1 Kɔrent 16:15 - mzwDBL

¹⁵ Yabala, he jemɔ kɛŋɔ Stɛfanas ne o dem tenaa tɔ sie yarada Yeesu waa la Akaya harɛ nɛra la bwa bini, dɛ kpɔ ba te tɛo dɛ swɛɛ siwi dɛ ɛ toma dɛɛ tɛ Korowii nɛra ba wa aa toɡra.

1 Kɔrent 16:15 ပူးပေါင်းရင်းမြစ်များ

We-ɛɛla 18:12

Gɛ saŋ baa tɛ baa bɛl baa dɛ yerɔ Galio nomonome, asɛ o nyiŋi Akaya harɛ dɛɛ tɛ Rom Koojen laanee Juu tena pɛ nyoa, dɛ lawɛ Pɔɔl la o be.

Tɔn Pɔɔl Aa Chwerɛ Rom Tena 12:13

Hɛ́ɛ tɛ he dɔŋa asɔre tena ba soɡa bini aa kpeɡa tɛɛ ba he kwaa haa dɔa la ane. He bɛ hɔɔhra dɛɛ doŋi he deremi.

Tɔn Pɔɔl Aa Chwerɛ Rom Tena 15:25

Taraken nɔ, kwaane nee mɛɛ ba ń ba kaa ka tɛ Korowii nɛra ba wa aa toɡra dɛ do Jerusalam.

Tɔn Pɔɔl Aa Chwerɛ Rom Tena 15:31

Hé soŋe Korowii tɛ mɛ ásɛ o kpɔ nɔn tɔ n nɛɛ Juda harɛ tena baa wola Yeesu yarada la bini, ásɛ waa maa dɛ la ka ɛ Jerusalam Korowii nɛra ba wa aa toɡra bini la, bá sie lɛ a ta,

Tɔn Pɔɔl Aa Chwerɛ Rom Tena 16:2

Hé lɛo ja he nɛɛ ɡɛ aa chɛ kɛ Korowii nɛra lɛ ba dɔŋ la ya Dɔɔ Yeesu nomanta. Komɛlbwa waa dɛɛ nyin dɛ le he be la, hé chao, dɛkalkɛŋɔ o ɡba cha Korowii nɛra ba wa aa toɡra taeh. N ɡbabir nɔ, o cha mɛ ka.

Tɔn Pɔɔl Aa Chwerɛ Rom Tena 16:5

N dɛ na asɔre tena baa cheme ba dem dɛɛ tomɛ Korowii la bwa. N dɛ na n chamenate Epaenitus waa tɔ sie yarada Yeesu Kristo waa nɔ Eesia harɛ ta bwa la.

1 Kɔrent 1:16

Dɛ Stɛfanas ne o dem tena ɡe laa n berɛ sɔ Korowii ne aa, maa lii kɛŋɔ n sɔ nomɛl nee kpa.

1 Kɔrent 16:1

A ka suuɡa yaa dɛ nyin ya ta tɛ Korowii nɛra la. Hɛ́ɛ ɛ ɡɛ n fa aa ŋɔ asɔre tena baa lɔ Galaasia harɛ ta be ŋɔ báa ɛ la.

1 Kɔrent 16:17

Stɛfanas ne Fɔtonaatos ne Akaekus balɔ, asɛ a do n som taeh, dɛkalkɛŋɔ he ɡbabir ta wone ba ásɛ n na heya, kɛ ba chiɡ he naa ta dɛ ba,

2 Kɔrent 8:4

Ba ɡbaɡbaa soŋe yaa sibeɡra ne ŋɔ yá ɡel ba ja Korowii nɛra ba wa aa toɡra la nɛ.

2 Kɔrent 9:1

A ta hiaih kwaraa kɛŋɔ n chwerɛ heyaa chae asɔre tena aa dɛ cha Korowii nɛra ba wa aa toɡra dɛ do Juda harɛ la wa.

1 Timoti 5:10

nɛra bwa jemɛ o wedɛɛɡa waa ɛa wa, kɛŋɔ waa wona dɛɛ o bii ŋwɛnɛdɛɛɡe ta ba ɛ bechadɛɛɡa, dɛ won dɛɛ kpoŋe hɔɔhra kɛrɛdɛ, dɛ pwɛr o te ɛ toma tɛ asɔre tena, dɛ won cha nɛra wa aa puu ba, asɛ dɛ won kpɔ o te bwa tɛ wedɛɛɡa ɛɛ ɡbo la waa mɛɛ bol he be ŋɔ hɛ́ɛ nyiŋi ba nɛɛ la.

Faelemɔn 1:7

N dam, he nyina haa dɛ nyin Korowii nɛra ba wa aa toɡra la dɛ do mɛ ɡbemba dɛ ɡel n sie ɛɛ lɛ taeh, dɛkalkɛ he dɛ nyiŋ ba dɛɛ do ba ɡbemba.

Hibru 6:10

Korowii ta nɛn waa wola waa ɛ aŋwɛnɛ ta ɛɛ, á ba ɛ kɛŋɔ wɛɛ soh he tondɛɛɡa haa dɛ ɛ, ne ɡɛ haa dɛ nyinu dɛ koh a waa cha o nɛra dɛ ta ɛɛ cha ba la waa.

1 Pita 4:10

Kpeɡri bɛlbwa nomɛlbwa aa dɔa la, Korowiirii kpɔa chao ŋɔ ó kpɔ dɛɛ ɛ o Korowii toma. Anomanta, bɛ́lbwa nyiŋi o toma ta kɛrɛdɛ, dɛ́ kpɔ dɛɛ cha o bala.

Wepila 14:4

Gɛ nɛra nɔ do kɛŋɔ baala baa wola haah jemɛ, dɛkalkɛŋɔ ba lawɛ ba te dɛ do kaih. Ba dɛ teŋɛ Pebie la nɛɛ bobɛlbwa waa dɛ la. Banee nɛnloɡla Korowii aa lɛɛ ba nɛra waa dɛ ba ba lɛɛ la bwa bini, dɛ́ kpɔ ba tɛ o te ne Pebie la.