1 Kɔrent 10:11 - mzwDBL

¹¹ Waa aa pu a ɡɛ nɛra la ɛo dɛ ɡel ba jemɛ wa. Mosis chwerɛ a wa, dɛ ɡel ya nɛra yaa lɔ harɛ nɔ aa ka tɔpera tamaa o chɔɡ nɔ ta nɔ jemɛ wa.

1 Kɔrent 10:11 ပူးပေါင်းရင်းမြစ်များ

Mumpar 19:35

Anomanta, awola jwaana la, ba tɛo sen o nyɔ dɛɛ ja, asɛ o bihahbechala la ɡe ir o ne o ka chɔ. Dɛɛra kohona nomanta, o ta o ne o bihaah la chɔe ne o ira saŋ bɛlbwa nae.

Yela 102:18

Hé chwerɛ waa Korowii aa ɛa nɔ bil tɛ naanar baa ka ba kerekere, ɡɛ aa ɛ nɛra baa wola ban lolɛ mɔɔ la kpɛɛro.

Ɛsekeɛl 5:15

Gɛ saŋ maa tɛr he deŋne bandia kohona ne la, harɛre aa bar heyaa cheme la nɛra ɛɛ ɔmɔɔ taeh, baa he waa nyin, dɛɛ mamɛ heya.

Matiu 13:39

Baa la dɔm la waa kaa merɛ kpɔɡchɔɡa koo mea tenten la ta la cheɡɔ tɛ Bɔnsam. Kwaa la koma la cheɡɔ tɛ waa bwa jaɡa saŋ, asɛ nɛra baa koma la cheɡɔ tɛ nyundua toroma la.

Matiu 13:40

Gɛ baa vɔrɔwe kpɔɡchɔɡa la dɛ che ka do nii ta a fuh la, ɡɛɛ waa bwa jaɡa saŋ ɛɛ ba doe.

Tɔn Pɔɔl Aa Chwerɛ Rom Tena 13:11

Hɛ́ɛ nyin dɔŋa, dɛkalkɛŋɔ he jemɔ kɛŋɔ tɔpere la telo. He jemɔ kɛŋɔ a telo kɛŋɔ dɛ chɔe he chɔ a, he ir! Ya lɛɛ tɔpere la joɔ tonɛ taraken dɛ ɡwaa ɡɛ saŋ yaa kpɔ ya te tɛ Yeesu dɛ pa mun dɛɛ teŋɛ o nɛɛ la.

Tɔn Pɔɔl Aa Chwerɛ Rom Tena 13:12

Tɔpere waa kaa bɔr chaah la aa kanɛ kpa. Tɔɔ perɔ tonɛ. Hé ɡel ya ɡel waa aa ɛ biro bini waa ɛɛ, dɛ́ kpɔ bochaah laala do dɛ́ won yo biro bini wa.

Tɔn Pɔɔl Aa Chwerɛ Rom Tena 15:4

Wobɛlbwa ba fa aa chwera la, dɛ yanee ba chwera tɛ kɛŋɔ yá hweli waa le a ta. A ɡɛ waa nɔɔ dɛɛ ja yaa bambile dɔe ta, dɛɛ do yaa ɡbemba, ásɛ a che a ta ya dɔ hwɛɡa.

Tɔn Pɔɔl Aa Chwerɛ Rom Tena 4:23

A ɡɛ waa la baa chwera do Korowii Tɔn bini ŋɔ, “Korowii lɛo kɛ nɛndɛɛɡe o waa su o siwi” la, Abraham ɡbo laa ba chwerɛ tɛ.

1 Kɔrent 10:6

A ɡɛ waa nɔ bwa ɛo dɛ ɡel ya jemɛ wa, ásɛ wechɔɡa pɛla bɛ yaa dɔ ɡɛ a pɛla fa aa dɔɔ ba la.

1 Kɔrent 7:29

Maa ŋɔ ɡɛ nɔ, yabala, yaa harɛ nɔ taa biɡri bɛlbwa. Anomanta, le fini dɛɛ kaa, a chɛ kɛŋɔ he banɔ la haa dɔ haahna la ɛ kɛŋɔ he ta haahna dɔe ken,

1 Kɔrent 9:10

Nɛwɛnyini waa o koh ŋɔ ɡɛ, ɡɛ aa cha yaa la waa o chwera, ásɛ nomɛlbwa waa dɛ parɛ, ne nomɛlbwa waa dɛ komɛ kwaa la dɔ hwɛɡa kɛŋɔ wɛɛ dɔ kwaa la anee.

Galaasia 4:24

Yaa kpɔ haahna banɛ nɔɔ maɡɛ Korowii ne nɛwɛnyini nyopɛo dɔe fɔo bele anɛ la. Ba bɛlbwa cheɡɔ tɛ fɔo la beŋkpoŋ. Heeɡa waa ɛ Abraham yomhaah la cheɡɔ tɛ fɔo la nɛwɛnyini ne Korowii aa fɔwa Sinai Bwejen ta bela Korowii aa kpɔ o Mmara la tɛ Mosis la. A ɡɛ fɔo la tenaa ɛ yoma la.

Felepae 4:5

Hé ɡel nomɛlbwa jemɛ he waa kɛ he pwɛre. Ya Dɔɔ bala la pu yaa tonɛ.

Hibru 10:25

ásɛ dɛ bɛ chema yaa dɛ cheme saŋ bɛlbwa la ɡel, kɛŋɔ bane aa ɡela la. Waa bwa jaɡa tɔpere la dɛ tel, anomanta, hɛ́ɛ do dɔŋa ɡbemba.

Hibru 10:37

Anee Korowii Tɔn baɡle la. “A ka tamaa ken ásɛ naate waa dɛ ba bala la ba. Waa biɡra ba.

1 Jɔn 2:18

N bidɛɛɡa, wobɛlbwa jaɡa saŋ telo. He noɔ kɛŋɔ Yeesu Kristo dɔm tenten la ɛɛ bao. Hale taraken o dɔma dɔɔ warɛ dɛ ba. Anomanta, ya jemɔ kɛŋɔ wobɛlbwa jaɡa saŋ telo.