Yakubu 2:6 - Nyaa Shɔɔ Ɓɔɔ Laa a Ɓɛɛ

⁶ Nɔɔ risi zang ɓɔɔ ri zang ying kpang naa vĩi. Wu zang ying kɔ ri dang nɔɔ jĩng kpang ya? Wu rikɔ ɓaa nɔɔ nyaavaa kpang ya?

Yakubu 2:6 ပူးပေါင်းရင်းမြစ်များ

Yɔhana 8:49

Yeesɔ kɔɔ ri tɔɔ, “Suru shi kpang ɓi ka bii mɛɛ kpang. N á m Daa mɛɛ bannang, nɔɔ a m bannang manɛ kpang.

Zang Shonang Yeesɔ 13:50

Rɛɛ zang Yahudi ri dɔ̃lɔ rɛɛ zang soro ɓɔɔ ri bang Laa ɓɛɛ, ɓɔɔ zang a ri bannang katɔ ɓɛɛ, nɛɛ rɛɛ zang bang gari kaɓa. Ri shing zang nɛɛ zang ri dang rɛɛ Bulu nɛɛ Baranaba jĩng. Ri hing ri nɛɛ tipi kaɓa.

Zang Shonang Yeesɔ 17:6

Ɓɔɔ ri ĩi Bulu nɛɛ Siila kpang, ri gɔ̃ yɔɔ ɓɔɔ zang ɓaa wu nɛɛ Jaasong nɛɛ rɛɛ zang ɓɔɔ ka teteng zang ɓɔɔ ri shing danggn tɔ ɓɛɛ, ri daa nɛɛ ri ka tĩng rɛɛ zang bang gari. Ri goo nyaa nɛɛ, “Zang keɓe ri kpãa zang tɔ nɛɛ nɔng piti piti. Wee ri a tɔ ka gari ɓuru ɓɛɛ,

Zang Shonang Yeesɔ 18:12

Ka ɓɔɔ zang Rooma naa yi Gaaliyo gɔmna tipi Akaya, zang Yahudi ri kpalɛ zɔɔ, a ri yi Bulu ri daa nɛɛ wu ka nɔng ɓɔɔ zang jɛ̃ɛ zang ruu kagn ɓɛɛ.

Zang Shonang Yeesɔ 8:3

Shaawulu kãa ɓi gbalang ɓɔɔ nɛɛ wu ningsi zang ɓɔɔ ri dũng Laa ɓɛɛ, dɔ̃ɔ gbete. Dàarɛ́ ka gãa gãa, yiki zang varɛ nɛɛ zang soro, wu daa looro ri ka sãa.

1 Koranti 11:22

Ayii! Gãa manɛ kagn ɓɔɔ naa nɔɔ shaa vuu, nɔɔ ti ɓoo vuu ɓoonang kagn ɓɛɛ kpang ya? Nɔɔ seng zang Laa kpang ka ruu viya? A nɔɔ ti palɛ zang ɓɔɔ vuu ka naa ɓarɛ kpang vuu yusɛ̃ɛ wiya? N kɔ̀ɔ́ nɔɔ ɓu kaa nɛɛ viya? Nɔɔ shing ɓu ka yeti manɛ nɛɛ n dɔ̀ɔ́ nɔɔ katɔ ka ɓɔɔ nɔɔ palɛ naa weɓe ya? Kpang. N dɔ̀ɔ nɔɔ kpang tingkiring.

Yakubu 2:3

A nɔɔ yee zang ɓɔɔ hãa fɔ̃ɔrɔ tɔ̃ɔ laa ka bii. Nɔɔ kɔɔ wu nɛɛ, “Arɛ mɔɔ nwang ka nɔng tɔ̃ɔ keɓe.” A nɔɔ kɔ̀ɔ zang ɓɔɔ ɓi zang ying kpang ɓɔɔ hãa sɛ̃ɛ fɔ̃ɔrɔ ka bii ɓɛɛ nɛɛ, “Shii nɛɛ kaaɓa,” nɔɔ nɛɛ kɔ̀ɔ wu nɔngkɔ kpang, nɔɔ kɔ̀ɔ́ wu nɛɛ, “Nwang ka tipi ka nɔngkɔ.”

Yakubu 5:4

Nɔɔ shu zang ɓɔɔ kpalɛ vuu shaanang manɛ ɓɔɔ ka jaa manɛ kpang. Ka ruu nɔngkɔ, ri kaa Kpanti Laa nyavɔ kana, a Laa ɓɔɔ mãa vuu piti, ti tãa nyavɔ ɓarɛ tɔ.

Yakubu 5:6

Nɔɔ dɔng zang tɔ̃ɔ ruu, a nɔɔ nyɔ ri vɔrɔ. Ri shii bàng nɛɛ nɔɔ kpang.