1 Kɔrent 12:9 - mzwDBL

⁹ dɛ ɡel bane che o kpeɡri la ta dɛ dɔ yarada kɛrɛdɛ, asɛ dɛ tɛ bane ɡe kpeɡri weela chaeh ta.

1 Kɔrent 12:9 ပူးပေါင်းရင်းမြစ်များ

Matiu 10:8

Hé chah weela tena, dɛ́ chum nɛra baa serewa. Hé chah weela bwa aa dɛ chɔɡ nɛn bwadabi, dɛ́ doŋi kwaa a yon dɛɛ ir nɛra nɛɛ la le ba nɛ. N kpɔ kpeɡri nɔ kɛ heyaa pɛɛpɛɛ. Hé ɡe kpɔ chaah ba pɛɛpɛɛ.

Matiu 21:21

Anee Yeesu ŋɔ ba be ŋɔ, “Kasinteŋ, dɛ he dɔ yarada, haa tɔŋla di he bambile bini naa, hɛɛ wonoo ɛ ɡɛ maa ɛa dɛ ɡel daa nɔ sewɛ nɔ. A ɡbo laa. Hɛɛ wonoo kpɔ yarada ŋɔ bwé nɔ chuɡri ka le mpo ta, ásɛ o chuɡri ka le mpo ta.

Amanesoma Mak Aa Chwera Tɔn 16:18

Dɛ harɛkwaa dom ba aa, wobɛlbwa aa ba ɛɛ ba. Dɛ ba nyɔ tɛɡchɔɡa kwara naa, baa sewa ba. Baa wonoo kpɔ ba nɔɔra dawɛ weela tena nɛɛ bá dɔ bokpeɡa.”

Amanesoma Mak Aa Chwera Tɔn 6:13

Ba doŋi kwaa aa dɛ ir nɛra nɛɛ pirim, dɛ́ kpɔ noo fɔɡle weela tena baa wara, dɛ́ chaah ba weela.

Amanesoma Luk Aa Chwera Tɔn 10:9

Hé chah bela tena ba bwara aa dɛ wee ba la weela, ásɛ dɛ ŋɔ ba be ŋɔ, ‘Korowii Kora la pu heya.’

Amanesoma Luk Aa Chwera Tɔn 9:2

dɛ tom ba ŋɔ bá ka bol Korowii Kora la wa, dɛ́ chah weela tena.

We-ɛɛla 10:38

He jemɛ ɡɛ Korowii aa kpɔ o Domadɛɛɡe ne o kpeɡri tɛ Yeesu waa le Nasarɛt la wa. Dɛ Korowii teŋɛ Yeesu nɛ, asɛ o valɛ dɛɛ ɛ wedɛɛɡa dɛɛ chah nɛra Bɔnsam aa lɔ ba bil la.

We-ɛɛla 5:15

Nɛra koh Yeesu toroma la toma baa dɛ ɛ la wa, dɛ che weela tena ne ba mpare ne ba kalaŋre ba bil ŋwɛnɛ nyoa, ásɛ dɛ Pita ba dɛ kaa laa, o lileo dawɛ bane nɛɛ ásɛ ba ɡbaŋre.

1 Kɔrent 12:28

Korowii tɛ he bɛlbwa toma waa dɛɛ ɛ asɔre tena bini. Anɔ la aa tɔ sie, o ŋɔ bane ɛ Yeesu toroma, dɛ ŋɔ báne che Korowii kpeɡri ta dɛɛ bol waa waa kpɔa baɡ ba, tooro, dɛ kpɔ bane ŋɔ báa baɡle nɛra o wa, dɛ berɛ kpɔ bane ɡe ŋɔ báa ɛ nyokpowa, dɛ tɛ bane ɡe kpeɡri ŋɔ báa chah weela tena. Dɛ ŋɔ báne ɛɛ cha nɛra, báne ɛ nomonome dɛɛ tɔ nɛra sie, dɛ ɡel bane ɡe won wobofala bola.

1 Kɔrent 12:30

He bwaa won weela tena chaeh yaa? He bwaa won wobofala bola aa? He bwaa won wobofala mun baɡla aa?

1 Kɔrent 13:2

Hale n wono che Korowii kpeɡri la ta, dɛɛ bol o waa aa dɛ ba bala kerekere la kɛrɛdɛ, dɛ jemɛ o wesɔɔhla bwa, dɛ dɔ sipila kɛrɛdɛ, dɛ che o kpeɡri la ta, dɛ dɔ yarada dɛ won ŋɔ bwejen be ó chuɡri le o buɡ ta, dɛ kaa bofale asɛ o chuɡri, dɛ maa nɛn nyin aa, dɛ n ta nɛn ɛɛ.

2 Kɔrent 4:13

Ba chwerɔ do Korowii Tɔn bini ŋɔ, “Maa yaradaa waa n bol.” Gɛɛ ya ɡee yarada. Yaa yaradaa waa yaa bol.

Ɛfesos 2:8

Korowii aa lɛ heyaa ta la, o nɛn nɛɛ suna ne he yarada waa o ɛ ɡɛ. He ɡbaɡba be laa a le, pɛɛpɛɛ o lɛ heyaa ta dɛ tɛ heyaa mkpa.

Hibru 11:33

A ɡɛ nɛra nɔ bwa yarada Korowii kohona, dɛ che ba yarada ta yo koranar dɛ pɔ ba nɛ, dɛ ɡel nɛra ɛɛ ɛ waa aa toɡra Korowii ŋwɛnɛ ta, asɛ Korowii ɛ waa waa baɡɛ nyoa la ane ba bere saŋ. Ba wono tɔ nyujentena nyoo, a ta wone laɡ ba.