1 Kɔrent 14:6 - mzwDBL

⁶ Yabala, dɛ n ba he be dɛ baa bol wobofala dɛ haa a mun no aa, tɔnɔ besoo he dɔ le n be nɔ? Dɛ n ta Korowii Domadɛɛɡe kpeɡri la ta cheɡɛ, dɛ dɔ waa aa sɔah dɛ baɡle heya aa, kɛɛ dɛ n ta wejema ane dɔe, kɛɛ maa Korowii nyoa wobol kɛɛ o ŋwɛnɛre baɡla jemaa, tɔnɔ besoo hé dɔ le n be nɔ?

1 Kɔrent 14:6 ပူးပေါင်းရင်းမြစ်များ

Jeremia 16:19

N Naa Korowii, henee dɛɛ tɛ mɛ bokpeɡa, dɛ do kɛ danjwɛkpeɡ n chwa baa marɛ n sibeɡra wee. Harɛre nɛra bwa ɛɛ le harɛ jaɡaa dɛ́ ba he be ba ŋɔ, “Ya naawa ta komɛlbwa dɔe, ka ja voɡare aa ɛ konsale aa wola tɔnɔ bɛlbwa dɔe ta.

Jeremia 23:32

Anomanta, n ne nɛra baa cheɡɛ chaahna ta, dɛ teŋe nyosone dɛɛ maŋkura ba te la dɔɔ. Ba bola dɛ ɡel n nɛra ɛɛ nyoɡre, dɛ n ɡe laa tom ba. Ba waa la aa nɛra nɔ cha tama bɛlbwa. Men Korowiirii bola.”

Matiu 11:25

Belaa Yeesu kpɛɛ Korowii ŋɔ, “N Mɛɛ, nyundua ne harɛ bwa Dɔɔ! N dɛ jaame kɛ haa kpɔ he waa nɔ sɔh sipila tena ne wejerema, dɛ kpɔ baɡle nɛra baa wola wobɛlbwa jemɛ nɔ.

Matiu 16:17

Yeesu ŋɔ, “Jɔn bie Seemɔn, he na som kɛŋɔ nomɛlbwa aa wola hen waa nɔ baɡlɛ asɛ he jemɛ nɔ. N Mɛɛ waa lɔ nyundua laanee baɡle.

Matiu 16:26

Dɛ nɛn dɔ harɛ nɔ ta kwaa bwa dɛ nyoɡre o nyu aa, bɔkwa tɔnɔɔ wɛɛ ba dɔe yɔ? Bɔkwaa nɛwɛnyini ɛɛ ba wona kpɔ dɛ́ charɛ o nyu ɔ?

We-ɛɛla 2:42

A ɡɛ nɛra la balɔ dɛ baa hweli Korowii waa Yeesu toroma la be warawara. Dɛ ba ne Yeesu toroma laanee pɛa dɛɛ ɛ wobɛlbwa, dɛɛ di kwaa dɛɛ tomɛ Korowii.

Tɔn Pɔɔl Aa Chwerɛ Rom Tena 15:14

Yabala, n ɡbabir jemɔ kɛrɛdɛ kɛŋɔ he dɛ ɛ wedɛɛɡa taeh. He jemɛ waa kohona, dɛ won dɔŋa waa baɡla ɡe.

Tɔn Pɔɔl Aa Chwerɛ Rom Tena 16:17

Yabala, n dɛ soŋe heyaa kɛŋɔ, hɛɛ nyiŋi nɛra baa ɡela he baah ɛɛ peɡri, dɛɛ baɡle waa a ne Yeesu Kristo waa baa baɡle heyaa nɔ aa wola jo, asɛ dɛɛ vuuɡi heyaa la. Hé jem ba dɛɛ ke he te ba nɛ.

Tɔn Pɔɔl Aa Chwerɛ Rom Tena 6:17

Korowii jam! Wechɔɡa fa aa yawɛ heyaa yom, asɛ taraken nɔ he no o waa baa chaɡle heyaa dɛ kpɔ he te tɛo he bambile bwa ne nɔ,

1 Kɔrent 10:33

Gɛɛ mɛɛ ɛ, ásɛ n waa lɛ nomɛlbwa sie. N ɡbo waa laa hiah mɛ. Nomɛlbwa ɡe waa hiah mɛ, ɡɛ maa ɛ dɛ́ won dɔɔ ba tɛ Korowii ó lɛɛ ba.

1 Kɔrent 14:1

Hé ɡel he sie beɡre nɛnnyin ta, ásɛ dɛɛ nyin kpeɡri waa lɔ Korowii Domadɛɛɡe la be, dɛ́ kpɔ dɛɛ cha nɛra. Kɛ kpeɡri háa swɛɛ siwi dɛ́ nyin kohona laanee kɛŋɔ, he won che Korowii Domadɛɛɡe kpeɡri ta dɛ́ɛ bol o wa aa dɛ ba bala kerekere la,

1 Kɔrent 14:7

Hé ta sie na kwaa baa dɛ hɛlɛ a ne. Dɛ a sii aa chɔ kɛrɛdɛ naa, ɛrɛɛ nɛra ɛɛ ba ɛɛ dɛ no a bini nɔ?

2 Kɔrent 11:6

Bɛl lole n nyoa ken ta chaahnɛ wobol ta, kɛ wejema te, n dɔɔ. Wobɛlbwa yaa jema ɡe la, ya ɡelɔ a bini chaah he jemɛ a bwa ŋwɛnɛ bɛlbwa ta.

2 Kɔrent 12:1

A chɛ kɛ n maŋkura n te. N jemɔ kɛ aa wobɛlbwa kwaa te. Mɛɛ baɡle chaahna Korowii aa ɡela n na, ne waa waa pila baɡ mɛ.

2 Kɔrent 12:7

Korowii aa nyin kɛ n kpɔ wejena maa naa chaahna ta la dɛɛ maŋkura n te. Anomanta, o ɡelɔ Bɔnsam kpɔ waane do n nɛɛ aa ha mɛ, dɛɛ tɔɡ mɛ kɛŋɔ sɔɔh, n bɛ won dɛɛ ɛ mbarafo.

Ɛfesos 1:17

Ásɛ n soŋe ya Dɔɔ Yeesu Kristo Mɛɛ Korowii waa dɔ jirima kɛrɛdɛ ɡa la, ó ja heyaa wejema, dɛ́ chaah he sie ásɛ he won dɛɛ jemɛ o waa saŋ bɛlbwa,

Ɛfesos 3:4

Dɛ he kure ɡɛ n fa aa chwera la aa, hɛɛ wonoo jemɛ kɛŋɔ n jemɛ Yeesu Kristo wesɔɔhla la bini.

Felepae 3:15

A wer kɛŋɔ ya banɔ la bwa yaa kpeɡa Korowii waa la ta la dɔ ɡɛ liire. Dɛ he bane ɡe liire korɔ waa nɔ ane ta naa, Korowii ɛɛ ɡeloo a bini chaah tɛ heya.

2 Timoti 2:14

Dɛɛ lii nɛra ɡɛ waa nɔ, dɛ kah ba sibeɡra ne Korowii sie ŋɔ ba bɛ waa dɛɛ tɔŋle. Wetɔŋla ta tɔnɔ bɛlbwa dɔe. Nɛra liiree aa chɔɡ.

2 Timoti 3:10

He Timoti te, he jemɛ waa maa dɛ baɡle la bwa, dɛ jemɛ n da, ne kon la waa maa dɛ koh, ne ɡɛ maa dɛ yarada Yeesu Kristo, ne ɡɛ maa won bambile lawa, ne ɡɛ maa dɛ nyin nɛn, ne ɡbemba maa dɔa.

2 Timoti 3:16

Korowii Tɔn bini waa bwa, Korowiirii kpɔa do nɛra liire ta ba chwera. A wer kɛ ba kpɔa dɛɛ baɡle nɛra wa, dɛ kpɔa dɛɛ kah nɛra ba wechɔɡa ta, dɛ kpɔa dɛɛ toɡre nɛra, dɛ kpɔa dɛɛ chaɡle nɛra waa aa dɛ su Korowii siwi.

2 Timoti 4:2

hé bol Amanesoma la baɡle nɛra. A som oo, aa somoo, kpɔ he te kɛ saŋ te bɛlbwa hɛɛ bolaa. Eɡle sie ta ba nɛ, dɛ́ ɡel ba jemɛ wechɔɡa baa dɛ ɛ, ásɛ dɛɛ ja ba. Lawɛ bambile dɛɛ chaɡ ba.

Taetos 3:8

Waa nɔ bwa ɛ kpela. Anomanta, dɛɛ berɛ a baɡla ɔma, ásɛ nɛra baa no Korowii waa dɛ yarada la swɛɛ siwi dɛɛ ɛ wedɛɛɡa. Gɛɛ wera dɛ dɔ tɔnɔ tɛ nomɛlbwa.

Hibru 13:9

He bɛ ɡel wefala chɔɡ he liire ásɛ he le Korowii ŋwɛnɛdɛɛɡe la ta. He dɛ nyin he do kpeɡri Korowii nɛɛ teŋa ta naa, hé kpɔ sie dawɛ chae Korowii aa sune nɛra nɛɛ dɛɛ cha ba la ta. He bɛ sie kpɔ dawɛ kondikwaare ane kii ne ane dii ta, dɛkalkɛŋɔ a ta wone cha nɛra baa kpɔ sie dawɛ a ta la.

2 Pita 1:5

A ɡɛ waa nɔ wesoo nomanta la, hé takapɔ dɛɛ ɛ wedɛɛɡa dɛɛ ja he Yeesu waa yaradae ta, dɛ́ kpɔ wejema dɛ́ ja he wedɛɛɡa ɛɛ ta,

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.

2 Jɔn 1:9

Nomɛlbwa waa dɛ baɡle Yeesu Kristo waa la dɛ kpɔ o ɡbabir nyu bini liire dɛɛ ja la, amɔ dɛ Korowii ta naate nɛɛ teŋɛ. Nomɛlbwa waa jemɛ Yeesu Kristo webaɡla la dɛɛ baɡla ɡɛ aa doa la, dɛ Korowii ne o Bie la teŋɛ o nɛɛ kɛrɛdɛ.

1 Samoɛl 12:21

Hé laa sie kpɔ voɡa ta. Wedɛɛɡa bɛlbwa toole a toma ta. Aa won lɛ heya, a wobɛlbwa ɛ wepuu.