1 Kɔrent 1:10 - mzwDBL

¹⁰ Yabala, n kpɔ ya Dɔɔ Yeesu Kristo dɛɛ soŋe heyaa kɛ hé bwa ɛ beŋkpoŋ. He bɛ dɔŋa baahna peɡri, hé ɡel he nyoa pɛ he we-ɛɛla ne he liire ta.

1 Kɔrent 1:10 ပူးပေါင်းရင်းမြစ်များ

Yela 133:1

Na wer ne silɛɛ aa dɔa kohona, kɛ nɛn ne o dɔŋa aa soɡe sodɛɛɡa nyopɛo ne!

Jeremia 32:39

Webeŋkpoŋ ɡboo mɛɛ ba kpɔe tɛɛ ba ba soɡa bini, a chɛ kɛ baa tɛ mɛ duure saŋ bɛlbwa, ba naanar ne ba ɡbaɡba wer doe wa.

Matiu 9:16

Baa yafale yakwara kpɔe dɛɛ tɔ yabene bɔɔ. A ba ɡɛ naa, yafale yakwara la ɛɛ kɛɛroo le yabene la ta, ásɛ bɔɔ la berɛ do kan kohona.

Amanesoma Mak Aa Chwera Tɔn 2:21

Baa yafale yakwara kpɔe dɛɛ tɔ yabene bɔɔ. A ba ɡɛ naa, onfale la ɛɛ kɛɛroo le yabene la ta, ásɛ bɔɔ la berɛ do kan kohona.

Amanesoma Mak Aa Chwera Tɔn 3:24

Dɛ sɛɡ ba ŋɔ, “Dɛ harɛ bɛl ta tena bini pere anɛ asɛ baa yo aa, o dɛ paɡre.

Amanesoma Jɔn Aa Chwera Tɔn 10:19

Yeesu aa bol ɡɛ la, Juu tena la nyoa ta pɛɛ baa tɔŋle dɔŋa ja.

Amanesoma Jɔn Aa Chwera Tɔn 17:23

N ne ba ɛ beŋkpoŋ, n ne he ɡe ɛ beŋkpoŋ, bɛl aa wola won daɡre o te o dɔŋ nɛ aa, anee dɛ́ ɡel ba beŋkpoŋri la won che kɛrɛdɛ, ásɛ nɛra baa dɔ harɛ nɔ ta ɡbo liire la jemɛ kɛŋɔ henee tom mɛ dɛɛ nyin ba ɡɛ haa dɛ nyin mɛ la.

Amanesoma Jɔn Aa Chwera Tɔn 7:43

Anomanta, nyopɛo ta ba bini balɛ kpa, Yeesu ɡbosoroo wa.

Amanesoma Jɔn Aa Chwera Tɔn 9:16

Asɛ Farisii tena la bane ŋɔ, “Baa nɔ ta Korowii be leɛ, dɛkalkɛ o chɔɡ Ona Tɔpere.” Bane ɡe ŋɔ, “Ɛrɛɛ wechɔɡ-ɛɛ ɛɛ ba wona ɛ nyokpowaa nɔ dɔŋa baa nɔ aa ɛa nɔɔ?” A cheɡɛ a ta ba nyoa ta pɛɛ kpa.

We-ɛɛla 4:32

Dɛ nɛra baa yarada Yeesu waa la dɛ ɛ asɔre tena la bwa dɔ nyopɛo ba liire bwa ɡe ɛ beŋkpoŋ. Bɛlbwa ta o ɡbaɡba kondɔɔla kpɔe ɛ o ɡbo kwa. Dɛ bɛlbwa dɔ kon aa, o dɔŋ konee.

Tɔn Pɔɔl Aa Chwerɛ Rom Tena 1:13

Yabala, n dɛ nyin kɛ hé jemɛ kɛŋɔ saŋ bɛlbwaa n fe ɛɛ nyin kɛ ń ba he be, asɛ waa yon dɛɛ tɔ mɛ ŋwɛnɛ. N dɛ nyin ń dɔ he bane dɛ tɛ Yeesu Kristo kɛŋɔ maa dɔ bane le nɛra ba ɡe aa wola Juu tena ɛɛ bini la.

Tɔn Pɔɔl Aa Chwerɛ Rom Tena 12:1

Anomanta, yabala, n dɛ soŋe heya. Hé nyiŋi Korowii suna waa sune ya nɛɛ la dɛ́ kpɔ he te tɛo. Gɛ baa kpɔ kondɛɛɡa aa chɛ Korowii dɛɛ su o siwi dɛ kpo dɛ ɛ saraha tɛo dɛɛ tomɔ la, hé ɡe kpɔ he te kɛŋɔ ɡɛ saraha la, dɛ́ laa doŋa bɛlbwa kpɔ he nɛɛ dɛɛ tomɔ he bokpeɡa ne. Gɛɛ a chɛ kɛ hɛɛ tomɛ Korowii.

Tɔn Pɔɔl Aa Chwerɛ Rom Tena 12:16

Hé ne he dɔŋa so sodɛɛɡa. He bɛ jenu dɛɛ ɛ, he bɛ he te pere dɛɛ le nyaara ne nɛŋɡwɛɡra bini. He bɛ he te wejerema kohona dɛɛ lii.

Tɔn Pɔɔl Aa Chwerɛ Rom Tena 15:30

Yabala, n kpɔ ya Dɔɔ Yeesu Kristo ne nyina Korowii Domadɛɛɡe la aa ɡela yaa nyin dɔŋa la, dɛɛ soŋe heyaa kɛŋɔ he cha mɛ dɛ́ swɛɛ siwi soŋe Korowii tɛ mɛ.

Tɔn Pɔɔl Aa Chwerɛ Rom Tena 16:17

Yabala, n dɛ soŋe heyaa kɛŋɔ, hɛɛ nyiŋi nɛra baa ɡela he baah ɛɛ peɡri, dɛɛ baɡle waa a ne Yeesu Kristo waa baa baɡle heyaa nɔ aa wola jo, asɛ dɛɛ vuuɡi heyaa la. Hé jem ba dɛɛ ke he te ba nɛ.

1 Kɔrent 1:11

Yabala, nɛra bane le Kloi dem dɛ ba ŋɔ n be ŋɔ, webeɡra chole he bini bane baah ta, a waa n bol a ɡɛ waa nɔ la.

1 Kɔrent 11:18

Waa aa tɔ sie laanee kɛŋɔ, n noɔ kɛŋɔ dɛ he chemo dɛɛ soŋe Korowii aa, haa nyopɛo dɔ. N dɛ lii kɛŋɔ kpelaa ba ŋɔ.

1 Kɔrent 12:25

Korowii ɛa ɡɛ ásɛ bwadabii la bini bɛ peɡri, ásɛ a bwa ɛɛ cha dɔŋa.

1 Kɔrent 3:3

dɛkalkɛŋɔ he ta dɛ teŋɛ nɛwɛnyini mar waa ta. Bɔweela ne naɡra aa lɔ he baah ta nɔ, nɛwɛnyini mar nɛɛ laa hɛɛ teŋɛ nɔ naa? Haa jemɛ kɛŋɔ dɛ he dɔ ɡɛ da nɔ naa, he ja nɛra baa dɔ harɛ nɔ ta liire nɛɛ kɛɛ?

1 Kɔrent 4:16

Anomanta, n dɛ soŋe heya, hé kpɔ n da.

2 Kɔrent 10:1

Men Pɔɔl, n dɛ soŋe heya. Ba ŋɔ n lɔ he be naa, n pwɛre, kɛ n le he be te naa, n waa kpeɡri. N dɛ soŋe heyaa kɛŋɔ hé nyiŋi ɡɛ Yeesu Kristo aa pwɛra o tea do som la,

2 Kɔrent 13:11

Too, yabala, n nyoa jaɡɛ bonɔ. Hé so kɛrɛdɛ. Hé swɛɛ siwi kɛ hɛɛ ɡeloo he wobɛlbwa toɡre ka tonɛ. Hé no n waa maa bola dɛ kpɔ ja heyaa la. Hé ɡel he nyoa pɛ, he bɛ dɛɛ yo. Korowii waa dɛ nyin nɛwɛnyini kohona dɛɛ tɛ bosɔɔhna la, ó cha heya.

2 Kɔrent 13:9

Ya ɡwɛɡrɔ hé do kpeɡri aa, dɛ ya sie lɛo. Ya dɛ soŋe Korowii kɛŋɔ he waa toɡre ka tonɛ.

2 Kɔrent 5:20

Taraken nɔ, Yeesu Kristoo tomɛ yaa ŋɔ yá bol waa dɛɛ tɛo la. A kaa ɛ kɛŋɔ Korowiirii cheɡɛ ya nɛɛ dɛɛ bol waa nɛra be la. Ya cheɡɛ Yeesu Kristo naa ta dɛɛ soŋe heyaa kɛŋɔ, hé ɡel he ne Korowii baah kwaa he pɛ.

2 Kɔrent 6:1

Ya ne Korowii bwa aa pɛa dɛɛ ɛ toma nɔ, ya dɛ soŋe heyaa kɛŋɔ Korowii aa na he sum dɛ cha heyaa nɔ, he bɛ ɡel a ɛ pɛɛ.

Galaasia 4:12

N poo heya, yabala, n fa dɛ teŋɛ Mosis Mmara ta dɛ ɡel, dɛ berɛ do ɡɛ haa doa nɔ. Anomanta, hé ta che kiŋkiŋ dɛ ɡel a ta teŋa dɛ do ɡɛ maa doa nɔ. N fa aa lɔ he be la, he ta men wechɔɡe bɛlbwa ɛɛ.

Felepae 1:27

Waa aa hiaah laanee kɛŋɔ hé ɡel he we-ɛɛla bwa do wer ɡɛ aa chɛ kɛ nɛra baa no Yeesu Kristo Amanesoma la waa aa doa, ásɛ dɛ n baa ba he be noo, n ta ba wone ba noo, ń no he waa kɛŋɔ he bwa liire ɛ beŋkpoŋ, hé che kiŋkiŋ, he nyoa pɛ, hé che tɛ Amanesoma la haa yaradaa la, á won la sie,

Felepae 3:16

Kɛ ɡɛ bwa yaa wona dɛ jemɛ la, yá kpoŋe a bini dɛɛ la.

1 Tesalonika 5:13

Ba toma la nomanta, hɛ́ɛ duu ba kɛrɛdɛ, dɛɛ nyin ba wa. Hé ɡel he bwa nyoa pɛ.

2 Tesalonika 2:1

Yabala, ya Dɔɔ Yeesu Kristo bala waa ne ɡɛ ya bwa aa dɛ ba o be chema la, n dɛ soŋe heya,

1 Timoti 5:21

N cheɡɛ Korowii ne Yeesu Kristo ne nyundua toroma la bwa sie dɛ kpɔ waa nɔ dɛɛ tɛɛ, ásɛ he we-ɛɛla bwa ta la, he bɛ ɡel nɛra bane waa su he siwi dɛ ɡwaa bane, kɛ dɛɛ ɛ ba bwa kɛrɛdɛ.

2 Timoti 4:1

N cheɡɛ N Naa Korowii ne Yeesu Kristo waa dɛ ba ba bol weera ne lala waa dɛ́ pa bole la sie, dɛ koh kora waa dɛ ba ba di la waa dɛɛ ŋɔ he be sibeɡra ne ŋɔ,

Josua 22:15

Asɛ ba la Gelead harɛ ta bela Rubin ne Gad deene, dɛ Manasɛ dea pera la be ka ŋɔ,

1 Pita 2:11

N dandɛɛɡa, n dɛ soŋe heyaa kɛŋɔ haa ɛ hɔɔhra bonɔ, bonɔ aa wola he bwɛɛ ɛɛ nɔ, hé laa he te kpɔ he bwadabii pɛlchɔɡa ta. Anee dɛɛ vuuɡi heyaa haa wola won ɛ waa Korowii aa kpɔa do he bambile bini la.

1 Pita 5:10

Kɛ he baa na waa tama aa, Korowii waa dɛ na nɛra sum dɛɛ cha ba kohona la, o ɡbaɡba ɛɛ kwaa he wobɛlbwaa, dɛ́ ɡel he che kiŋkiŋ, dɛ́ do kpeɡri, dɛ́ lawɛ heyaa he bɛ chole. Onee le heyaa hé won che pɛɛ he ne Yeesu Kristo aa pɛa la ta, dɛ dɔ o jirima aa wola jaɡa dɔe bwa la.