1 Kɔrent 10:14 - mzwDBL

¹⁴ Anomanta, n daamanar, hé laa he te kpɔ voɡa waa ta.

1 Kɔrent 10:14 ပူးပေါင်းရင်းမြစ်များ

We-ɛɛla 15:20

kɛ yá chwerɛ ba tɔn ŋɔ ba bɛ voɡa kwaa dɛɛ di, dɛ laa ba te kpɔ jwamane waa ta, dɛ bɛ kon baa wola o baŋa teŋe o sewɛ la dɛɛ di, dɛ bɛ chal dɛɛ di,

Tɔn Pɔɔl Aa Chwerɛ Rom Tena 12:19

Yabala, nɛra ɛ heyaa wechɔɡa aa, he bɛ ane ɛ dɛɛ bɔ kem. Hé kpɔ tɛ Korowii. O baah dɛ di ba nɛɛ taeh. On dɛ bɔ ba kem, dɛkalkɛŋɔ ba chwerɛ Korowii Tɔn bini ŋɔ, “Korowii bolɔ ŋɔ, ‘Mɛɛ tɔ a peɡee, mɛɛ bɔ ba a kemee.’ ”

1 Kɔrent 10:15

He ɛ wejerema, anomanta, hé nyiŋi waa nɔ maa bola nɔ bini dɛ́ na.

1 Kɔrent 10:19

N dɛ baɡle kɛ kwaa baa kpoora dɛɛ tɛ voɡa la, a ne voɡa ɡbaɡba ɛ kwaane kɛɛ? Akai!

1 Kɔrent 10:7

Ya bɛ voɡa dɛɛ tomɛ ɡɛ ba bini bane fa aa dɛ ɛ la. Mosis chwerɔ ŋɔ, “Nɛra la soɡo dɛ kwaa ba voɡa, dɛ di kwa, dɛ nyɔ sen, dɛ ir sa sachɔɡa.”

1 Kɔrent 5:11

Nɛra maa dɛ bol ba waa laanee nɛra baa ŋɔa ba ja yabala asɔre tena nɛ, kɛ dɛɛ bɔ jwamane, dɛ kpɔ suuɡa ɡwaa komɛlbwa, dɛɛ tomɛ voɡa, dɛɛ bol nɛra bwara wechɔɡa, dɛ nyɔ sen dɛɛ dɛɛ, dɛɛ ŋwɛ la. Ba ŋɔ ba ɛ asɔre tena dɛ berɛ dɛɛ ɛ waa aa do ken nɔ la, he ne ɡɛ nɛra nɔ te bɛlbwa bɛ pɛ, a ba ɛ kɛ hɛɛ pɛ nɔnee di kwa.

2 Kɔrent 11:11

Maa dɛ ŋɔ ken nɔ, a ta ɛɛ kɛŋɔ maa heyaa nyin. Korowii ɡbabir jemɔ kɛŋɔ n dɛ nyin heya.

2 Kɔrent 12:15

N sie ɛɛ lɛo kɛŋɔ n chɔɡ n komɛlbwa he nɛ. N chɔɡ n bokpeɡa he nɛɛ kwara dɛ won cha heya aa, a som n be. Maa dɛ nyin heyaa kohona waa he te laa n waa kpɔ he bambile ta kɛɛ?

2 Kɔrent 12:19

Yaa dɛ ŋɔ ken nɔ, he dɛ lii kɛŋɔ ya sɔnee yaa kwaa he be kɛɛ? Akai! Korowii siee yaa bola, pɛɛ ya ne Yeesu Kristo aa pɛa la nomanta. Yabala, wobɛlbwa yaa bol la, he wer waa yaa bola, ásɛ he won che kiŋkiŋ.

2 Kɔrent 6:17

Anomanta, n bolɔ ŋɔ, ‘Hé le ba bini! Hé pere he te le ba nɛɛ kwara! He bɛ komɛlbwa waa kah doŋa leɡe, ásɛ n lɛ heya,

2 Kɔrent 7:1

N dandɛɛɡa, yanee Korowii baɡɛ a ɡɛ nyoa nɔ bwa. Anomanta, hé ɡel ya do kaih. Yá laa ya bwadabii ne ya bambile kpɔ wechɔɡa bɛlbwa ta. Hé ɡel ya swɛɛ siwi dɛ do ɡoroŋ, ɔma yaa dɛ ɔmɛ Korowii nomanta.

Felepae 4:1

Yabala haa ɛ n nɛnnyina, he pɛla laɡ mɛ. He bee n silɛɛ do, he waa baa ba men tɔɔ dawa. Anomanta, n dandɛɛɡa, hé che kiŋkiŋ pɛɛ ya ne ya Dɔɔ aa pɛa la ta.

Faelemɔn 1:1

Men Pɔɔl baa koh Yeesu Kristo waa dɛ do mɛ dea la, ne ya dɔŋ Timotii chwerɛ tɔn nɔ dɛɛ tɛ ya dandɛɛɡe Faelemɔn waa bera ɛ ya dɔŋ tom-ɛɛ ɡe la,

Hibru 6:9

N dandɛɛɡa, yaa dɛ bol anɔ bwa nɔ, he te la, he wa aa yaa ɡwaŋɛ. Ya jemɔ kɛ he we-ɛɛla ɛɛ do werii a baɡle kɛŋɔ Korowii lɛ heya.

1 Pita 2:11

N dandɛɛɡa, n dɛ soŋe heyaa kɛŋɔ haa ɛ hɔɔhra bonɔ, bonɔ aa wola he bwɛɛ ɛɛ nɔ, hé laa he te kpɔ he bwadabii pɛlchɔɡa ta. Anee dɛɛ vuuɡi heyaa haa wola won ɛ waa Korowii aa kpɔa do he bambile bini la.

1 Jɔn 5:21

N bidɛɛɡa, hé nyiŋi he te kɛrɛdɛ dɛ́ laa he te kpɔ komɛlbwa waa wola Korowii tenten ɛɛ la ta.

Wepila 13:8

Harɛ nɔ ta nɛra baa wola ba sɔna chwerɛ Pebie la baa kpoo la Mkpa Tɔn la bini harɛ mumpar bwa la, ba bwa ɛɛ duu olchɔɡe laanee kɛŋɔ Korowii ken.

Wepila 2:14

Kɛ n dɔ he waane tama. Bane lɔ he bini dɛɛ teŋɛ Balam webaɡla ta. Onee fa ɡela Balak neɡre Israel tena ba ɛ wechɔɡa, dɛ di ola baa kpoa tɛ voɡa, dɛ kaa bɔ jwamane la.

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

Wepila 22:15

Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.