1 Kɔrent 13:4 - mzwDBL

⁴ Dɛ nɛn dɛ nyin nɛn aa, o dɔ bambile dɛɛ tɛ o bala, dɛɛ ɛɛ ba kɛrɛdɛ. Waa bɔweela ɛ. Waa o te nɛnjen yerɛ. Waa o te baɡle.

1 Kɔrent 13:4 ပူးပေါင်းရင်းမြစ်များ

Mumpar 30:1

Rakɛl aa naa kɛŋɔ o ta bie lolɛ tɛ Jekɔb la, o mee Lea dɛ ŋɔ Jekɔb be ŋɔ, “Gel n lolɛ bii, dɛ ɡɛ laa aa, amɔ te mɛɛ sewɔɔ.”

Mumpar 37:11

Ate, o dɔɔranar la bwaawee ir o nɛɛ kɛrɛdɛ, kɛ o mɛɛ te kpɔ waa la do o nyu bini.

Nehemia 9:17

Ba vɛh he waa la ta teŋa, dɛ soh nyokpowe-ɛɛla bwa haa ɛa. Ba ɛ lwɛmkpeɡ, dɛ le nomoa ŋɔ ó berɛ kpɔ ba kaa ba somanjiri dii ta Ijipt harɛ. Kɛ he ɛ Korowii haa kpɔ wechɔɡa dɛɛ kɛ, he dɔ tedoma dɛɛ nyin nɛn, he baah aa di warawara ɡe. He tedoma haa dɔa tɛ nɛra kan, he ta ban tae.

Yela 10:5

Ba we-ɛɛla bwa dɛ do wer dɛɛ tɛɛ ba, baa ŋwɛnɛ Korowii aa cheɡɛ o ta, dɛɛ pa bole mun no, dɛɛ mamɛ ba dɔma.

Sɛɡla 10:12

Che kaɡraree dɛɛ ba tim kaɡrare tae ne, kɛ nɛnnyin te dɛ́ tɔ wechɔɡa ta.

Sɛɡla 13:10

Waa nee jenu ɛɛ ba, wejeremee dɛɛ bɔɔ waa bini.

Sɛɡla 17:14

Naɡra mumpar do kɛŋɔ haa teɡɛ nee bio, waa la aa wola dɔe do kan la, teŋe a ta mɔɔ a kaa sie.

Sɛɡla 17:9

Nɛn waa laa sie dɛɛ kpɔ waa o dɔŋ aa ɛo ta la dɔ nyina. A kpoŋa dɛɛ bol te dɛ peɡri darame.

Sɛɡla 19:22

Kɛrɛdɛ nɛn aa dɛ ɛ waa ba teŋɛ dɛɛ nyin o wa, nɛn nyao bɔ kɛŋɔ waa dɛ teŋe nyosone.

Sɛɡla 31:20

Waa o ɡbo kon nyin, o dɛ ta tea dɛɛ tɛ nyaara ne nɛŋɡwɛɡra kwa.

Sɛɡla 31:26

O dɛ bol wejemwa, dɛɛ baɡle waa aa ɛ kasinteŋ.

Wejereme 10:4

Dɛ kooro baah di he nɛɛ aa, bɛ ŋɔ he dɛ vɛh toma waa kpɔa do he nɔn ta. Bambile lawa ɛɛ won sɔɔh he wechɔɡa haa ɛa nyoa.

Matiu 27:18

Dɛ o ɡbabir jemɔ kɛŋɔ bɔweela waa ba che Yeesu nɛɛ pɛɛpɛɛ dɛ kpɔɔ ba o be la.

We-ɛɛla 7:9

Dɛ Jekɔb bii la aa ba nime Josef la waa nyin, dɛ kpɔ bɔweela yoɡu tɛ Ijipt tena, asɛ ba ka kpɔɔ ɛ ba yom. Dɛ Korowii teŋɛ Josef nɛ,

Tɔn Pɔɔl Aa Chwerɛ Rom Tena 1:29

Harɛ bini wechɔɡa nɔ bwaa baa ɛ, mur ne sibeɡra ne meesɔɔh, ne bɔweela ne nɛŋkpoa, ne naɡra ne dɔŋa neɡra, ne dɔŋa haeh dɛ nɛra ŋwala.

Tɔn Pɔɔl Aa Chwerɛ Rom Tena 13:13

Hé ɡel ya lawɛ ya te kɛrɛdɛ, dɛ́ do kɛ nɛra bɔr aa chaah ba nɛ. Dɛ warɛ dɛ valɛ dɛɛ do ɡbɔɡa ne sennyɔdɛɛ waa toole kpa, hanyin ne banyin ne wedoŋa toole kpa, naɡrenyin ne bɔweela toole kpa.

1 Kɔrent 3:3

dɛkalkɛŋɔ he ta dɛ teŋɛ nɛwɛnyini mar waa ta. Bɔweela ne naɡra aa lɔ he baah ta nɔ, nɛwɛnyini mar nɛɛ laa hɛɛ teŋɛ nɔ naa? Haa jemɛ kɛŋɔ dɛ he dɔ ɡɛ da nɔ naa, he ja nɛra baa dɔ harɛ nɔ ta liire nɛɛ kɛɛ?

1 Kɔrent 4:18

He bane dɛ baɡle he te dɛɛ lii kɛŋɔ maa ba dɛ ba na heyaa kpa.

1 Kɔrent 4:6

Yabala, n kpɔ toma n ne Apolos aa ɛa la dɛ che a ta dɛ baɡle waa nɔ, ásɛ he no a mun dɛ́ jemɛ waa aa wera kɛŋɔ he ɛ. Ba chwerɛ Korowii Tɔn bini ŋɔ, He bɛ ɛ ɡarɛ ɡɛ baa chwera Korowii Tɔn bini la. He bɛ bane kpɔ ɡwaa bane dɛ́ɛ maŋkura he te.

1 Kɔrent 5:2

A fe chɛ kɛŋɔ he ɡel he tea bini chɔɡ waa nɔ wa, asɛ hɛɛ maŋkura he te la. Aa were kɛŋɔ ɡɛ nɛn la ta ja he bini kpa!

1 Kɔrent 8:1

A ka kwaa baa kpoora dɛɛ tɛ voɡa wa. A waa jema te, ya bwa jemɛ a wa. Kɛ nɛwɛnyini wejema ɡelɔ wɛɛ nyin sɔn. Asɛ nɛnnyin ɡe ɛ chae.

2 Kɔrent 12:20

N dɛ ɔmɛ kɛ n balaa, ɡɛ maa dɛ nyin kɛ he do la, maa heyaa ɡɛɛ na, ɡɛ he ɡe aa dɛ nyin kɛ n do la, haa men ɡɛɛ na. N dɛ ɔmɛ kɛ mɛɛ ba na naɡra, ne bɔweela, ne bandisale, ne n ɡbo dɔ, ne dɔŋa chɛɡra, ne dɔŋa ŋwala, ne mbarafo dɛ wesaɡasaɡare ɛɛ he baahnee.

2 Kɔrent 6:6

Ya cheɡɛ ya ɡoroŋ yaa doa la ta, ne Yeesu Kristo ŋwɛnɛ la waa yaa jema, ne bambile yaa dɔa, ne ya tesom ta dɛ baɡle kɛ Korowii bonɔɔnaa yan. Ya cheɡɛ Korowii Domadɛɛɡe la yaa dɔa, ne ɡɛ yaa nyin nɛra tea bwa ne,

Galaasia 5:26

A ta chɛ kɛ yaa ɛ jenu. A ta chɛ kɛ yaa ir dɔŋa bwaawee. A ta chɛ kɛ ya dɔ bɔweela dɔŋa nɛ.

Ɛfesos 4:2

Hɛ́ɛ sɔɔh bwara dɛɛ pwɛr he te, dɛ́ koh dɔŋa nyina waa dɛ́ dɔ bambile dɔŋa nɛ,

Ɛfesos 4:32

dɛɛ ɛ dɔŋa wedɛɛɡa, dɛ́ dɔ dɔŋa chal. Dɛ he dɔŋ ɛɛ wechɔɡa aa, kpɔ kɛo kɛŋɔ Korowii aa koh Yeesu Kristo waa dɛ kpɔ he wechɔɡa kɛ heyaa la.

Felepae 1:15

Kasinteŋ, bɔweela ne dɔŋa meera waa nɛra bane ɛɛ bol Kristo Amanesoma la, asɛ bane ɡee bola bambile bwa ne.

Kolosi 1:11

dɛ́ won dɔ kpeɡri kɛrɛdɛ dɛ́ le o ɡbaɡba kpeɡri waa do kan dɛ dɔ jirima kɛrɛdɛ la ta. N dɛ soŋe Korowii ó cha heyaa ɡɛ hé won lawɛ bambile wobɛlbwa ta,

Kolosi 2:18

Dɛ nomɛlbwa dɛ pwah heyaa ŋɔ haa ɡɛ waa teŋe nyosone ŋɔ pwɛraa wɛɛ pwɛr o te dɛɛ tomɛ nyundua toroma la ta teŋaa, he bɛ on dawɛ. Gɛ nɛn nɔ dɛ maŋkura o te kɛŋɔ o dɛ na waa deera ta, dɛɛ yerɛ o te nɛnjen, kɛ pɛɛpɛɛ. Nɛwɛnyini liire taa wɛɛ teŋɛ,

Kolosi 3:12

Heyaa Korowii bidɛɛɡa waa le heyaa tɛ o te, dɛ laa he doŋa bwa kpɔ he nɛ, dɛɛ nyin heyaa kɛrɛdɛ. Anomanta, hé kpoŋe dadɛɛɡe dɛ́ dɔ tedoma, dɛ́ ta tea dɛ́ɛ tɛ dɔŋa, dɛ́ɛ pwɛr he te, dɛ́ɛ tɛ nɛra sie, dɛ́ dɔ bambile tɛɛ ba.

1 Tesalonika 5:14

Yabala, ya dɛ soŋe heyaa kɛ hɛ́ɛ ja banɔ la baa ɛ bɔhwaahra la, dɛɛ do ɔmeera la ɡbemba, dɛ lawɛ banɔ la baa wola cheɡɛ kiŋkiŋ Korowii ŋwɛnɛ ta la kpoŋe, dɛ́ dɔ bambile tɛ nomɛlbwa.

1 Timoti 6:4

naate dɛ maŋkura o te pɛɛpɛɛ. Waa wobɛlbwa jemɛ. Wetɔŋla dɛ weo choɡla, asɛ wetama bɛlbwa dɛ o dɛ vuuɡa. Gɛ waa nɔɔ dɛɛ ba bɔweela ne naɡra ne dɔŋa chɛɡra ne liichɔɡa ne la.

2 Timoti 2:25

dɛɛ baɡle nɛra o ne ba liire aa wola beŋkpoŋ ɛɛ la waa taa ne. Bɛl lole naa, Korowii ɛɛ na ɡɛ nɛra la sumii, dɛ́ ɡel ba charɛ ba liire, ásɛ ba won jemɛ kasinteŋ waa la,

2 Timoti 3:10

He Timoti te, he jemɛ waa maa dɛ baɡle la bwa, dɛ jemɛ n da, ne kon la waa maa dɛ koh, ne ɡɛ maa dɛ yarada Yeesu Kristo, ne ɡɛ maa won bambile lawa, ne ɡɛ maa dɛ nyin nɛn, ne ɡbemba maa dɔa.

2 Timoti 4:2

hé bol Amanesoma la baɡle nɛra. A som oo, aa somoo, kpɔ he te kɛ saŋ te bɛlbwa hɛɛ bolaa. Eɡle sie ta ba nɛ, dɛ́ ɡel ba jemɛ wechɔɡa baa dɛ ɛ, ásɛ dɛɛ ja ba. Lawɛ bambile dɛɛ chaɡ ba.

Taetos 3:3

Ya ɡbabir fa ɡɛnɔ. Ya fa ɛ deŋnekpeɡ tena. Ba fa neɡre yaa, pɛlchɔɡa bwa soo siwi ne bodia kpɔ yaa berɛ yoma. Meesɔɔh ne bɔweela bwa nee ya faa so. Nɛra fa hah yaa, ya ɡe hah dɔŋa.

Jems 4:5

Kɛ he dɛ lii kɛŋɔ pɛɛpɛɛ Korowii Tɔn la ŋɔ lileo Korowii aa kpɔa do ya bini la dɛ mee la?

1 Pita 2:1

Anomanta, hé le wechɔɡa bɛlbwa kɛŋɔ dɔŋa neɡra bɛlbwa, ne nɛra sie nyiŋa dɛɛ ɛ wa, ne bɔweela dɛ nɛra waa bola bɛlbwa sese ta.

1 Pita 3:8

Waa maa dɛ nyin n bol laanee kɛŋɔ hé ɡel he nyoa pɛ, hé dɔ dɔŋa chal, hɛ́ɛ nyin dɔŋa kɛŋɔ nyabii. Hé dɔ tedoma dɛɛ tɛ dɔŋa, dɛ pwɛr he te dɛɛ tɛ dɔŋa.

1 Pita 4:8

Waa aa ɛ wehiah kohonaa kɛ hɛ́ɛ nyin dɔŋa bambile bwa ne, dɛkalkɛŋɔ dɔŋa nyina dɛ tɔ wechɔɡa kɛrɛdɛ ta.

2 Pita 1:7

Hɛ́ɛ nyin dɔŋa dɛɛ ja he Korowii ɔma ta, dɛɛ nyin nɛn dɛɛ ja he dɔŋa nyina ta.

1 Jɔn 4:11

Yabala, dɛ kenii Korowii ɛɛ nyin yaa te naa, amɔ a chɛ kɛŋɔ yá nyin dɔŋa.