1 Kɔrent 12:3 - mzwDBL

³ Anomanta, n dɛ nyin kɛŋɔ he jemɛ ɡɛ waa nɔ kɛrɛdɛ, dɛ́ jemɛ kɛŋɔ nomɛlbwa waa dɛ bol waa Korowii Domadɛɛɡe la kpeɡri ne la, waa won taah Yeesu. Nomɛlbwa ɡe waa dɛ bol ŋɔ Yeesuu ya Dɔɔ la, dɛ Korowii Domadɛɛɡe la kpeɡrii ɡela wɛɛ ŋɔ ɡɛ la.

1 Kɔrent 12:3 ပူးပေါင်းရင်းမြစ်များ

Yela 109:20

N Naa Korowii, tɛr n dɔm deŋne n wa, tɛr nɛra baa dɛ bol n bwara wechɔɡa la deŋne.

Matiu 22:43

Anee Yeesu berɛ pɛɛ ba ŋɔ, “Aah ɛrɛ waa Korowii Domadɛɛɡe la aa ir Devid nɛɛ la o berɛ yerɔ o dɔɔ nɔɔ? Devid fa ŋɔ,

Amanesoma Mak Aa Chwera Tɔn 9:39

Asɛ Yeesu ŋɔ, “He bɛ on kah ŋɔ ó ɡel, dɛkalkɛŋɔ nomɛlbwa toole dɛ́ won che n sɔn ta ɛ a ɡɛ nyokpowaa nɔ dɔŋa dɛ́ berɛ yerɛ n sɔnchɔɡe kpa.

Amanesoma Jɔn Aa Chwera Tɔn 13:13

He dɛ yer mɛ he dɔɔ kɛɛ he nomoa aa, aŋwɛnɛ taa, dɛkalkɛ ɡɛɛ a do.

Amanesoma Jɔn Aa Chwera Tɔn 13:14

Too, taraken he dɔɔ kɛɛ he nomoa aa sarame he nakpale nɔ, ɡɛɛ a chɛ kɛŋɔ hé ɡe ɛɛ sarame dɔŋa kwa.

Amanesoma Jɔn Aa Chwera Tɔn 15:26

Mɛɛ tomɛ Habɔchekpaa laanee o le n Mɛɛ be dɛ́ ba he be. Onee Korowii Domadɛɛɡe waa dɛ baɡle Korowii kasinteŋ waa la. Dɛ o balaa, onee dɛ́ ɛ n danseɛ.

We-ɛɛla 8:37

Asɛ Felep ŋɔ, “Dɛ he yarada Yeesu Kristo waa bambile bwa ne naa, mɛɛ sɔe a nee.” Anee nomoa la ŋɔ, “N yaradao. N yaradao kɛŋɔ Korowii Biee Yeesu Kristo.”

Tɔn Pɔɔl Aa Chwerɛ Rom Tena 10:9

Dɛ he nɛn kpɔ nyoa ŋɔ komɛlbwa Dɔɔree Yeesu, dɛ yarada he bambile bini kɛŋɔ Korowii iru seo ta naa, Korowii ɛɛ lɛɛ,

Tɔn Pɔɔl Aa Chwerɛ Rom Tena 9:3

N ɡbaɡba bwɛɛ tena baa ɛ n nɛraa ɡela n bambile bwa wee mɛ ɡɛ nɔ. Dɛ Korowii taah mɛ asɛ n ne Yeesu Kristo baah pere kwaraa ásɛ o lɛɛ ba aa, n dɛ nyin ɡɛ.

1 Kɔrent 16:22

Nomɛlbwa waa wola ya Dɔɔ nyin la, Korowii nyotaahna lɔ o nɛ. Ya Dɔɔ, ba!

1 Kɔrent 8:6

Kɛ ya te be, Korowii lɔ beŋkpoŋ. Onee N Naa Korowii waa ta komɛlbwa, asɛ ya do le dɛɛ tomɔ la. Ya Dɔɔ ɡe lɔ beŋkpoŋ. Onee ya Dɔɔ Yeesu Kristo. O nɛɛ Korowii che dɛ ta komɛlbwa, asɛ ya ɡe che o nɛɛ dɛ dɔ mkpa.

2 Kɔrent 11:4

Kɛ he dɛ lawɛ bambile dɛɛ no nɛra baa ba he be dɛ baa baɡle Yeesu waa a korɛ waa ya fa aa baɡle heyaa la ta nɔ? Kɛ ba dɛ baɡle kwaa aa dɛ ir nɛra nɛɛ waa a korɛ Korowii Domadɛɛɡe waa soɡe he nɛɛ la ta, kɛɛ ba dɛ baɡle heyaa amanesoma a korɛ anɔ la ya fa aa baɡle heyaa la ta naa, he dɛ lawɛ bambile dɛɛ no ba be nɔ?

2 Kɔrent 3:5

A ta ɛɛ kɛŋɔ ya dɛ lii kɛŋɔ ya won waane ɛɛ ya ɡbaɡba kpeɡri ta. Korowii bee ya dɔ kpeɡri dɛɛ ɛ anɔ la bwa yaa dɛ ɛ.

Galaasia 3:13

Yeesu Kristo lɛ nyotaahna aa lɔ Mosis Mmara la ta bɛ won teŋa la dawɛ o nɛɛ dɛ lɛ yaa le a ta. Korowii Tɔn baɡlɔ ŋɔ, “Nomɛlbwa baa saɡɔ daa ta la, Korowii nyotaahna lɔ o nɛ.”

Mmarare 21:23

he bɛ ɡel o saɡɛ daa la ta tɔɔ per. Hé nyiŋi dɛ́ huɡo awola tenten, ásɛ dɛ bɛ doŋa ba kah harɛ Korowii haa dɛ tomɔ nɔ aa kpɔa dɛɛ ba heyaa tɛɛ he so o ta la. Dɛkalkɛŋɔ Korowii taah nomɛlbwa waa saɡɛ daa ta sewɛ.”

Wepila 1:10

Awola bɛl, ya Dɔɔ Tɔpere ta, Korowii Domadɛɛɡe ir n nɛ, n no takpeɡ bɛl n habɔɔ kɛŋɔ bɛla aa dɛ si ken.