1 Kɔrent 12:28 - mzwDBL

²⁸ Korowii tɛ he bɛlbwa toma waa dɛɛ ɛ asɔre tena bini. Anɔ la aa tɔ sie, o ŋɔ bane ɛ Yeesu toroma, dɛ ŋɔ báne che Korowii kpeɡri ta dɛɛ bol waa waa kpɔa baɡ ba, tooro, dɛ kpɔ bane ŋɔ báa baɡle nɛra o wa, dɛ berɛ kpɔ bane ɡe ŋɔ báa ɛ nyokpowa, dɛ tɛ bane ɡe kpeɡri ŋɔ báa chah weela tena. Dɛ ŋɔ báne ɛɛ cha nɛra, báne ɛ nomonome dɛɛ tɔ nɛra sie, dɛ ɡel bane ɡe won wobofala bola.

1 Kɔrent 12:28 ပူးပေါင်းရင်းမြစ်များ

Nɛra Kura 11:17

Mɛɛ tuu ba, n ne he ba bol waa bela. Mɛɛ ɡeloo n Doma waa lɔ he Mosis nɛɛ dɛɛ tɛɛ kpeɡri la ba so ba nɛ, ásɛ ba ɡe lɛɛ waa aa ɡwaa he nɛɛ la ane, ásɛ a bɛ he ɡbo nɛɛ dawɛ.

Amanesoma Mak Aa Chwera Tɔn 16:17

Nɛra baa yarada n waa la ɛɛ ɛ wejenaa, ásɛ nɛra na dɛ́ jemɛ kɛŋɔ n nɛraa ban. Baa dɔ kpeɡrii dɛ́ won che n sɔn ta dɛɛ doŋi kwaa aa dɛ ir nɛra nɛ. Korowii Domadɛɛɡe ɛɛ ir ba nɛɛ baa bol wobofala.

Amanesoma Luk Aa Chwera Tɔn 6:14

O kpɔ Seemɔn waa pao Pita la, ne Pita nime Andriu, dɛ Jems ne Jɔn ne Felep ne Batolomeo,

We-ɛɛla 11:27

A ɡɛ saŋ la, Korowii keamere bane le Jerusalam la Anteɔk.

We-ɛɛla 20:28

Hɛ́ɛ nyiŋi he te kɛrɛdɛ, dɛɛ nyiŋi nɛra Korowii Domadɛɛɡe aa kpɔ ba do he nɔn ta ŋɔ hɛ́ɛ nyiŋi ba nɛɛ la kɛrɛdɛ. Korowii Bie ɡbaɡba chalee o kpɔ yawɛ o nɛra asɛ ba ɛ o kwa, anomanta, hɛ́ɛ nyiŋi ba nɛ.

1 Kɔrent 10:32

He bɛ ɡel nomɛlbwa daŋre he ne dɛ́ ba nyoɡre. Juu tee yoo, Grik tee yoo, asɔre tee yoo, he bɛ ba bini bɛlbwa ɡɛ ɛ.

1 Kɔrent 12:18

Gɛ laa Korowii ta yaa. O do bwadabii peɡra nɔ bwa, bɛlbwa ne o dobɔr. Onee saahna ɛa ɡɛ.

1 Kɔrent 12:29

He bwaa ɛ Yeesu toroma aa? He bwaa won Korowii kpeɡri la ta cheɡa dɛ́ bol wa aa? He bwaa won Korowii waa la baɡla aa? He bwaa won nyokpowaa ɛɛ yaa?

1 Kɔrent 12:30

He bwaa won weela tena chaeh yaa? He bwaa won wobofala bola aa? He bwaa won wobofala mun baɡla aa?

1 Kɔrent 14:2

dɛkalkɛŋɔ naate waa dɛ bol wobofala la, nɛra laa o bol dɛɛ tɛ. Korowiirii o bol dɛɛ tɛ. O cheɡɛ Korowii kpeɡri ta dɛɛ bol waa aa sɔah. Nɛra aa a waa no.

1 Kɔrent 14:4

Nɛn waa dɛ bol wobofala la, o bolɔ dɛɛ tɛ o ɡbaɡba. Naate waa cheɡɛ Korowii Domadɛɛɡe kpeɡri ta dɛɛ bol Korowii Waa la ɡe, asɔre tena la bwaa wɛɛ cha.

1 Kɔrent 14:5

Dɛ he bwa won wobofala bola aa, n dɛ nyin ɡɛ. Kɛ dɛ he won Korowii Domadɛɛɡe kpeɡri ta cheɡa dɛ́ bol wa aa, ɡɛɛ dɛ́ do n som kohona. Naate waa dɛ bol Korowii Waa la ɡwaa nɛn waa dɛ bol wobofala, atane kɛ nomɛl won a mun baɡla dɛɛ tɛ asɔre tena á cha ba.

Ɛfesos 2:20

dɛ ja Yeesu toroma ne o keamere la nɛ. Jae haa ja ba nɛɛ do kɛŋɔ baa dɛ ma dea la. O ɡelɔ he do kɛŋɔ dea danjwɛ. O toroma ne o keamere laanee dea la sol-loɡle, asɛ o ɡbaɡba ɡee bwedɛɛɡe la baa kpɔa pa dea la mun la.

Ɛfesos 3:5

Korowii fa ta o wesɔɔhla bini pile baɡle saŋ la tena. Kɛ taraken o Domadɛɛɡe baɡle o nɛra baa ɛ o toromedɛɛɡa ne o keamedɛɛɡa la be,

1 Timoti 5:17

Asɔre nomonome la baa dɛ tɔ asɔre tena sie kɛrɛdɛ la chɛ kembɔr bele anɛ. Banee kɛŋɔ banɔ la ba sie aa dɛ beɡre Korowii Waa la bola ne a chaɡla ta la,

Hibru 13:17

Hɛ́ɛ no nɛra baa dɛ tɔ he sie la nyoa wa, dɛɛ ɛ waa baa ŋɔa hɛ́ɛ ɛ la, dɛkalkɛŋɔ ban dɛɛ nyiŋi heya. Ba dɔ nkontaa dɛ bu Korowii sie dɛ baɡle ɡɛ bwa baa nyiŋi heya. Hɛ́ɛ no ba nyoa wa, ásɛ ba won ɛ toma silɛɛ ne. Dɛ haa ba nyoa waa no aa, baa ɛa tebinichɔɡ nee, aa wola tɔnɔ bɛlbwa lee ba dɛ́ tɛ heya.

Hibru 13:24

Ya dɛ na he nomonome la bwa, ne Korowii nɛra la bwa. Yabala Itali harɛ tena la ɡe dɛ na heya.