1 Kɔrent 15:23 - mzwDBL

²³ Kɛ ya bwa ne ya tɔperaa ya ir. Yeesu Kristoo tɔ sie ir mɔɔ, ásɛ ya banɔ la ya ne waa ɛ beŋkpoŋ la ɡe ir ɡɛ saŋ waa ba ja la.

1 Kɔrent 15:23 ပူးပေါင်းရင်းမြစ်များ

Aesaya 26:19

Kɛ he nɛra baa serewa la ɛɛ iruu, dɛ́ berɛ dɔ bwadabii ja. He banɔ la haa lɔ lalbɔɔne bini, hé ir, dɛ́ ɡo silɛɛ yela! Gɛ mɛn yon ta kwaa ta aa do wer chɔɔbɔr la, ɡɛɛ Korowii ɛɛ ba banɔ la baa serewa la mkpa tɛɛ.

Matiu 16:27

Men Nɛn Bie nɔ ɛɛ kpɔ n Mɛɛ jirima laanee, n ne n nyundua toroma le nyundua ba, dɛ́ ba bɔ nomɛlbwa kem ɡɛ o toma aa doa.

Matiu 16:28

Kasinteŋ, a ɡɛ saŋ Men Nɛn Bie aa ba di kora la, he bini bane ɛɛ so lee, dɛ́ na mɛ.”

We-ɛɛla 26:23

Anee kɛŋɔ a chɛ kɛ Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa la na wahala, dɛ́ tɔ sie ir seo ta lala bwa nɛ, dɛ́ won che o seo ta ira la ta, dɛ́ baɡle Juu tena ne nɛra baa wola Juu tena ɛɛ la kɛŋɔ ya toole seo nɔn ta ne biro ta kpa, dɛkalkɛ nii chaah ya nɛ.”

1 Kɔrent 15:20

Kɛ ɡɛ laa a do. Korowiirii ir Yeesu Kristo seo ta. Onee tɔ sie ir seo ta nɛra baa serewa la nɛɛ mɔɔ ba ɡe baa ir.

1 Kɔrent 15:52

Aa ɛo wɔrɔbe nɛɛ kilo, ɡɛ saŋ Korowii bɛla aa ba si, dɛ́ baɡle waa bwa jaɡa la. Dɛ o sio waa, Korowii ɛɛ ir serewa laanee seo ta, ásɛ ba dɔ bwadabii waa wola pɔh, dɛ beɡre ya banɔ la yaa wola sewɛ dɛ ta so le la bwara,

1 Kɔrent 3:23

Yeesu Kristo ɡee dɔ heya, asɛ Korowii ɡe dɔ Yeesu Kristo.

1 Kɔrent 6:14

Gɛ Korowii aa kpɔ o kpeɡri ir ya Dɔɔ Yeesu Kristo seo ta la, ɡɛɛ wɛɛ ba o kpeɡri la kpɔe dɛ́ ir ya ɡe seo ta.

2 Kɔrent 10:7

Haa waa kari kɛɛ? Nomɛlbwa dɛ lii kɛ o ɛ Yeesu Kristo nɛn aa, ó jemɛ kɛŋɔ ɡɛ waa ɛ Yeesu Kristo nɛn la, ɡɛɛ ya ɡe ɛ Yeesu nɛra.

Galaasia 3:29

Dɛ he ɛ Yeesu Kristo nɛra te naa, ate Abraham naanaree heya. Kon Korowii aa baɡɛ Abraham nyoa la, he ɡee dɔɔ.

Galaasia 5:24

Nɛra baa ɛ Yeesu Kristo nɛra la, ba kpaa ba nɛwɛnyini mar wechɔɡa aa suu nɔ wenyina ne ba liichɔɡa bwa pɛl Yeesu daɡaɡre la ta dɛ kpoa.

Felepae 3:11

ɡɛ aa ɛ ń won ir seo ta ɡɛ waa ira la.

1 Tesalonika 2:19

Ya sie beɡra aa beɡra nɔ, he bee ya hwɛɡa ne silɛɛ do. He waa ya Dɔɔ Yeesu ɛɛ ba yaa tɔɔ dawa, ya hɛɡre awola waa ba ya ba che o sie la.

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.