1 Kɔrent 11:32 - mzwDBL

³² Ya Dɔɔ aa dɛ nyiŋi ya waa bini taraken nɔ, o dɛ tɛr ya deŋne ásɛ ya ɡel wechɔɡa ɛɛ, ásɛ ya bɛ nɛra baa dɔ harɛ nɔ ta liire wɛɛ ba ban bolchɔɡe pae la nɛɛ ja.

1 Kɔrent 11:32 ပူးပေါင်းရင်းမြစ်များ

2 Samoɛl 7:14

Mɛɛ ɛ o mɛɛ, ásɛ o ɛ n bie. O ɛ wechɔɡa aa, mɛɛ tɛr o deŋnee kɛŋɔ mɛɛ yon dɛɛ tɛr o bie deŋne o wechɔɡa waa la.

Yela 118:18

Korowii tɛr n deŋne kohona, kɛ o ta ɡelɛ n sewɛ.

Aesaya 1:5

Bɔkwa waa he ta do he kpaŋa nɔ ta nɔɔ? Deŋnetɛra besoo he ta ɛɛ nyin jaɔ? He bwadabii bwa dɛ we heya, he sie ta harɛ chole.

Jeremia 7:28

Anomanta, ŋɔ ba be ŋɔ, ba harɛ nɛra aa men Korowii baa dɛ tom mɛ waa ta teŋɛ kɛɛ dɛ hweli waa ane le ba deŋnetɛra ta. Kasinteŋ toole kpa. Baa a waa bol kpa kwara.

Sefania 3:2

O nɛra ta Korowii be noɛ, ba ta sɛɛh dɛ teŋɛ toɡra waa toɡ ba la ta. Ba ta ba te kpɔe dawɛ Korowii nɛ, kɛɛ dɛ soŋe chae le o be.

Tɔn Pɔɔl Aa Chwerɛ Rom Tena 3:19

Ya jemɔ kɛŋɔ waa Mmara la aa dɛ baɡle la, nɛra baa dɛ teŋɛ Mmara la ta laanee Mmara la ɛɛ baɡle, ásɛ nomɛlbwa bɛ won dɔ wobɛlbwa bol Korowii sie, ásɛ o won bol nomɛlbwa waa dɛ́ pa bole.

Tɔn Pɔɔl Aa Chwerɛ Rom Tena 5:16

A berɔ do kɛŋɔ chae Korowii aa cha yaa la ne waa aa le nɛmbeŋkpoŋ la wechɔɡa ta la ta beŋkpoŋ ɛɛ. Wechɔɡe beŋkpoŋ taa a che Korowii pa ya bwa bolchɔɡe. Asɛ wechɔɡa aa wara la, Korowii na ya bwa sum, dɛ cha yaa dɛ lɛ yaa kɛŋɔ nɛndɛɛɡa ya waa su o siwi.

1 Kɔrent 1:20

A ba ɡɛ naa, dɛ lee wejerema ne tɔnjerema wejema dɔɔ jaɔ? Nɛra baa dɔ wobol wejema ɡe, dɛ lee ba dɔɔ? Korowii ɡelɔ nɛwɛnyini wejema ɛ pɛɛpɛɛ.

1 Kɔrent 1:21

Ba ɡbaɡba wejema ɡelɔ baa Korowii jemɛ. Korowii kpɔ o wejema ɛa ɡɛ, dɛ ŋɔ a ɛo silɛɛ kɛ wɛɛ lɛ nɛra baa yarada Amanesoma yaa bola dɛɛ baɡle nɛra asɛ baa liira wesale la.

1 Kɔrent 11:30

A waa he ɡalɡa ɛɛ we weela dɛɛ ɡwɛɡre, asɛ bane ɡee serewe la.

1 Kɔrent 11:31

Dɛ ya fe ɛɛ nyiŋi ya waa bini kɛrɛdɛ yaa, Korowii fe aa yaa bolchɔɡee pa, dɛ́ tɛr ya deŋne.

1 Kɔrent 11:33

Anomanta, yabala, he pɛo dɛɛ di a ɡɛ kwaa nɔ naa, he bɛ a dii dɛɛ too. Hé so dɛɛ kpa dɔŋa dɛ́ bwa cheme mɔɔ dɛɛ di.

Mmarare 8:5

Hé jemɛ kɛŋɔ, ɡɛ nɛwɛnyini aa dɛ tɛr o bie deŋne la, ɡɛɛ Korowii haa dɛ tomɔ ɡe ɛɛ ɛ heya.

1 Timoti 1:20

Banɔ la baa hora la bini banee Haemenayɔs ne Alɛksanda. N kpɔ ba do Bɔnsam nɔn ta, ásɛ ba jemɛ kɛŋɔ baa Korowii nɛnhɛla ɛ.

1 Jɔn 5:19

Ya jemɔ kɛŋɔ ya bwa ɛ Korowii bii, asɛ nɛra baa dɔ harɛ nɔ ta ɡbo liire, ne kwaa aa lɔ harɛ nɔ ta bwa ɡe do Bɔnsam lɔɡa.

Wepila 3:19

Nɛra maa dɛ nyin ba la, n dɛ ja ba, dɛɛ tɛr ba deŋne. Anomanta, hé swɛɛ siwi dɛ́ charɛ he liire le he wechɔɡa ta.