1 Kɔrent 1:18 - mzwDBL

¹⁸ O daɡaɡre la ta seo la yaa dɛ bol a waa la ɛ wesale tɛ nɛra baa dɛ nyoɡre. Kɛ ya banɔ la Korowii aa dɛ lɛ yaa la te, ya jemɔ kɛŋɔ Korowii kpeɡri lɔ a ta.

1 Kɔrent 1:18 ပူးပေါင်းရင်းမြစ်များ

We-ɛɛla 13:41

‘He nɛra haa nyiŋi nɛra dɛɛ vah dɛɛ mamɛ nɛra la, hé nyiŋi waa maa dɛ ɛ nɔ kɛrɛdɛ. Aa ba kpo he nyoa he serewe. Waa maa dɛ ɛ fini nɔ ɛ waane, dɛ nɛn baɡle a bini tɛ heyaa kwara naa, haa wola yarada!’ ”

We-ɛɛla 17:18

Dɛ nɛra bane hweli bela wejema baa dɛ yera Epikuria ne Stoik la, dɛ ɡe ɛ ɡɛ wejema la chachaɡla bela. Dɛ a ɡɛ nɛra nɔ ɡe dɛ tɔŋlo dɛɛ ŋɔ, “Ɛrɛɛ wobobala te nɔ ɡee bol nɔɔ?” Asɛ bane ɡe ŋɔ, “Jamɔ harɛ bɛl voɡa waa wɛɛ bol nɔ.” Pɔɔl aa dɛ bol Yeesu ne seo ta ira waa ba lii ɡɛ la.

We-ɛɛla 17:32

Pɔɔl aa bol seo ta ira waa la, dɛ ba dɛ mamɔ, asɛ bane ɡe ŋɔ, “Ya dɛ nyin kɛ he bol he waa la yá no ja.”

We-ɛɛla 2:47

Dɛ ba dɛ jam Korowii, dɛ nɛra dɛ kpɛɛ ba taeh. Asɛ Korowii lɛ nɛnfala tɔpebii te bɛlbwa ba baa ja o nɛra la nɛ.

Tɔn Pɔɔl Aa Chwerɛ Rom Tena 1:16

Sihiih aa men kpo Yeesu Amanesoma nɔ bola ta. A taa Korowii che dɛɛ baɡle o kpeɡri, dɛɛ lɛ nɛra bwa baa yarada o waa la. Juu tenaa ó tɔ sie lɛ, nɛra baa wola Juu tena ɛɛ ɡe jao.

1 Kɔrent 1:21

Ba ɡbaɡba wejema ɡelɔ baa Korowii jemɛ. Korowii kpɔ o wejema ɛa ɡɛ, dɛ ŋɔ a ɛo silɛɛ kɛ wɛɛ lɛ nɛra baa yarada Amanesoma yaa bola dɛɛ baɡle nɛra asɛ baa liira wesale la.

1 Kɔrent 15:2

asɛ a lɛ heyaa la wa. Dɛ yarada haa dɔa Amanesoma la ta la ɛ kpela, he ta an vɛɛh dɛ kpoŋe a bini kɛrɛdɛ ɡɛ maa baɡle heyaa la te naa, amɔ te a lɛ heya. Dɛ ɡɛ laa te naa, amɔ dɛ he yarada la ɛ pɛɛpɛɛ.

1 Kɔrent 2:14

Nomɛlbwa Korowii Domadɛɛɡe aa wola toole o nɛɛ la, o dɛ vɛh o Domadɛɛɡe la wa. A ɛ wesale tɛ naate, waa a mun no, dɛkalkɛŋɔ Korowii Domadɛɛɡe ɡboo ɡela nɛn ɛɛ no Korowii waa mun.

1 Kɔrent 2:2

Maa lɔ he be la, dɛ maa nyin kɛ n kpɔ wejema ane ja n wobol ta, nemenɛ Yeesu Kristo seo waa sewa daɡaɡre la ta la wa.

1 Kɔrent 3:19

Harɛ nɔ ta wejema ɛ wesale Korowii be. Ba chwerɛ Korowii Tɔn bini dɛ ŋɔ, “Nɛra kpɔ wejema ŋwɛnɛ ta dɛɛ ɛ wechɔɡa, kɛ Korowii dɛ laɡ ba.”

1 Kɔrent 4:10

Yeesu Kristo nomanta, ya ɛ ɡɛna nɛra be, kɛ he dɛ yerɛ he te wejerema o waa ta. Ya ɛ nɛŋɡwɛɡra nɛra be, kɛ he ɛ he te o kpeɡnɛra. Ba dɛ duu heya, dɛ lawɛ ya te sie dɛɛ teɡɛ harɛ.

2 Kɔrent 10:4

Dɔmkwaa yaa dɛ yo a ne la, nɛwɛnyina kwaa laa. A ɛ Korowii dɔmkwaa o kpeɡri aa lɔ a ta, asɛ ya kpɔ dɛɛ paɡre dekpeɡa.

2 Kɔrent 4:3

Yeesu Kristo Amanesoma nɔ yaa dɛ bol nɔ, dɛ a sɔɔh kwaraa naa, dɛ nɛra baa dɛ nyoɡre la bee a sɔh.

1 Tesalonika 1:5

dɛkalkɛŋɔ Amanesoma la yaa baɡle heyaa la, wobol ɡbo ta laa a che dɛ ba he be. Awola haa no waa la, Korowii kpeɡri la ne o Domadɛɛɡe la ɡelɔ he jemɛ kɛŋɔ a ɛ kpela. He jemɛ ɡɛ yaa koh he waa dɛ kpoŋe ya te ɡɛ saŋ ya ne haa soɡa la.

2 Tesalonika 2:10

dɛɛ ɛ wechɔɡa bwa soo siwi aa lole, dɛ́ won dɛɛ neɡre nɛra baa nyoɡra dɛɛ ba chɔɡa la. Korowii ɛɛ chɔɡ baa, dɛkalkɛŋɔ ba vɛh kasinteŋ waa aa dɛ ba wona lɛɛ ba la, ba ta o waa nyine.

Hibru 12:2

Yáa nyiŋi Yeesu waa ɛ ya Korowii yaradae bwa nyu te, dɛ ɛ a mumpar ne a jaɡa la. On koh bosɔɔhna waa ba dɔ waa asɛ ba ɛo hɔhɔrɔwa daɡaɡre ta la. O ta sihiih waa koɛh dɛ vɛh. Taraken o soɡe nomombɔr Korowii diɡ ta.

Hibru 4:12

Korowii waa waa bola do kɛ kon o siwi aa lole, dɛɛ ɛ toma. A nyɛɡre ɡe ɡwaa naŋɡɔse bɛlbwa, hale dɛ́ fe won pere hweera le lileo ta, dɛ́ won jo sema bini, hale dɛ́ fe won pere hoɡa ne fɔɔla baah. A wono dɛɛ jemɛ nɛwɛnyini liire ne o wesɔɔhla bwa.