1 Kɔrent 15:1 - mzwDBL

¹ Yabala, hé ɡel n lii heyaa Amanesoma la n fa aa bola baɡle heyaa asɛ he no dɛ taa teŋɛ a ta,

1 Kɔrent 15:1 ပူးပေါင်းရင်းမြစ်များ

Amanesoma Jɔn Aa Chwera Tɔn 12:48

Kɛ nɛn waa vɛh n ne n waa maa dɛ bol la ɛɛ di bolchɔɡee. N waa maa dɛ bol nɔɔ dɛ́ pao bolchɔɡe tɔpere bwa jaɡa wee.

We-ɛɛla 11:1

Yeesu toroma la ne ba bala asɔre tena baa lɔ Juda harɛ ta la noɔ kɛŋɔ nɛra baa wola Juu tena ɛɛ la bwa no Korowii waa la dɛ yarada.

We-ɛɛla 2:41

Nɛra la kɛrɛdɛ yarada Pita wobol la, asɛ ba sɔ ba Korowii ne. Ba nɛra kaɡboŋa batoroo yarada Yeesu waa dɛ kpɔ ba te tɛo awola tɔpere la ta dɛ ba ja ba nɛ.

Tɔn Pɔɔl Aa Chwerɛ Rom Tena 11:20

He ŋɔ ɡɛ naa, kpelaa he ŋɔ. Baa wola Yeesu waa la yaradae waa ba teŋ ba ta. He ɡe aa yarada Yeesu waa la, a waa he ta che la. Anomanta, bɛ mbarafo dɛɛ ɛ. Pwɛr he te dɛɛ nyiŋi kɛrɛdɛ.

Tɔn Pɔɔl Aa Chwerɛ Rom Tena 2:16

Waa nɔ bwaa dɛɛ ba ɛɛ awola Korowii aa dɛ ba nɛra wechɔɡa baa ɛa dɛɛ sɔh la ne bochaah lee, ásɛ Yeesu Kristo pa ba bole. Gɛɛ me Amanesoma la ɛɛ baɡle.

Tɔn Pɔɔl Aa Chwerɛ Rom Tena 5:2

Yaa yarada Yeesu dɛ kpɔ ya te tɛo la, a taa a che o ɡel Korowii ɛɛ na ya sum dɛɛ cha yaa ɡɛ waa dɛ cha yaa nɔ. Anomanta, ya sie lɛo, dɛkalkɛŋɔ ya jemɔ kɛŋɔ bela Korowii aa lole o waa dɔ jirima kohona la, ya ɡee do belaa.

1 Kɔrent 16:13

Hɛ́ɛ nyiŋi he te kɛrɛdɛ ásɛ dɛ ta lawɛ waa la bini kiŋkiŋ. Hé dɔ bambile ásɛ dɛ ɡel lawa haa lawɛ waa la bini la do kpeɡri.

1 Kɔrent 3:6

Ya fa do kɛŋɔ nɛra baa dɛ du kwaa dɛ do he bini. Menee dua, asɛ Apolos ɡe ka ba, dɛ ba do nee a ta. Korowiirii ɡela kwaa la le dɛ kpeɡ.

1 Kɔrent 4:15

Dɛ he dɔ nɛra ba warɛ pirim, dɛ won cha heyaa Yeesu Kristo ŋwɛnɛ ta naa, n ɡboo ta he mɛɛ. Menee tɔ sie bol Amanesoma la he be. A taa n che ɛ he mɛɛ Yeesu Kristo waa ta.

2 Kɔrent 1:24

Kpeɡri laa yaa baɡle heyaa he Korowii yaradae ta. Yaa ɡɛ lii kwaraa. Ya jemɔ kɛ he cheɡɔ kiŋkiŋ he yarada ta. Ya dɛ nyin kɛ ya cha heyaa ásɛ he sie lɛ.

1 Tesalonika 1:6

Hé nyiŋi yaa dɛ́ kpɔ ya ne ya Dɔɔ da la. Haa no Korowii Waa la dɛ yaradaa la, he na wahala ɡa, kɛ he wono lɛ Korowii Waa la silɛɛ aa le Korowii Domadɛɛɡe la be ne.

1 Tesalonika 2:13

Ya dɛ jam Korowii tɔpere bɛlbwa, dɛkalkɛŋɔ yaa bol Korowii Waa la he be la, he noa kɛŋɔ Korowii Wa. He ta an noɛ kɛŋɔ nɛn wa. Gɛɛ a do kpela. A ɡɛ waa nɔɔ dɛɛ ɛ toma he nɛra haa yaradaa nɔ bini la.

1 Tesalonika 4:1

Anɔ la aa jaa la, yabala, waa la haa hwela ya be ɡɛ aa chɛ kɛ he so ásɛ Korowii sie lɛ he nɛɛ la, ɡɛɛ hɛɛ ɛ la. Ya cheɡɛ ya Dɔɔ Yeesu naa ta dɛɛ ja heyaa ŋɔ a chɛ kɛ he ɛ dɛ ɡwaa ɡɛ.

2 Tesalonika 3:6

Yabala, ya cheɡɛ ya Dɔɔ Yeesu Kristo sɔn ta dɛɛ ŋɔ he be ŋɔ, he bini bɛlbwa dɛ ɛ bɔhwaah o ta sɛɛh dɛɛ ɛ toma ɡɛ yaa baɡla la aa, hé ɡelo, he ne o bɛ pɛ.

1 Pita 5:12

Silasee cha mɛ n chwerɛ heyaa tɔmbora nɔ la. N jemɔ kɛ o waa dɔ kasinteŋ ya teŋa yaa dɛ teŋɛ Yeesu Kristo nɛɛ nɔ ta. N dɛ nyin he jemɛ ɡɛ aa chɛ kɛ hɛɛ ɛ, dɛ́ jemɛ kɛŋɔ ɡɛ n fa aa baɡle heyaa chae Korowii aa sune ya nɛɛ dɛ cha yaa la, a ɛ kasinteŋ. Hé den lawɛ a bini kiŋkiŋ.