Yahuza 1:8 - Nyaa Shɔɔ Ɓɔɔ Laa a Ɓɛɛ

⁸ Zang kɔ n rang yee ka yuu ɓarɛ ɓee, doo nɔngkɔ. Ri rɔ̃kɔ rɔ̃kɔnang ɓɔɔ shing ri, ri pàlɛ́ bii ɓarɛ vuu shi kpang. Ri tá nyaa ɓɔɔ Laa dang ɓɛɛ, a ri ti dãlɛ zang nyaa shonang Laa ɓɔɔ ri ka lapa ɓɛɛ.

Yahuza 1:8 ပူးပေါင်းရင်းမြစ်များ

Luka 11:25

Nɛɛ arɛ, nɛɛ naa ĩi gãa, zang kooro katɔ, a zang ti shĩili vuu katɔ nyaa kiiri.

Luka 12:11

“Zang nɛɛ atɛ nɔɔ tɔ, nɛɛ zang jɛ̃ɛ nɔɔ ruu ka gãa zɔɔ kpalɛnang zang Yahudi, kɔ ka bii gɔmna, kɔ bii zang bang bang ɓɔɔ ri yiti tipi ɓɛɛ, nɔɔ rɛ̃rɛ ka ruu naa ɓɔɔ, nɔɔ daa kasɛ zang nyaa, nɛɛ naa vuu ɓɔɔ nɔɔ daa kɔɔ ɓɛɛ kpang.

Luka 19:14

A zang tipi ɓiɓɛ ri kasɛ ruu ɓiɓɛ kpang. Ka ruu nɔngkɔ, ri shong zang nyaa shonang ka knti ɓiɓɛ, nɛɛ wu daa kɔɔ zang ɓɔɔ daa yi yɔɔ kpanti nɛɛ, ‘Ruu kasɛ yɔɔ keɓe wu nwang kpanti ɓuru kpang.’

Zang Shonang Yeesɔ 23:5

A Bulu kasɛ nyaa tɔɔ, “Rɛɛ manzung, n zi kpang nɛɛ wukɔ kpanti zang ɓɔɔ ri dɔɔ vuu ka Gãa Laa kpang. Labeenang Laa kɔɔyi tɔɔ, ‘Mɔ́ɔ rang ruu shi kpang, ka yuu zang ɓɔɔ wukɔ kpanti rɛɛ zang ɓaaɓɛ kpang.’ ”

Zang Shonang Yeesɔ 7:27

“Zang ɓɔɔ dang zang gbete jĩng ɓɛɛ, dɔ̃ Musa nɛɛ kaa, a hɛ̃ɛ nɛɛ, ‘Wi shing mɔɔ zang bang, a ɓɔɔ zang ɓɔɔ jɛ̃ɛ ruu rúu wiya?’

Zang Shonang Yeesɔ 7:39

“A rɛɛ dabang ɓuru ri ɓaa shoo ka nyaa ɓiɓɛ kpang. Ri bɛ̃ɛ wu, ka yeti ɓarɛ, ri kasɛ nɛɛ ri nɛɛ gbãayu ɓarɛ ka Masara.

1 Koranti 3:17

Zang ɓɔɔ nɛɛ lasɛ Gãa Laa keɓe, Laa naa nyɔ zang kaɓa vɔrɔ. Ka ruu ɓɔɔ, Laa zɔ̃ng Gãa keɓe nɛɛ wu nwang ɓɔɔ yuu ɓiɓɛ ɓɛɛ. Gãa keɓe ɓi nɔkɔ.

1 Tesalonika 4:8

Ka ruu nɔngkɔ, naa zang ɓɔɔ bɛ̃ɛ vuu kɔ ruu tusu ɓee, bɛ̃ɛ ɓi shɔnzang kpang, bɛ̃ɛ ɓi Laa ɓɔɔ a ruu Suru ɓiɓɛ ɓɛɛ.

1 Timoti 1:10

Ka ruu zang ɓɔɔ ri palɛ dũndũng ɓɛɛ, nɛɛ zang varɛ ɓɔɔ ri rooro nɛɛ zɔɔ ɓɛɛ, nɛɛ zang soro ɓɔɔ ri palɛ doo nɔngkɔ ɓɛɛ. Ka ruu zang ɓɔɔ ri ɓɔɔrɔ zang ri mãlɛ́ ɓɛɛ, nɛɛ zang ɓɔɔ ri suuru sèé ɓɛɛ, nɛɛ zang ɓɔɔ ri kɔ̀ɔrɔ̀ ruu niizang ka yuu ruu kpang ɓɛɛ. Ka ruu zang piti ɓɔɔ ri pálɛ̀ vuu ka doo vuu tusunang ɓɔɔ niizang kpang ɓɛɛ.

Yahudi 13:17

Nɔɔ ɓaa shoo ka nyaa rɛɛ zang bang manɛ, nɔɔ palɛ vuu ɓɔɔ ri kɔɔ nɔɔ ɓɛɛ. Ka ruu ɓɔɔ, rikɔ gãng jĩng ka nɔɔ ɓɛɛ, ri ti naa kɔɔ Laa naa ɓɔɔ ri yiti nɔɔ ditɔ ɓɛɛ. Ri pálɛ́ shonang keɓe nɛɛ tĩnang tãanang, wu nɛɛ yeti lasɛnang kpang. Ka ruu ɓɔɔ, naa ri palɛ nɔngkɔ, nwàng nɔɔ vuu ɓɔɔ kpang ɓɛɛ.

1 Bituru 2:17

Nɔ́ɔ a zang piti bannang katɔ. Nɔ́ɔ ti kàsɛ̀ ruu zang ɓɔɔ ri dũng doo Laa kɔ katɔ. Nɔ́ɔ kaa vɔrɔ Laa katɔ. Nɔ́ɔ ti a kpanti bannang katɔ.