Yahuza 1:7 - Nyaa Shɔɔ Ɓɔɔ Laa a Ɓɛɛ

⁷ Danggn gari Sɔɔdom nɛɛ Gomora nɛɛ rɛɛ gari ɓɔɔ ri naabm ɓɛɛ, wu ning nɔɔ kpang. Ri pálɛ́ dũndũng ka zɔ̃ng zɔ̃ng. Laa dang ri jĩng, ningsi ri nɛɛ waa ɓɔɔ ning ɓi kpang dòndòng ɓɛɛ, tɔ̀ɔ zang piti ri zi kaa gn.

Yahuza 1:7 ပူးပေါင်းရင်းမြစ်များ

Matiyu 10:15

N kɔ̀ɔ́ nɔɔ ruu ɓɔɔ niizang kɔ nwani, ka diki ɓɔɔ Kpanti Laa naa jɛ̃ɛ zang ruu, jĩng dannang ɓarɛ naa ɓa ɓɔɔ zang gari Sɔɔdom nɛɛ Gomora katɔ.

Matiyu 11:24

N kɔɔ nɔɔ ka diki ɓɔɔ Kpanti Laa naa jɛ̃ɛ zang ruu, gn zang Sɔɔdom naa kɔng wu ɓa ɓɔɔ manɛ katɔ.”

Matiyu 25:41

“A naa kɔ̀ɔ́ zang ɓɔɔ ka naa nagang ɓiɓɛ nɛɛ, ‘Zang ɓɔɔ Kpanti Laa ku nɔɔ nyaa tɔ ka bii, ka ruu vuu shi kpang manɛ ɓɛɛ, nɔɔ dita yeti waa ɓɔɔ Laa palɛ ka ruu Kpanti suru shi kpang nɛɛ zang nyaa shonang ɓiɓɛ ɓɛɛ.

Luka 17:29

Diki ɓɔɔ Lootu naa nwangnɛ, yaa gari Sɔɔdom a nɛɛ mani. A tari ɓɔɔ waa kɔlɔ ka bìí ɓarɛ ɓɛɛ, a nɛɛ lapa, ningsi ri nandon.

1 Koranti 6:9

Nɔɔ zi tɔ nɛɛ, zang ɓɔɔ ri ta yeti shi kpang, ri daa nɔng ɓɔɔ Laa roo kpanti kpang. Nɔ́ɔ nwãarɛ yuu manɛ kpang. Zang ɓɔɔ ri palɛ dũndũng, zang ɓɔɔ ri bang vaka, zang ɓɔɔ ri rooro nɛɛ soro zang, zang varɛ ɓɔɔ ri rooro doo nɛɛ zang varɛ kɔ ɓɛɛ.

2 Tesalonika 1:7

Naa shing nɔɔ ɓɔɔ nɔɔ dang jĩng kãntang, nɔɔ ɔ̃sɔ, a ruu ti ɔ̃sɔ jong. Naa palɛ vuu keɓe ka diki ɓɔɔ Kpanti Yeesɔ naa nwang nyaa nɛɛ lapa nɛɛ rɛɛ zang nyaa shonang ɓiɓɛ ɓɔɔ ka lapa, ɓɔɔ naa vuu palɛnang ɓarɛ bang dɔɔli ɓɛɛ.

2 Tesalonika 1:8

Naa nwang nyaa nɛɛ waa ɓɔɔ shaa katɔ ɓɛɛ, wu dang zang ɓɔɔ ri bɛ̃ɛ Laa katɔ jĩng, nɛɛ zang ɓɔɔ ri dũng Ruu Tɔ̃ɔ ɓɔɔ ka yuu Kpanti ɓuru Yeesɔ kpang ɓɛɛ.

2 Bituru 2:2

Zang dɔɔli ri naa palɛ dũndũng ɓɔɔ maalang keɓe ri palɛ ɓɛɛ. Tɔ̀ɔ, ri shing zang kati zang ri rang ruu shi kpang ka yuu gbalang Laa ɓɔɔ niizang ɓɛɛ.

2 Bituru 2:6

Ɓɔɔ rɛɛ gari Sɔɔdom nɛɛ Gomora dòo nɔngkɔ, Laa ti dɔng zang ɓɔɔ ri nwalɛ kagn ruu. A dɔɔ rɛɛ gari ziti keɓe dɔ̃ɔ gbete nɛɛ waa, yaa pũngku ɓarɛ kɔ shɛ̃ɛning ka tipi. Wee tusu zang nɛɛ zang ri zi naa ɓɔɔ wu dang zang ɓɔɔ ri naa dũ̀ng nyaa ɓiɓɛ kpang jĩng ɓɛɛ.

2 Bituru 3:7

A yee ɓɔɔ Laa rangnɛ kɔ shingnɛ, lapa nɛɛ tipi ɓɔɔ kãntang keɓe, wu nwangnɛ, wu gã diki ɓɔɔ waa naa lasɛ vuu ɓɔɔ ka yeti ɓiɓɛ nandon ɓɛɛ. Yaa vuu piti ka nɔngkɔ, nɛɛ diki ɓɔɔ wu naa dɔng zang piti ruu, wu ti ningsi zang ɓɔɔ ri palɛ vuu shi kpang, a ri dũng wu kpang ɓɛɛ.