1 Kɔrent 14:1 - mzwDBL

¹ Hé ɡel he sie beɡre nɛnnyin ta, ásɛ dɛɛ nyin kpeɡri waa lɔ Korowii Domadɛɛɡe la be, dɛ́ kpɔ dɛɛ cha nɛra. Kɛ kpeɡri háa swɛɛ siwi dɛ́ nyin kohona laanee kɛŋɔ, he won che Korowii Domadɛɛɡe kpeɡri ta dɛ́ɛ bol o wa aa dɛ ba bala kerekere la,

1 Kɔrent 14:1 ပူးပေါင်းရင်းမြစ်များ

1 Kɔrent 14:39

Yabala, hé ɡel he sie beɡre hɛɛ nyin kpeɡri Korowii be, ásɛ dɛ won kpɔ bol o wa, dɛ bɛ banɔ la baa dɛ bol wobofala la ŋwɛnɛ tɔ.

Hibru 12:14

Hé swɛɛ siwi kɛŋɔ he ne nɛra bwa baah ɛɛ do werii, dɛ́ swɛɛ siwi kɛŋɔ hɛɛ do ɡoroŋee, dɛkalkɛŋɔ dɛ nomɛlbwa ta ɡoroŋ doe yaa, waa Korowii nae ba.

1 Timoti 4:14

Kpeɡri Korowii Domadɛɛɡe aa chae he dɔ dɛ le awola nomonome la aa kpɔ nɔɔra darawe he nɛɛ dɛ che Korowii Domadɛɛɡe kpeɡri ta dɛ bol a waa la, bɛ ɡel a ɛ pɛɛ.

1 Kɔrent 16:14

Hé kpɔ nɛnnyin dɛɛ ɛ wobɛlbwa dɛɛ tɛ nɛra.

1 Kɔrent 12:1

Yabala, n dɛ nyin kɛŋɔ hé jemɛ kpeɡri Korowii Domadɛɛɡe aa dɛ cha yaa ya dɔ la bini kɛrɛdɛ.

1 Kɔrent 13:13

Anomanta, webele atoroo lole, yarada, hwɛɡa ne nɛnnyin. Kɛ nɛnnyinii ɡwaa a bwa.

1 Tesalonika 5:20

He bɛ he bala baa dɛ na chaahna la nyoa dɛɛ vɛh.

Sɛɡla 15:9

Korowii hah nɛnchɔɡa we-ɛɛla, O dɛ nyin nɛra baa dɛ teŋɛ waa aa toɡra ta.

1 Timoti 6:11

Hei, Timoti! Haa dɛ teŋɛ Korowii nɛɛ nɔ, a chɛ kɛŋɔ hɛ́ɛ ke he te ɡɛ waa la te bwa ta, dɛ́ swɛɛ siwi dɛɛ ɛ waa aa dɛ su Korowii siwi, dɛɛ tomɔ, dɛɛ yaradao, dɛɛ nyin nɛn, dɛ́ won bambile lawa wobɛlbwa ta, dɛ́ do pwɛre.

1 Kɔrent 14:37

He banɔ la haa dɛ bol ŋɔ he won Korowii kpeɡri ta cheɡa dɛ́ bol o waa la, kɛɛ he dɔ Korowii Domadɛɛɡe la, hé jemɛ kɛŋɔ waa maa chwera ba tɛ heyaa la ɛ Korowii Mmara.

Aesaya 51:1

Korowii ŋɔ, “He banɔ la he siwi aa swɛɛ waa aa toɡra ta, hɛɛ nyin he jem mɛ la, hé no n be. Hé lii he nabaa Abraham waa do kɛŋɔ bwe baa pɛɡre heyaa le o ta, ne bɔɔ baa kwi heyaa le o bini la.

1 Timoti 5:10

nɛra bwa jemɛ o wedɛɛɡa waa ɛa wa, kɛŋɔ waa wona dɛɛ o bii ŋwɛnɛdɛɛɡe ta ba ɛ bechadɛɛɡa, dɛ won dɛɛ kpoŋe hɔɔhra kɛrɛdɛ, dɛ pwɛr o te ɛ toma tɛ asɔre tena, dɛ won cha nɛra wa aa puu ba, asɛ dɛ won kpɔ o te bwa tɛ wedɛɛɡa ɛɛ ɡbo la waa mɛɛ bol he be ŋɔ hɛ́ɛ nyiŋi ba nɛɛ la.

Ɛfesos 1:3

Hé ɡel ya kpɛɛ ya Dɔɔ Yeesu Kristo Mɛɛ Korowii, dɛkalkɛŋɔ o cha yaa wedɛɛɡa la bwa aa le o Domadɛɛɡe be la ta, asɛ yaa na som o be nyundua, pɛɛ ya ne Yeesu Kristo aa pɛa la wa.

1 Kɔrent 12:31

Hé ɡel he sie beɡre, ásɛ hɛɛ nyin kpeɡri Korowii Domadɛɛɡe be, ásɛ dɛ won cha nɛra ŋwɛnɛre aa wera kohona la ta. Mɛɛ baɡle heyaa ŋwɛnɛ waa wera ɡwaa a bwa.

Sɛɡla 21:21

Nɛn waa teŋɛ waa aa toɡra ta, dɛ dɔ nyina ɡe la, o dɛ biɡri, o wobɛlbwa ɡe ɛɛ do wer wɛɛ dɔ jirima.

3 Jɔn 1:11

N dandɛɛɡe, bɛ nɛra baa dɛ ɛ wechɔɡa la nɛɛ teŋɛ. Kɛ dɛɛ teŋɛ nɛra baa dɛ ɛ wedɛɛɡa la nɛ. Banɔ la baa dɛ ɛ wedɛɛɡa la ɛ Korowii bilola. Nomɛlbwa ɡe waa dɛ ɛ wechɔɡa la aa Korowii jemɛ.

2 Pita 1:7

Hɛ́ɛ nyin dɔŋa dɛɛ ja he Korowii ɔma ta, dɛɛ nyin nɛn dɛɛ ja he dɔŋa nyina ta.

Tɔn Pɔɔl Aa Chwerɛ Rom Tena 12:6

Kpeɡri Korowii aa cha ya bwa ya dɔ kokoɡrɔ. A chɛ kɛ ya bɛlbwa kpɔ kpeɡri Korowii aa sune o nɛɛ dɛ tɛo la ɛ toma. Dɛ Korowii Waa bola kpeɡrii o kpɔ tɛɛ naa, a chɛ kɛ hɛɛ bola ɡɛ del he yarada aa doa.

2 Timoti 2:22

Laa he te kpɔ wedoŋa bonɔɔna aa dɛ pɛlɛ a ta la ta, ásɛ he ne nɛra baa dɛ soŋe Korowii tepoŋ ne la siwi swɛɛ wedɛɛɡa ɛɛ aa dɛ su Korowii siwi, ne Korowii yaradae, ne nɛnnyin, dɛ waa aa dɛ ba deŋnesɔɔhna ne la ta.

Tɔn Pɔɔl Aa Chwerɛ Rom Tena 9:30

Ɛrɛɛ yaa ba ŋɔe yɔ? Nɛra baa wola Israel tena ɛɛ la, ba siwi aa wola swɛɛrɛ kɛŋɔ Korowii lɛɛ ba kɛ nɛndɛɛɡa ba waa su o siwi la, ba yarada nomanta, Korowii siwi su ba.

Tɔn Pɔɔl Aa Chwerɛ Rom Tena 14:19

Anomanta, a chɛ kɛ ya ɡel ya siwi swɛɛ waa aa dɛ ba deŋnesɔɔhna ne, ne waa aa dɛ ba ɡela ya dɔŋa che kiŋkiŋ ta.

1 Samoɛl 10:5

A habɔɔ, hɛɛ ka tel Korowii deŋɡare waa lɔ Gebea la taa, belaa Filisti tena baŋre ba tɛnte deene dɛ so. Haa dɛɛ jo bwɛɛ la doonyojen bini la, hɛɛ cheme Korowii keamere baa le saraha bɔr deŋɡare la ta dɛ teŋɛ dɔŋa nɛɛ dɛɛ ba, dɛɛ lɔ janjela ne ɡboŋri, dɛɛ hoh kalipere. Baa bol Korowii waa.

1 Kɔrent 13:2

Hale n wono che Korowii kpeɡri la ta, dɛɛ bol o waa aa dɛ ba bala kerekere la kɛrɛdɛ, dɛ jemɛ o wesɔɔhla bwa, dɛ dɔ sipila kɛrɛdɛ, dɛ che o kpeɡri la ta, dɛ dɔ yarada dɛ won ŋɔ bwejen be ó chuɡri le o buɡ ta, dɛ kaa bofale asɛ o chuɡri, dɛ maa nɛn nyin aa, dɛ n ta nɛn ɛɛ.

1 Kɔrent 14:22

Anomanta, Korowii ɡelɔ nɛra ɛɛ bol wobofala, dɛɛ baɡle o kpeɡri dɛɛ tɛ nɛra baa wola on yarada. Nɛra baa dɛ yaradao la waa laa. O waa baɡla Korowii Domadɛɛɡe la kpeɡri ta la, banɔ la baa dɛ yaradao la waa.