1 Kɔrent 13:1 - mzwDBL

¹ Dɛ n wono dɛɛ bol nɛra bwa ne nyundua toroma wobol, kɛ dɛ maa nɛn nyin aa, dɛ ɡbɔɡaa mɛɛ do kɛŋɔ baa dɛ lɔ dawuro waa pera wɛɛ do ɡbɔɡa la.

1 Kɔrent 13:1 ပူးပေါင်းရင်းမြစ်များ

1 Timoti 1:5

Waa maa koh a waa doe waa nɔ ta laanee kɛŋɔ bá won dɔ nɛnnyin. Nɛn waa dɔ nɛnnyin nɔ soo la ta wechɔɡa bɛlbwa dɔe, o tea too, o dɔ yarada kasinteŋ.

1 Pita 4:8

Waa aa ɛ wehiah kohonaa kɛ hɛ́ɛ nyin dɔŋa bambile bwa ne, dɛkalkɛŋɔ dɔŋa nyina dɛ tɔ wechɔɡa kɛrɛdɛ ta.

Galaasia 5:22

Korowii Domadɛɛɡe la te, kwaa waa dɛ tɛ laanee dɔŋa nyina, ne silɛɛ, ne nyopɛo, ne bambile dɔe, ne tesom, ne wedɛɛɡa ɛɛ, dɛ kasinteŋ dɔe,

1 Kɔrent 13:8

Nɛnnyin ta jaɡa dɔe. Korowii waa baa cheɡɛ o kpeɡri ta dɛɛ bol bwa ɛɛ tonɔɔ tɔpebɛl wee. Wobofala baa cheɡɛ Korowii kpeɡri ta dɛɛ bol bwa ɛɛ teŋoo tɔpebɛl wee. Wejema ɡee ba tonɔɔ.

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

1 Kɔrent 8:1

A ka kwaa baa kpoora dɛɛ tɛ voɡa wa. A waa jema te, ya bwa jemɛ a wa. Kɛ nɛwɛnyini wejema ɡelɔ wɛɛ nyin sɔn. Asɛ nɛnnyin ɡe ɛ chae.

2 Pita 2:18

Ba nyoa wobol kan taeh, kɛ ɡɛnewaa a bwa. Ba kpɔ bwadabii pɛlchɔɡa waa ne wedoŋa nɛra sie aa dɛ lɛ a ta, dɛ neɡre nɛra dɛɛ kaa wechɔɡa ta. Nɛra baa pa mun dɛɛ le wechɔɡ-ɛɛra bini baa wola cheɡɛ kiŋkiŋ mɔɔ laanee ba neɡre dɛɛ kaa wechɔɡa ta.

Tɔn Pɔɔl Aa Chwerɛ Rom Tena 14:15

Dɛ he koh he kondikwaa waa dɛ ɡel he dɔŋ ɛ wechɔɡa o tea bini chɔɡ aa, dɛ he dɛ nyinu wa aa? O waa Yeesu Kristo koh dɛ sewɛ, anomanta, bɛ ɡel he kondikwaa haa dɛ di la chɔɡo.

Matiu 25:45

Ásɛ n ŋɔ ba be ŋɔ, ‘Kasinteŋ, ɡɛ haa wola n nimanar baa ɛ nɛŋɡwɛɡra waa nɔ dɔŋa puu ba he ta bɛlbwa chae la, menee haa wola chae la.’

1 Kɔrent 12:8

O tɛ nɛra bane wejema, dɛ tɛ bane ɡe sipila. O Doma beŋkpoŋ laanee tɛ ba bwa a ɡɛ kpeɡri la, bá won bol waa dɛɛ baɡle nɛra,

1 Kɔrent 12:16

Dɛ deŋne ɡe ŋɔ o ta siwi ɛɛ nomanta, o ta bwadabii ta jae yaa, dɛ nyosonee. O ta siwi ɛɛ, kɛ o ja bwadabii ta.

2 Kɔrent 12:4

Korowii la o ne o be, o ka no waane nɛwɛnyini aa wola won bola. Korowii ta ŋwɛnɛ tɛɛ kɛ nɛwɛnyini bola.

Yela 150:5

Hé lɔ ɡboŋri kpɛɛro. Hé kpɔ ayaawa kwaa anɛ dɛ́ɛ lɔ dɔŋa, dɛ́ɛ hɛlɛ kohona.

Amanesoma Mak Aa Chwera Tɔn 16:17

Nɛra baa yarada n waa la ɛɛ ɛ wejenaa, ásɛ nɛra na dɛ́ jemɛ kɛŋɔ n nɛraa ban. Baa dɔ kpeɡrii dɛ́ won che n sɔn ta dɛɛ doŋi kwaa aa dɛ ir nɛra nɛ. Korowii Domadɛɛɡe ɛɛ ir ba nɛɛ baa bol wobofala.

1 Kɔrent 12:10

O tɛ bane kpeɡri ba won nyokpowaa ɛɛ, asɛ bane ɡe won che o kpeɡri la ta, dɛ́ won bol Korowii Wa aa dɛ ba bala kerekere. O ɡelɔ bane won jemɛ kon la soo waa dɛ ir nɛra nɛɛ ba che o ta dɛɛ ɛ wa, dɛ ɡel bane ɡe won bol wobofala, asɛ dɛ ɡel bane ɡe won wobofala mun baɡla dɛɛ baɡle nɛra.

1 Kɔrent 14:2

dɛkalkɛŋɔ naate waa dɛ bol wobofala la, nɛra laa o bol dɛɛ tɛ. Korowiirii o bol dɛɛ tɛ. O cheɡɛ Korowii kpeɡri ta dɛɛ bol waa aa sɔah. Nɛra aa a waa no.

1 Kɔrent 14:4

Nɛn waa dɛ bol wobofala la, o bolɔ dɛɛ tɛ o ɡbaɡba. Naate waa cheɡɛ Korowii Domadɛɛɡe kpeɡri ta dɛɛ bol Korowii Waa la ɡe, asɔre tena la bwaa wɛɛ cha.

1 Kɔrent 14:5

Dɛ he bwa won wobofala bola aa, n dɛ nyin ɡɛ. Kɛ dɛ he won Korowii Domadɛɛɡe kpeɡri ta cheɡa dɛ́ bol wa aa, ɡɛɛ dɛ́ do n som kohona. Naate waa dɛ bol Korowii Waa la ɡwaa nɛn waa dɛ bol wobofala, atane kɛ nomɛl won a mun baɡla dɛɛ tɛ asɔre tena á cha ba.

Wepila 14:2

Asɛ n no ɡbɔɡa nyundua kɛŋɔ chuubu aa dɛ si ken, a berɛ do kɛŋɔ bwaala aa kɔra kohona la. Dɛ o dɛ si kɛŋɔ baa dɛ lɔ janjela la.