Yahuza 1:23 - Nyaa Shɔɔ Ɓɔɔ Laa a Ɓɛɛ

²³ Nɔɔ zɔ̃ng ri nɛɛ yeti waa, nɔɔ ta yuu ɓarɛ. Gn zang ɓɔɔ wu kɔng nɔɔ katɔ, nɔɔ ɓakɛ nɛɛ vɔrɔ kaanang ning. Naa dòo fɔ̃ɔrɔ ɓarɛ ɓɔɔ ri palɛ vuu shi kpang ɓɔɔ bii ɓarɛ kasɛ ɓɛɛ nɛɛ mani, nɔɔ bɛ̃ɛ katɔ.

Yahuza 1:23 ပူးပေါင်းရင်းမြစ်များ

Rooma 11:14

Naa n shíng zang zɔ̃̌ng mɛɛ katɔ, ri kaa sũnyaa, tɔ̀ɔ, Laa wu ta yuu zang ɓɔɔ ka teteng ɓarɛ.

1 Koranti 15:33

Nɔ́ɔ yaa zang ri nwãarɛ nɔɔ kpang. “Naa mɔɔ rakɛ nɛɛ zang ɓɔɔ ri palɛ shi kpang, mɔɔ naa palɛ doo shi kpang naa ɓɔɔ ri palɛ ɓɛɛ kɔ.”

1 Koranti 3:15

Naa gãa zang kaɓa waa shaayi zang kaɓa wàlɛ̀ vuu ɓɔɔ Laa a zang kpang. Laa ta yuu zang kaɓa katɔ naa ɓɔɔ shɔnzang wɔ nɛɛ yeti waa ɓɛɛ.

2 Koranti 5:11

Ruu zi vuu ɓɔɔ zang ɓaa nɛɛ zang kaa vɔrɔ Laa tɔ, ka ruu nɔngkɔ, ruu bàkɛ́ zang piti. Laa zi ruu nung tɔ dɔ̃ɔ gbete, n ti shing gn nɛɛ, ka yeti manɛ, nɔɔ zi ruu nung tɔ gbãng gbãng.

2 Tesalonika 3:14

Zang ɓɔɔ ka teteng manɛ nɛɛ dũng ruu kɔ ruu shong nɔɔ ka yeti labeenang keɓe kpàng. Nɛɛ nɔngkɔ, nɔɔ zi zang keɓe waasɛ̃ nɔ́ɔ pálɛ̀ vuu ɓɔɔ nɛɛ wu kpang, tɔ̀ɔ yusɛ̃ɛ wu tuu wu.

1 Timoti 4:16

Gãng jĩng ka yuu ɓaaɓɛ, mɔɔ ti gãng jĩng, ka vuu ɓɔɔ, mɔɔ tusu ɓɛɛ. Palɛ rɛɛ vuu keɓe diki diki. Ka ruu ɓɔɔ, mɔɔ nɛɛ palɛ tɔ, mɔɔ ta yuu ɓaaɓɛ nɛɛ ɓɔɔ zang ɓɔɔ ri tãa vuu ɓɔɔ mɔɔ kɔɔ ɓɛɛ katɔ ɓɛɛ.

2 Yɔhana 1:11

Ka ruu ɓɔɔ, zang ɓɔɔ nɛɛ jeere wu nyaa, kasɛ vuu shi kpang ɓɔɔ zang kaɓa palɛ ɓi doo katɔ kɔ ɓɛɛ.

Yahuza 1:22

Zang ɓɔɔ rɛ̃rɛnang ɓarɛ nɛɛ vãarɛ ditɔ, gn ɓarɛ wu kɔng nɔɔ katɔ.

Vuu ɓɔɔ zang nwangsɛ Yɔhana 3:18

Ka ruu nɔngkɔ, n kɔɔ nɔɔ, nɔɔ arɛ nɔ́ɔ hoo zɔ̃ng zinariya ɓɔɔ zang dɔɔ nɛɛ waa nɛɛ, tɔ̀ɔ, bii ɓiɓɛ wu turɛ wu nwang kaa tɔ̃ɔ ɓɛɛ, tɔ̀ɔ, nɔ́ɔ nwang kaa zang ying ɓɔɔ niizang ɓɛɛ. Nɔɔ ti arɛ nɔɔ hooro fɔ̃ɔrɔ puru nɔ́ɔ hãayi, tɔ̀ɔ, bii bɔ̃bɔ̃rɔ manɛ wu shing kaa tɔ̀ɔ́ yusɛ̃ɛ wu tuu nɔɔ kpang. Nɔɔ hoo gãnang ɓɔɔ zang tɛ̃̀ɛ́ nɔɔ ka jĩng ɓɛɛ, tɔ̀ɔ, nɔ́ɔ zi nɔng kati.

Vuu ɓɔɔ zang nwangsɛ Yɔhana 3:4

A zang ɓɔɔ kaa gn teteng manɛ, ka Sadisu ka nɔngkɔ, ɓɔɔ ri tɔ̀ɔ fɔ̃ɔrɔ ɓarɛ kpang ɓɛɛ. Zang kaɓa ri naa hã̀lɛ́ fɔ̃ɔrɔ puru ri rakɛ nɛɛ n, ka ruu ɓɔɔ, nwannang ɓarɛ daa naa tɔ ɓɛɛ.