1 Kɔrent 12:18 - mzwDBL

¹⁸ Gɛ laa Korowii ta yaa. O do bwadabii peɡra nɔ bwa, bɛlbwa ne o dobɔr. Onee saahna ɛa ɡɛ.

1 Kɔrent 12:18 ပူးပေါင်းရင်းမြစ်များ

1 Kɔrent 12:28

Korowii tɛ he bɛlbwa toma waa dɛɛ ɛ asɔre tena bini. Anɔ la aa tɔ sie, o ŋɔ bane ɛ Yeesu toroma, dɛ ŋɔ báne che Korowii kpeɡri ta dɛɛ bol waa waa kpɔa baɡ ba, tooro, dɛ kpɔ bane ŋɔ báa baɡle nɛra o wa, dɛ berɛ kpɔ bane ɡe ŋɔ báa ɛ nyokpowa, dɛ tɛ bane ɡe kpeɡri ŋɔ báa chah weela tena. Dɛ ŋɔ báne ɛɛ cha nɛra, báne ɛ nomonome dɛɛ tɔ nɛra sie, dɛ ɡel bane ɡe won wobofala bola.

1 Kɔrent 12:11

A ɡɛ waa nɔ bwa, Korowii Domadɛɛɡe beŋkpoŋ laanee tɛ nomɛlbwa kpeɡri o kpɔ dɛɛ ɛ ɡɛ la. Gɛ aa too o teaa o tɛ nomɛlbwa.

Tɔn Pɔɔl Aa Chwerɛ Rom Tena 12:3

N cheɡɛ suna Korowii aa sune n nɛɛ dɛ kpɔ o toma do n nɔn ta nɔ ta, dɛɛ ja heyaa kɛ ɡɛ bɛlbwa haa doa la, ɡel ba nae ɡɛ. Bɛ́lbwa pwɛr o te, dɛ́ won jemɛ waa Korowii aa tɛo yarada ŋɔ ó kpɔ ɛ.

1 Kɔrent 3:5

Bamewaa Apolos ne Pɔɔl hɛɛ maŋkura ba ɡɛ nɔɔ? Tom-ɛɛra ɡboo yaa. Korowiirii tomɛ yaa he be, ásɛ he no Yeesu waa dɛ́ yaradaa dɛ́ kpɔ he te tɛo. Toma Korowii aa kpɔa tɛ ya bini bɛlbwa laanee yaa ɛ.

Amanesoma Luk Aa Chwera Tɔn 12:32

Anee Yeesu berɛ ŋɔ, “Anomanta, Korowii toroma, haa kanɛ, kɛ he bɛ dɛɛ ɔmɛ, dɛkalkɛ a dɛ ɛ he Mɛɛ waa lɔ nyundua la silɛɛ kɛ he ja o Kora la ta.

1 Kɔrent 12:24

Anɔ la aa wera te, a ta hiaih kɛŋɔ ya nyiŋi a ta kpa. Gɛɛ Korowii ɛ ya bwadabii ásɛ yaa heeh a ɡɛ bɔra yaa wola lii kɛŋɔ a waa hiaoh la.

Amanesoma Luk Aa Chwera Tɔn 10:21

Gɛ saŋ dɛ Korowii Domadɛɛɡe la ir Yeesu nɛɛ dɛ ɡel o sie lɛ, asɛ o ŋɔ, “N Mɛɛ, nyundua ne harɛ bwa Dɔɔ! N dɛ jaame kɛŋɔ haa kpɔ waa nɔ sɔh sipila tena ne wejerema, dɛ kpɔ baɡle nɛra baa wola wobɛlbwa jemɛ nɔ. Jam, n Mɛɛ. Gɛɛ wera he be.”

Yela 135:6

Gɛ waa dɛ nyin laanee wɛɛ ɛ nyundua ne harɛ, mpo ne o vile bwa ta.

1 Kɔrent 15:38

Korowiirii dɛɛ beɡra ɡɛ a bwa soo siwi aa doa ɡɛ waa dɛ nyin.

Jona 1:14

Belaa ba wi yerɛ Korowii ŋɔ, “N Naa Korowii, anɔ bwa haa ɡela a chiɡ nɔ ɛ he tetoora. Ya dɛ soŋe, yaa dɛ ba baa nɔ kpɔe dɛ́ viɡri mpo ta nɔ, bɛ yaa ba kpoo.”

Aesaya 46:10

N bol waa aa dɛ ba chiɡa mɔɔ a ba, saŋ la bwaa n le baɡle anɔ la a taa dɛ ba bala. N ŋɔ waa maa maɡla bil bwa ɛɛ ɛo, mɛɛ ɛ anɔ la bwa n tea aa tooraa.

Wepila 4:11

“N Naa Korowii haa dɔ komɛlbwa la, he chɛ kɛŋɔ nɛra bwa tɛɛ jirima dɛ́ duuri, dɛ́ sɛh kɛŋɔ hen dɔ kpeɡri bwa, dɛkalkɛŋɔ henee ta komɛlbwa, he tetoora taa a che a do le.”

Ɛfesos 1:9

Gɛ bwa Korowii aa ɛ Yeesu Kristo waa cheɡ o tetoora ta a fa sɔh yaa la, o berɔ pili a bwa bini tɛ yaa ya won jemɛ ɡɛ aa su o siwi o cheɡa ɡɛ saŋ la,

Ɛfesos 1:5

O nyina waa dɛ nyin yaa waa o fel jemɛ ya waa cheɡ kɛŋɔ wɛɛ koh Yeesu Kristo waa dɛ́ kpɔ yaa ɛ o bii. O tetooraa o cheɡa ɡɛ.

Yela 110:3

Awola haa yo he dɔma la, he nɛra ɛɛ sɛoh dɛ́ ba teŋɛ he nɛ. He bonɔɔna ɛɛ leo ba he be kɛŋɔ chɔɔlen mɛn ken, he bwe waa do ɡoroŋ la ta.

Tɔn Pɔɔl Aa Chwerɛ Rom Tena 12:6

Kpeɡri Korowii aa cha ya bwa ya dɔ kokoɡrɔ. A chɛ kɛ ya bɛlbwa kpɔ kpeɡri Korowii aa sune o nɛɛ dɛ tɛo la ɛ toma. Dɛ Korowii Waa bola kpeɡrii o kpɔ tɛɛ naa, a chɛ kɛ hɛɛ bola ɡɛ del he yarada aa doa.

1 Kɔrent 12:17

Dɛ bwadabii fe dɔ siwi ɡbo, deŋne ta jae yaa, ɛrɛɛ o fe ɛɛ ba waa noe yɔ? Dɛ bwadabii fe ɛ deŋne ɡbo o ta mee dɔe yaa, ɛrɛɛ o fe ɛɛ ba sɔɔh noe yɔ?

1 Kɔrent 12:19

Dɛ bwadabii fe ɛ konsiwi beŋkpoŋ ɡbo, peɡra bɛlbwa toole o ta naa, o fe ɛ bwadabii aa? Akai.