1 Kɔrent 15:34 - mzwDBL

³⁴ Anomanta, hé ir dɛ́ ɡel he sie chɔ harɛ hɛɛ ɛ kɛrɛdɛ, dɛ bɛ wechɔɡa dɛɛ ɛ. He bini bane aa Korowii waa jemɛ kɛrɛdɛ. A ta sihiih ɛɛ tɛ heya aa?

1 Kɔrent 15:34 ပူးပေါင်းရင်းမြစ်များ

Yela 119:11

N kpɔ he waa do n bambile bini, dɛ bɛ hen wechɔɡa ɛ.

Yela 4:4

He bɛ ɡel he baah di bandichɔɡa he ɛ wechɔɡa, he ka chɔ dɛ lii a wa, saŋ haa chɔ he kalaŋre ta la.

Jeremia 9:3

Ba dɛ kpa saŋ bɛlbwa kɛŋɔ bá teŋe nyosone kɛŋɔ ba yon harɛ hɛm dɛ́ tao la ken. Ba ta sɛɛh dɛɛ bol kasinteŋ.” Anomanta, Korowii ŋɔ, “N nɛra ɛ wechɔɡa aa, ba yon berɛ ka ɛ ane ja, baa jemɛ kɛ menee Korowii aa chɛ kɛ bá tom mɛ.

Joel 1:5

Sennyɔdɛɛra, hé ɡel he sie chɔ harɛ hɛɛ wi, hɛɛ wi senfala wa, dɛkalkɛ ɡrepo nɔna baa harama dɛɛ ɛ sen la bwa chɔɡɔ.

Jona 1:6

Nomoa waa dɛ nyiŋi stiimae la ta la, la Jona be dɛ ka na kɛŋɔ o chɔ dom kwaraa. Asɛ o chumu dɛ ŋɔ, “Bɔree he te dɔ dɛ chɔ aa? Ir, dɛ́ wi yerɛ he voɡ haa dɛ tomɔ, o ken ɛɛ na ya sumii, dɛ́ lɛ yaa le waa nɔ nyoa, ásɛ ya dɔ ya nyu.”

Matiu 22:29

Anee Yeesu chaŋ ba ŋɔ, “He kono kwaraa! Haa wola Korowii Waa baa chwera ne o kpeɡri waa jemɛ la waa.

Amanesoma Jɔn Aa Chwera Tɔn 5:14

A habɔɔ la, Yeesu na baa la Korowii Dea asɛ dɛ ŋɔ o be ŋɔ, “He nao kenɛ, taraken haa dɔ bokpeɡa nɔ, ɡel wechɔɡa ɛɛ, ásɛ anɔ la aa ɡwaa loɡla kwaa la bɛ he nɛɛ ba chiɡ kpa.”

Amanesoma Jɔn Aa Chwera Tɔn 8:11

Anee o ŋɔ, “Ɔɔh, n Dɔɔ, bɛlbwa toole.” Asɛ Yeesu ŋɔ, “Ate, n ɡe aa hen bolchɔɡee pa kpa. Kaa, kɛ bɛ wechɔɡa ka ɛ kpa.”

We-ɛɛla 26:8

Ya waa yaa dɛ hwɛɡɛ a ta laanee kɛŋɔ Korowii ɛɛ ir yaa seo taa. Bɔkwaa ɛa he nɛra haa lɔ bonɔ nɔ aa wola won yarada kɛŋɔ Korowii won nɛra seo ta ira ɔɔ?

Tɔn Pɔɔl Aa Chwerɛ Rom Tena 1:28

Baa wola sɛɛh kɛŋɔ bá jemɛ Korowii waa nomanta, o ta ba waa tɛɛ ba, asɛ ba liire bwa ɛ anchɔɡa, asɛ baa ɛ waa aa wola chɛɛ kɛ baa ɛ.

Tɔn Pɔɔl Aa Chwerɛ Rom Tena 13:11

Hɛ́ɛ nyin dɔŋa, dɛkalkɛŋɔ he jemɔ kɛŋɔ tɔpere la telo. He jemɔ kɛŋɔ a telo kɛŋɔ dɛ chɔe he chɔ a, he ir! Ya lɛɛ tɔpere la joɔ tonɛ taraken dɛ ɡwaa ɡɛ saŋ yaa kpɔ ya te tɛ Yeesu dɛ pa mun dɛɛ teŋɛ o nɛɛ la.

1 Kɔrent 4:14

N ta ɡɛ waa nɔ chwerɛ ba tɛ heyaa dɛ́ ɡel sihiih kpo heya, kɛ jae mɛɛ ja heya, haa ɛ n bidɛɛɡa maa dɛ nyin heyaa la nomanta.

1 Kɔrent 6:5

A dɔ sihiih tɛ heya. Amɔ wejereme beŋkpoŋ kwaraa toole he bini dɛ́ won bol he baah wa,

1 Kɔrent 8:7

Nomɛlbwa laa jemɛ ɡɛ. Bane duu ɡɛ voɡa nɔ biɡri a man ba. Hale ba le fini, dɛ ba di kwaa baa kpoora tɛ voɡa nɔ naa, dɛ ba liire dɛ ɛɛ ba kɛŋɔ voɡa laanee dɔ kwaa la. Ba yarada aa wola kanɛ Yeesu waa la ta nomanta, dɛ ba dɛ lii kɛŋɔ ba ɛ wechɔɡa.

Ɛfesos 5:14

Kon la bwa bɔr aa chaah o ta la, o ɡbaɡba dɛ baɡle o te. A waa ba yon ŋɔ, “He banɔ la haa sewa chɔ la, hé ir, ásɛ Kristo chaah he nɛɛ” la.

1 Tesalonika 4:5

He bɛ siyala ne sibeɡra ŋwɛnɛ ta kpɔ kɛ nɛra baa wola Juu tena ɛɛ baa wola Korowii tomɛ la.