1 Kɔrent 10:20 - mzwDBL

²⁰ N dɛ baɡle kɛŋɔ nɛra baa wola Juu tena ɛɛ dɛɛ kpoo kwaa la, ba kpoorɔ dɛɛ tɛ Bɔnsam toroma yaa wola an na la. Korowii laa ba ɛ dɛɛ tɛ. Maa nyin kɛŋɔ he ne Bɔnsam toroma pɛ komɛlbwa.

1 Kɔrent 10:20 ပူးပေါင်းရင်းမြစ်များ

2 Webena 11:15

Kooro Jɛroboam le o ɡbaɡba kerekpoŋra ba so voɡa ta, dɛɛ tomɛ daabii ne nabali, dɛ voɡa waa sɛah la.

Lewi Dea Tena 17:7

A ta chɛ kɛ Israel tena vɛh men Korowii toma, dɛ́ ka ɛ saraha tɛ voɡa dɛɛ toma. Gɛ Mmara nɔ chɛ kɛ á chɔ le tɛ ba ne ba naanar baa ka ba bwa.

Matiu 4:9

dɛ ŋɔ o be ŋɔ, “Dɛ he ɡuŋ mɛ harɛ dɛ duu mɛ naa, mɛɛ kpɔ kwaa haa naa nɔ bwaa tɛɛ.”

2 Kɔrent 4:4

Bɔnsam baa dɛ maŋkurao harɛ nɔ ta kɛŋɔ Korowii la, o chɔɡ nɛra baa wola Yeesu yarada la liire. Waa nyin kɛŋɔ Amanesoma nii aa le Yeesu Kristo o wa aa dɔ jirima kohona be la chaah ba. Yeesu do ɡɛ Korowii aa doa.

Galaasia 4:8

Wubwa la, dɛ haa Korowii jemɛ, anomanta, dɛ koŋkwaa aa wola Korowii ɡbaɡba ɛɛ la ɔma vɔrɔwe heya.

Wepila 2:14

Kɛ n dɔ he waane tama. Bane lɔ he bini dɛɛ teŋɛ Balam webaɡla ta. Onee fa ɡela Balak neɡre Israel tena ba ɛ wechɔɡa, dɛ di ola baa kpoa tɛ voɡa, dɛ kaa bɔ jwamane la.

Wepila 2:20

Kɛ n dɔ he waane dɛ́ bol. Hanchɔɡe Jɛsɛbɛl la waa dɛ yerɛ o te Korowii keame la, he ɡelɔ o do he be dɛɛ baɡle heya, dɛɛ neɡre n bonɔɔna ne n toli baa bɔ jwamane, dɛɛ di ola baa kpoora dɛɛ tɛ voɡa.

Wepila 9:20

A ɡɛ waa nɔ kwaraa ta la, nɛra baa kaa baa wola sewɛ a ɡɛ waa la ta la ta ba liire charɛ, dɛ le ba tonchɔɡa ta, dɛ ta ɛɛ tomɛ Bɔnsam toroma ne voɡa. Suuɡaswɛm ne suuɡapoŋa ne bwea ne daa baa kpɔa ɛ voɡa la aa na, aa waa no, aa won ir valɛ ɡe, kɛ ba dɛ toma.