1 Kɔrent 13:12 - mzwDBL

¹² Gɛ tentenee ya waa do taraken. A do kɛŋɔ yaa dɛ nyiŋi diɡi waa wola na kɛrɛdɛ ta ken. Dɛ tɔpere bɛl telaa, yaa naa kɛrɛdɛɛ kɛŋɔ a chɔ ya sie. Anɔ la bwa yaa jema taraken nɔ, anjena ta lɔ mun ta. Kɛ tɔpere la telaa, mɛɛ jemɛ wobɛlbwa ɡɛ Korowii aa jem mɛ la.

1 Kɔrent 13:12 ပူးပေါင်းရင်းမြစ်များ

Mumpar 32:30

Belaa o ŋɔ, “N na Korowii siwi ne dɛ ta so mkpa ta.” Anomanta, o pa bela sɔn Pɛneɛl.

Job Tɔn 19:26

Weela nɔ aa chɔɡ n bwadabii nɔ habɔɔ n ta do le nɔ, mɛɛ na Korowiirii.

Job Tɔn 36:26

Na ɡɛ Korowii aa kana! O kan waa doa ɡwaa nɛn liire ta, nomɛlbwa aa saŋ waa lea do le, ba le fini jemɛ.

Kaala 33:11

Dɛ Korowii ne Mosis dɛ bol waa dɔŋa be kɛŋɔ nɛn ne o dam ken. Asɛ Mosis berɛ kaa ba soŋnibɔr bela, kɛ Nun bibaa Josua waa dɛ chao la te soɡe bela.

Ɛsekeɛl 17:2

“Nɛwɛnyini bie, ka sɛɡle Israel tena

Nɛra Kura 12:8

N ne o bol wa dɔŋa be, a bini chɔ kɛrɛdɛ, wobobeela laa. O dɛ na ɡɛ maa doa kɛrɛdɛ. Ɛrɛ waa haa wola ɔmɛ kɛŋɔ he bol n bonɔɔ Mosis waa nɔɔ?”

Matiu 18:10

Yeesu berɔ ŋɔ, “Hé nyiŋi kɛrɛdɛ dɛ bɛ n bechajeɡre nɔ bɛlbwa nyiŋi vah. N dɛ ŋɔ he be kɛŋɔ, nyundua toroma baa dɛ nyiŋi ba nɛɛ la won n Mɛɛ sie laŋa saŋ te bɛlbwa.

Matiu 5:8

Nɛra ba tea bini aa toa la, ba na som, dɛkalkɛ banee dɛɛ ba Korowii nae.

Amanesoma Jɔn Aa Chwera Tɔn 10:15

kɛŋɔ n Mɛɛ aa jem mɛ asɛ n ɡe jemɔ la. Dɛ seo kwaraa yaa, mɛɛ kpɔ n nyuu charɛ dɛ lɛa.

Tɔn Pɔɔl Aa Chwerɛ Rom Tena 8:18

Wahala nɔ yaa dɛ na taraken nɔ, he nyiŋi som yaa dɛ ba nae kerekere la aa, a ta wahala ɛɛ kwaraa.

1 Kɔrent 13:11

Gɛ saŋ n fa aa ɛ bechala la, dɛ n dɛ bol bechawobol, dɛɛ ɛ bechawa, dɛɛ lii bechaliire. Kɛ maa baa kpeɡ dɛ ɛ nomoa la, n ɡel n bechawaa la bwa.

1 Kɔrent 8:3

Naate waa dɛ nyin Korowii la te, Korowii ɡba jemɔ.

2 Kɔrent 3:18

Anomanta, komɛlbwa ta ya te sie tɔe. Ya Dɔɔ Yeesu jirima chaah ya nɛ, dɛɛ beɡre yaa asɛ yaa do ɡɛ waa doa, jirima yaa dɔa la ɛɛ ja. Ya Dɔɔ Yeesu waa ɛ Domadɛɛɡe la bee a bwa le.

2 Kɔrent 5:7

dɛkalkɛŋɔ waa yaa dɛ na la ne laa ya so. Waa yaa dɛ yarada a waa la nee ya so.

Felepae 3:12

N ta ŋɔe ŋɔ n denɔ won do kaih dɛ ɛ nɛndɛɛɡe dɛ ka tonɛ. Akai! N ta swɛɛ siwi dɛɛ nyin ń won do ɡɛ bwa Yeesu Kristo aa lee mɛ ŋɔ ń do la.

Jems 1:23

Nomɛlbwa waa no waa nɔ, waa wola ɡɛ waa la aa baɡla la ɛ la, o do kɛŋɔ nɛn waa dɛ nyiŋi diɡi ta dɛɛ na o ɡbaɡba la.

1 Jɔn 3:2

Yabala, taraken ya ɛ Korowii bii. Yaa jemɛ kɛrɛdɛ ɡɛ yaa dɛ ba doe. Kɛ ya jemɔ kɛŋɔ awola Yeesu Kristo aa forɛ le nɛra nao la, ɡɛ waa doa la, ɡɛɛ ya ɡe ɛɛ ba doe, dɛkalkɛ yaa nao dɛ́ na ɡɛ waa doa.

Wepila 22:4

dɛ́ɛ nao, ásɛ o sɔn ɡe dawɛ ba tili ta.