1 Kɔrent 14:20 - mzwDBL

²⁰ Yabala, hé ɡel bechaliire. A chɛ kɛŋɔ hé dɔ nomonliire. Wechɔɡa ɛɛ te, hé ɛ he te bechasɔɔhne a bɔr. He bɛ ɡel he liire kpeɡ wechɔɡa ɛɛ ta.

1 Kɔrent 14:20 ပူးပေါင်းရင်းမြစ်များ

Nehemia 4:13

Anomanta, men Nehemia, n kpɔ nɛra la bane so danjwɛɛ la habɔɔ bela waa wola nyundua kaalɛ. N kpɔ ba so denaa ta, ba kpoŋe ba keri ne lampeare ne tori dɛ hɛma.

Yela 119:99

N dɛ no waa mun ɡwaa nɛra maa hweli waa le ba be, dɛkalkɛ he Mmarare la waa lɔ n nyu bini mɛɛ liira.

Aesaya 11:3

Korowii duuraa dɛ́ lɛ o sie. Waa nɛra siebɔree nyiŋi dɛ́ pa bole, waa nɛra wobol taa teŋɛ dɛ́ pa bole.

Jeremia 4:22

Korowii ŋɔ, “N nɛra ɡɛnɔ, baa men jemɛ. Ba ɛ bechale baa wola liire dɔe, baa waa mun no. Ba dɔ wejema bá kpɔ ɛ wechɔɡa kɛrɛdɛ, kɛ baa wedɛɛɡa ɛɛ te jemɛ.”

Matiu 11:25

Belaa Yeesu kpɛɛ Korowii ŋɔ, “N Mɛɛ, nyundua ne harɛ bwa Dɔɔ! N dɛ jaame kɛ haa kpɔ he waa nɔ sɔh sipila tena ne wejerema, dɛ kpɔ baɡle nɛra baa wola wobɛlbwa jemɛ nɔ.

Matiu 18:3

asɛ dɛ ŋɔ, “Kasinteŋ, he ta he liire charɛ dɛ do kɛŋɔ bechajeɡre aa, haa won ja Korowii Kora la ta bwa.

Matiu 19:14

Anee Yeesu ŋɔ, “He bɛ bechale la ŋwɛnɛ tɔ. Hé ɡel ba ba n be, dɛkalkɛ banɔ dɔŋa nɔɔ Korowii Kora koobii la.”

Matiu 19:4

Anee Yeesu chaŋ ba ŋɔ, “He ta Korowii Tɔn la kure no kɛɛ? Korowii waa ta kwaa bwa la, waa dɛ ba nɛwɛnyini tae la, baa ne haahnee o ta,

Amanesoma Mak Aa Chwera Tɔn 10:15

Kasinteŋ, n dɛ ŋɔ he be, naate waa wola o te kpɔe tɛ Korowii dɛ yaradao ɡɛ bechala aa dɛ ɛ la, waa bɔree dɔ dɛ ba ja o Kora la ta.”

Amanesoma Luk Aa Chwera Tɔn 18:17

Kasinteŋ, naate waa wola o te kpɔe tɛ Korowii dɛ yaradao kɛŋɔ bechale nɔ la, waa Korowii Kora la ta dɔe ba dɛ́ ja bwa.”

Tɔn Pɔɔl Aa Chwerɛ Rom Tena 1:13

Yabala, n dɛ nyin kɛ hé jemɛ kɛŋɔ saŋ bɛlbwaa n fe ɛɛ nyin kɛ ń ba he be, asɛ waa yon dɛɛ tɔ mɛ ŋwɛnɛ. N dɛ nyin ń dɔ he bane dɛ tɛ Yeesu Kristo kɛŋɔ maa dɔ bane le nɛra ba ɡe aa wola Juu tena ɛɛ bini la.

Tɔn Pɔɔl Aa Chwerɛ Rom Tena 16:19

Nɛra bwa dɛ bol he teŋa haa dɛ teŋɛ Yeesu waa la ta waa bobɛlbwa, anomanta, n sie lɛ he nɛɛ kɛrɛdɛ. Kɛ n dɛ nyin kɛŋɔ he ɛ wejerema wedɛɛɡa ɛɛ bɔr, asɛ dɛ ɛ nɛra haa wola wobɛlbwa jemɛ wechɔɡa ɛɛ be pera.

1 Kɔrent 13:11

Gɛ saŋ n fa aa ɛ bechala la, dɛ n dɛ bol bechawobol, dɛɛ ɛ bechawa, dɛɛ lii bechaliire. Kɛ maa baa kpeɡ dɛ ɛ nomoa la, n ɡel n bechawaa la bwa.

1 Kɔrent 14:19

Kɛ dɛ n lɔ asɔre, dɛ bol n bwɛɛ wobol tama asɛ nɛra won no aa, a bɔ kɛŋɔ maa kpɔ wobofala bol waa kohona nɛra ta a mun noɛ.

1 Kɔrent 2:6

Ya dɛ bol wejema waa te dɛɛ baɡle nɛra ba sie aa chaah Korowii waa ta kɛrɛdɛ. Wejema yaa dɛ baɡle a waa nɔ ta harɛ nɔ ta nɛra ne ba nɛnjena wejema ɛɛ. Ba te, ɛɛ baa ɛ pɛɛpɛɛ.

Ɛfesos 4:13

ásɛ ya bwa won dɔ nyopɛo yarada yaa yarada Korowii Bie ne jema yaa jemɔ la ta kɛrɛdɛ dɛ ka tonɛ, dɛ won kpeɡ kɛrɛdɛ kɛŋɔ nomonome o nɛɛ teŋa ta, ɡɛ Yeesu Kristo aa doa la. Onee ya kpɔ dɛɛ maɡɛ ya te dɛ́ jemɛ ɡɛ yaa kpeɡ.

Felepae 1:9

N dɛ soŋe Korowii kɛŋɔ ó ɡel he dɔ nɛnnyin kɛrɛdɛ dɛ́ɛ ja, dɛ́ berɛ dɔ wejema ne nfɛrɛ dɛ́ ja a ta,

Felepae 3:15

A wer kɛŋɔ ya banɔ la bwa yaa kpeɡa Korowii waa la ta la dɔ ɡɛ liire. Dɛ he bane ɡe liire korɔ waa nɔ ane ta naa, Korowii ɛɛ ɡeloo a bini chaah tɛ heya.

1 Pita 2:2

Hé ɡel he siwi swɛɛ Korowii Waa la noe ta kɛŋɔ bechasɔɔhne siwi yon swɛɛ elnee ta la, a che a ta he won kpeɡ he lɛɛ waa la ta.

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.