Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Kɔrent 15:32 - mzwDBL

32 Gɛ nɛra fa aa ɛɛ mɛ Ɛfesos la do kɛŋɔ n ne kpɔɡ bini ola aa yoa ken. Dɛ harɛ nɔ ta waa ɡbo waa n ne ba yo aa, bɔkwa tɔnɔɔ n dɔ a ta nɔ? Dɛ nɛra aa seo taa iraa, ya fe ɛɛ ŋɔɔ, “Hé ɡel ya ir dɛ́ di kwaa dɛ́ lɛ sie, dɛkalkɛŋɔ tɔpebɛl yaa sewɔɔ.”

အခန်းကိုကြည့်ပါ။ ကော်ပီ




1 Kɔrent 15:32
20 ပူးပေါင်းရင်းမြစ်များ  

Kɛ he berɔ ŋɔ Korowii be ŋɔ, ‘Tɔnɔ besoo aa ba dɔe tɛ mɛ, bɔkwaa mɛɛ ba dɔe wechɔɡa maa wola ɛ ta nɔ?’


Amɔ pɛɛpɛɛ n ɡel n bambile bini to, n ta wechɔɡa bɛlbwa ɛɛ nɔ naa?


He ta ɛ bonɔɔ naa, ɡel he sie lɛ, dɛɛ di he bwara he bonɔɔne saŋ. Dɛɛ teŋɛ waa he bambile aa dɛ nyin, ne komɛlbwa haa na ta. Kɛ jemɛ kɛŋɔ Korowii ɛɛ ba bol a bwa waa, dɛ́ pa bole.


Waa aa wera tɛ nɛwɛnyini bwaa kɛŋɔ, o di kondikwa dɛ́ nyɔ sen lɛ o sie, ásɛ o bwara sɔɔhno o toma waa ɛa ta. Anɔ ɡe kwaraa la, Korowii bee aa le,


Kɛ he kpoo nae ne peera dɛɛ di kwa, dɛ nyɔ sene dɛɛ hɛlɛ dɛɛ lɛ he sie. Hé ŋɔ, “Hé ɡel ya di kwaa dɛ nyɔ sen. Kere ɡbo dɛ ya serewɔ.”


Ba yon ŋɔ dɔŋa be ŋɔ, ‘Hé ɡel ya nyin sen nyɔ! Hé ɡel ya nyɔ seŋkpeɡa dɛ́ dɛɛ. Ásɛ kere ɡe yá ɛ ɡɛ ja, á ɡwaa fini kwara.’ ”


O lii waa o nyu bini dɛ ŋɔ, ‘N dɔ kwaa dɛ́ di la sie, mɛɛ diu dɛ́ lɛ n sie dɛ́ so dɛɛ onɛ.’


Dɛ nɛn dɔ harɛ nɔ ta kwaa bwa dɛ nyoɡre o nyu aa, bɔkwa tɔnɔɔ wɛɛ ba dɔe yɔ?


Ba kaa tel Ɛfesos, asɛ Pɔɔl ɡel ba dɛ te kaa bela cheremi dea, asɛ o ne bela Juu tena kaa bol Korowii wa.


Kɛ waa dɛ ba ba be lee dɛ kaa la, o ŋɔ ba be ŋɔ, “Dɛ Korowii sɛoh te naa, mɛɛ berɔɔ ba he be,” dɛ́ che Ɛfesos kpɔ stiimae kaa.


Apolos aa lɔ Kɔrent la, Pɔɔl kpɔ harɛ la bwe doa bɔr dɛ ka le Ɛfesos. Waa la bela la, o kaa pu nɛra baa dɛ teŋɛ Yeesu nɛɛ la bane bela,


Nɛwɛnyini te ɛɛ ŋɔɔ, “Dɛ a cheɡɛ ya wechɔɡa ta asɛ nɛra na kɛŋɔ Korowii ɛ nɛndɛɛɡe aa, amɔ ya ta wedɛɛɡa ɛɛ kɛɛ? Dɛ Korowii tɛr ya deŋne aa, dɛ o waa toɡraa?” Nɛwɛnyini liiree nɔ!


He waa mun noe jaŋne, a waa n kpɔ waa haa dɛ noa tɔpere bɛlbwa dɛɛ baɡle heyaa waa la. Gɛ he fa aa teŋa dɛ kpɔ he te do wedoŋa ta wubwa dɛɛ ɛ wechɔɡa la, ɡɛɛ a chɛ kɛŋɔ hé berɛ kpɔ he te do wedɛɛɡa ta, ásɛ he waa do ɡoroŋ.


Mɛɛ so Ɛfesos bonɔɔ ka tel kɛŋɔ Pɛntekɔs Tɔpejen la aa tel,


Yabala, hé ɡel n kpɔ harɛ bonɔ waane maɡɛ waa nɔ maa dɛ bol nɔ. Dɛ nɛra banɛ fɔwɛ fɔo o do kpeɡri aa, nɛmpɛɛ aa won puru ba habɔɔ, nomɛlbwa ɡe aa berɛ won berɔ ba habɔɔ.


Nɛra nɔ te do kɛ kpɔɡ bini ola Korowii aa taa ŋɔ báa kpoa la ken. Baa liire kpɔe dɛɛ ɛ wa. Waa mun noe kpeɡri ba be naa, sisa wobolee ba bol dɛɛ yaɡa. Baa serewoo kɛŋɔ ola ken.


Waa nɛra nɔ aa wola a mun jemɛ la, wobochɔɡaa ba bol dɛɛ yaɡa. Ba ne ola bwa beŋkpoŋ, dɛkalkɛ ola ta liire dɔe. Waa aa ɛ á bwara sɔɔhna la, anee aa ɛ. Gɛɛ ba ɡe do. An ɡee dɛɛ chɔɡ ba.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ