Chwerɛ Rom Tena 16:15

N dɛ na Faelolɔɡɔs, ne Julia, ne Nɛreɔs ne o nimambihaah, ne Ɔlempas, dɛ Korowii nɛra ba wa aa toɡra bane ba do bela la bwa.

Kolosi 4:15

Hé ŋɔ yabala baa lɔ Laodisia la ne Nimfa ne asɔre tena baa dɛ cheme Nimfa dem la be ŋɔ n dɛ na ba.

2 Timoti 4:19

N dɛ na Presela ne Akwela ne nɛra baa lɔ Oniseforɔs dem bwa.

Faelemɔn 1:2

ne ya nimambie Afia, ne ya dɔŋ Akipus ya ne waa cheɡa dɛ yo dɛɛ tɛ Korowii o toma nɔ ta la, ne asɔre tena baa dɛ cheme he dem la bwa.

1 Pita 1:1

Men Pita maa ɛ Yeesu Kristo torome la, men chwerɛ tɔn nɔ dɛɛ tɛ he Korowii nɛra haa peɡra dɛ ka ɛ hɔɔhra Pɔntos, ne Galaasia, ne Kapadoosia, ne Eesia dɛ Bitiinia harɛre ta la.

Wepila 1:11

O ŋɔ n be ŋɔ, “Waa nɔ haa dɛ ba nae nɔ, chwera do tɔn bini, dɛ́ kpɔ ka tɛ asɔrere anuanɛ aa lɔ Ɛfesos ne Smɛɛna ne Pɛɛɡamɔm ne Tiatra ne Saades ne Feladɛlfea dɛ Laodisia la.”