1 Kɔrent 11:17 - mzwDBL

¹⁷ Waane ɡe lole maa wola heyaa kpɛɛ dɛɛ ba he be bola. He chemaa, he dɛ chɔɡ dɔŋa, haa dɔŋa cha.

1 Kɔrent 11:17 ပူးပေါင်းရင်းမြစ်များ

Sɛɡla 27:5

A wer kɛŋɔ he di nɛn kasinteŋ nɛra baah. A bɔ kɛŋɔ haa dɛ nyin o wa, he ta ɡelɛ o jemɛ.

Lewi Dea Tena 19:17

Dɛ́ɛ berɛ he dɔŋ haeh. La o be ka diu kasinteŋ, ásɛ o wechɔɡa bɛ he nɛɛ dawɛ.

Tɔn Pɔɔl Aa Chwerɛ Rom Tena 13:3

Nɛra baa dɛ ɛ wedɛɛɡa la, baa nomonome ɔmɛ. Wechɔɡ-ɛɛraa dɛɛ ɔm ba. Haa nyin kɛ hɛɛ ɔmɛ nomonome sie cheɡa aa, amɔ dɛɛ ɛ wedɛɛɡa. He dɛ ɛ wedɛɛɡa aa, baa kpɛɛree,

1 Kɔrent 11:2

N dɛ kpɛɛ heyaa liira haa dɛ lii n waa bwa wobɛlbwa ta, dɛɛ teŋɛ waa Korowii aa baɡ mɛ asɛ n ɡe baɡle heyaa la ta.

1 Kɔrent 11:20

Gɛ he yon cheme dɛɛ di kwaa ya Dɔɔ Yeesu sɔn ta dɛɛ lii o waa la, o waa laa hɛɛ lii ɡɛ la.

1 Kɔrent 11:22

Ɛrɛ waa yɔ? He ta deremi dɔe dɛ́ so bela di kwaa kɛɛ? He hah Korowii nɛra, dɛ ɡel sihiih ɛɛ kpo he bala baa nyaa. Ɛrɛɛ ń ɛ heya ɔ? Ń kpɛɛ heya aa? Akai.

1 Kɔrent 11:34

Dɛ lɔr dɛ kpo bɛl aa, ó di kwaa dem mɔɔ dɛ ba. He bɛ ya Dɔɔ kwaa la di ɡɛ aa wola chɛɛ kɛŋɔ he dia. Gɛ laa, Korowii baah ɛɛ di he nɛɛ. Anɔ la aa kaa la, n balaa, mɛɛ baɡle heyaa.

1 Kɔrent 14:23

Dɛ asɔre tena chemo, asɛ bɛlbwa ɛɛ bol wobofale, asɛ nɛra baa wola yarada dɛ ɛ nɛmpɛɛne ba ja he nɛ aa, baa ŋɔ he dɛ we choɡla aa?

1 Kɔrent 14:26

Yabala, amee jaɔ? Saŋ bɛlbwa haa cheme la, bɛl dɛ tɛ yel, bɛl dɔ sipila waa haa dɛ hwela, bɛl ɡe dɔ waane Korowii aa baɡlo, bɛl ɡee bol wobofala, bɛl ɡee baɡle a mune. Hé ɡel waa haa dɛ ɛ la dɔ tɔnɔ tɛ nomɛlbwa.

Hibru 10:25

ásɛ dɛ bɛ chema yaa dɛ cheme saŋ bɛlbwa la ɡel, kɛŋɔ bane aa ɡela la. Waa bwa jaɡa tɔpere la dɛ tel, anomanta, hɛ́ɛ do dɔŋa ɡbemba.

1 Pita 2:14

ne o ɡe nɛra waa lee ba ŋɔ báa tɛr wechɔɡ-ɛɛra deŋne dɛɛ kpɛɛ nɛra baa dɛ ɛ waa aŋwɛnɛ ta la.