1 Kɔrent 10:6 - mzwDBL

⁶ A ɡɛ waa nɔ bwa ɛo dɛ ɡel ya jemɛ wa, ásɛ wechɔɡa pɛla bɛ yaa dɔ ɡɛ a pɛla fa aa dɔɔ ba la.

1 Kɔrent 10:6 ပူးပေါင်းရင်းမြစ်များ

Nɛra Kura 11:4

Dɛ nɛra bane baa wola Israel tena ɛɛ lɔ ba bini ba ne baa kaa, ba pɛla lawɛ kondikwaa tenten. Asɛ Israel tena la ɛɛ wi kohona ŋɔ, “Leperaa yaa ba ola dɔe dɛ́ chwe o?

Tɔn Pɔɔl Aa Chwerɛ Rom Tena 5:14

Kɛ le Adam bere saŋ la ba le Mosis bere saŋ la, dɛ seo chɔ le tɛ nomɛlbwa. Hale nɛra ba fa aa wola Korowii nyoa vɛɛh kɛ Adam la bwaa fa dɛ serewe. Adam chaaree naate ba fa aa ŋɔa o dɛ ba bala la. Onee Yeesu Kristo.

1 Kɔrent 10:11

Waa aa pu a ɡɛ nɛra la ɛo dɛ ɡel ba jemɛ wa. Mosis chwerɛ a wa, dɛ ɡel ya nɛra yaa lɔ harɛ nɔ aa ka tɔpera tamaa o chɔɡ nɔ ta nɔ jemɛ wa.

Hibru 4:11

Anomanta, hé ɡel ya swɛɛ siwi dɛ́ dɔ ɡɛ ona la. A ta chɛ kɛ bɛlbwa ɛ a saŋ la tena deŋnekpeɡ la dɔŋ dɛ́ ba paŋɛ ɡɛ ona nɔ.

Hibru 9:24

Bela Yeesu Kristo aa joa la, Korowii Boɡoroŋ Tenten nɛwɛnyini aa mao o ɛ Korowii doa kon chaa la ɡbo bini laa o jo. Korowii doa ɡbaɡbaa o la, dɛ ka che Korowii sie ásɛ dɛ won cha yaa taraken.

1 Pita 3:21

A ɡɛ nee nɔ cheɡɔ tɛ Korowii nee baa dɛ sɔ yaa aa lɛ yaa la. Korowii nee sɔe ta bwara doŋa yaɡla ɛɛ. Korowii nee sɔe munii kɛ ya soŋe Korowii ó tɛ yaa tepoŋ. A cheɡɛ Yeesu Kristo seo ta ira ta, asɛ nee sɔe la won dɛɛ lɛ yaa.

2 Pita 2:6

Sodom ne Gomoora tena fa aa dɛ ɛ wechɔɡa la, Korowii ŋɔ waa ɡel ba dwee ka, dɛ fuh ba ne ba bwɛɛre bwa dɛɛboo. Ba fuih chɔ le dɛɛ chaɡle waa aa ba chiɡ nɛra baa wola Korowii ɔmɛ nɛ.

Tɔn Jud Aa Chwera 1:7

Gɛɛ Sodom ne Gomoora tena ne bwɛɛre a fa aa lɔ ba jwɛɛh la tena, ɡe fa aa chɔ dɔŋa baa ne haah ŋwɛnɛdoŋ ta, aa wola were ne bola, dɛɛ chɔɡ ba te. Baa ɛ ɡɛ la, Korowii ɡelɔ nii le ba nɛ, ásɛ nɛra bwa na dɛ́ jemɛ kɛŋɔ Korowii dɛ tɛr wechɔɡ-ɛɛ deŋne nii aa wola dime bwa ne.