1 Kɔrent 15:50 - mzwDBL

⁵⁰ Yabala, hé ɡel n ŋɔ he be, harɛ nɔ ta bwadabii aa won la Korowii be. Kon waa dɛ pɔh la ne onɔ la waa wola pɔh aa won pɛ.

1 Kɔrent 15:50 ပူးပေါင်းရင်းမြစ်များ

Matiu 16:17

Yeesu ŋɔ, “Jɔn bie Seemɔn, he na som kɛŋɔ nomɛlbwa aa wola hen waa nɔ baɡlɛ asɛ he jemɛ nɔ. N Mɛɛ waa lɔ nyundua laanee baɡle.

Matiu 25:34

Belaa mɛɛ ba n ŋɔ banɔ la baa lɔ diɡ ta la be ŋɔ, ‘He banɔ n Mɛɛ aa swee andɛɛɡa tɛ heyaa la, hé ba di kora waa le harɛ mumpar dɛ kwaa cheɡ heyaa la,

Tɔn Pɔɔl Aa Chwerɛ Rom Tena 2:7

Nɛra baa dɛ nyin jirima Korowii be, dɛɛ nyin kɛ Korowii kpɛɛ ba, dɛɛ nyin mkpa aa wola jaɡa dɔe, dɛ koh a waa dɛ lawɛ bambile dɛɛ ɛ wedɛɛɡa saŋ bɛlbwa la, Korowii ɛɛ tɛɛ baa mkpa aa wola jaɡa dɔe bwa.

1 Kɔrent 1:12

N noɔ kɛ bane ŋɔ ba teŋɛ men Pɔɔl nɛ, bane ɡe ŋɔ ba teŋɛ Apolos nɛ, asɛ bane ɡe ŋɔ Pita nɛɛ ba te teŋɛ, bane ɡe ŋɔ ba teŋɛ Yeesu Kristo nɛ.

1 Kɔrent 15:42

Gɛɛ nɛra seo ta ira ɛɛ ba doe. Bwadabii yaa dɔa nɔ, dɛ ya baa serewe aa, o bwa ɛɛ chɔɡoo, kɛ bwadabii yaa dɔ dɛ ir seo ta la, o te aa chɔɡ bwa.

1 Kɔrent 15:44

Bwadabii yaa dɔɔ harɛ nɔ ta laanee baa ba huɡa, kɛ onɔ la Korowii aa dɛ ba ira seo ta la te ɛɛ korɔɔ. Gɛ harɛ nɔ ta bwadabii aa lole la, ɡɛɛ Korowii doa kon ɡe do le.

1 Kɔrent 6:10

ne ŋwɛɛra, ne nɛra ba sie aa dɛ beɡre ba dɔŋa kwa, ne sennyɔdɛɛra, ne nɛra baa dɛ bol dɔŋa wobochɔɡa, dɛ nɛra baa dɛ faah nɛra, nɛn waa dɛ ɛ a ɡɛ waa nɔ te bɛlbwa la, waa Korowii Kora la taa ja.

1 Kɔrent 6:13

Bɛl ɡee ŋɔɔ, “Tea waa kondikwaa do le, asɛ kondikwaa ɡe che dɛ tɛ tea.” Kpelaa, kɛ Korowii ɡelɔ a bwa dɔ jaɡa dɛ chɔɡ. O ta nɛn bwadabii ɛɛ tɛo ŋɔ ó kpɔ ɛ jwamanwa, kɛ o ɛo tɛo kɛŋɔ ó kpɔ tomɔ. Anomanta, nɛn bwadabii ɛ Korowii kon, wɛɛ tɛo komɛlbwa.

1 Kɔrent 6:9

Haa jemɛ kɛŋɔ wechɔɡ-ɛɛra aa Korowii Kora la taa ja kɛɛ? He bɛ he nyu neɡre. Nɛra baa dɛ ɛ sɛnwa, ne voɡtoroma, ne nɛra baa dɛ bɔ jwamane, ne baala ba ne ba bandɔŋa aa dɛ chɔ haah ne baa,

1 Kɔrent 7:29

Maa ŋɔ ɡɛ nɔ, yabala, yaa harɛ nɔ taa biɡri bɛlbwa. Anomanta, le fini dɛɛ kaa, a chɛ kɛŋɔ he banɔ la haa dɔ haahna la ɛ kɛŋɔ he ta haahna dɔe ken,

2 Kɔrent 5:1

Ya harɛ nɔ ta bwadabii nɔ do kɛ pata ya do o ta. Ya jemɔ kɛ dɛ o chɔɡaa, Korowii ɛɛ tɛ yaa defale o ɡbaɡba aa doa waa wola chɔɡ bwa nyunduaa.

2 Kɔrent 9:6

Hé jemɛ kɛŋɔ he du tama aa, tamaa hɛɛ ba koma, he du kohona ɡe aa, kohonaa hɛɛ ba koma.

Galaasia 3:17

Waa maa dɛ nyin ń baɡle laanee kɛŋɔ Korowii ne Abraham fɔwɛ fɔo bɛl, asɛ Korowii baɡɛ Abraham nyoa kɛŋɔ wɛɛ teŋɛ fɔo la taa. Mosis Mmara nɔ ɡe la, fɔo nɔ habɔɔ bene lafraanaarɛ dɛ fifraatoroo a ɡe ba. Dɛ ɛrɛɛ Mosis Mmara nɔ won ɛ dɛɛ chɔɡ ɡɛ fɔo nɔ dɛ teŋe Korowii nyobaɡa la ta nɔ?

Galaasia 5:16

Waa maa dɛ nyin n bol laanee kɛŋɔ hé kpɔ he te tɛ Korowii Domadɛɛɡe la, ásɛ wɛɛ baɡle heyaa ŋwɛnɛ. Dɛ o dɛ baɡle heyaa ŋwɛnɛ aa, haa wechɔɡa he nɛwɛnyini mar aa dɛ nyin la ɛɛ ba,

Ɛfesos 4:17

N siswɛm waa n che n Dɔɔ Yeesu sɔn ta dɛɛ bol he be la. He bɛ banɔ la baa wola Korowii tomɛ la nɛɛ teŋɛ kpa. Wepuu baa lii dɛɛ teŋɛ a ta la.

Kolosi 2:4

N dɛ baɡle heyaa ásɛ nomɛlbwa bɛ won kpɔ nyotor neɡre heya.

2 Timoti 4:18

Ya Dɔɔ la ɛɛ lee mɛ wobɛlbwa taa, dɛ́ kpɔ mɛ sɔnɔnɔɔ ken kaa o nyundua koobwɛɛ la ta. Onee chɛ kɛ ya tɛo jirima tɔpere bɛlbwa aa wola jaɡa dɔe. Aamen.