Yahuza 1:18 - Nyaa Shɔɔ Ɓɔɔ Laa a Ɓɛɛ

¹⁸ Ri kɔɔ nɔɔ nɛɛ, “Diki ɓɔɔ koo waa nyaa kagn nɛɛ a tɔ, zang ri naa nwang nyaa, ri naa kpaa nɔɔ, ri naa dũng ɓarɛ vuu shi kpang ɓɔɔ yeti ɓarɛ ɓɔɔ zi Laa kpang kasɛ ɓɛɛ.”

Yahuza 1:18 ပူးပေါင်းရင်းမြစ်များ

Zang Shonang Yeesɔ 20:29

N zi tɔ, n nɛɛ daa tɔ, zang ɓɔɔ ri tusu zang vuu, ɓɔɔ ri nwang naa zaa wisi ɓɔɔ shaa varɛ dɔɔli ɓɛɛ, ri naa a ditɔ ka teteng manɛ. Gn manɛ kɔng ri kpang.

2 Timoti 3:13

A zang ɓɔɔ ri palɛ vuu shi kpang nɛɛ zang ɓɔɔ, ri tuu waa nyaating zang ɓɔɔ ri palɛ vuu nɛɛ mani ɓɛɛ, ri shaarɛ katɔ, shaarɛnang ɓarɛ daa nɛɛ tĩng kɔ jong. Ri nwãarɛ zang, zang ti nwãarɛ ri.

2 Timoti 4:3

Diki naa a ditɔ, diki ɓɔɔ zang ɓaa shoo ka vuu tɔ̃ɔ ɓɔɔ zang tusu kpang. Ri dũng ɓarɛ vuu ɓɔɔ yeti ɓarɛ kasɛ ɓɛɛ. Ri kpalɛ zang ɓɔɔ ri tusu vuu, nɛɛ ri tùsù ri vuu ɓɔɔ bii sháa ri, rì kasɛ tãanang ɓɛɛ.

2 Bituru 2:1

Ka tĩng tɛ̃ɛ tɛ̃ɛ, zang nyaa shonang Laa ɓɔɔ sèé, ri nwáng nyaa ka teteng rɛɛ zang Laa. Kãntang keɓe dòo nɔngkɔ, maalang ɓɔɔ ri tusu zang vuu sèé, ri naa nwang nyaa ditɔ ka teteng manɛ. Ri naa arɛ, ri tusu zang vuu sèé ɓɔɔ shing zang, ri ning gbalang ɓɛɛ. Ri naa làá nyaa nɛɛ ri zi dabang ɓuru Yeesɔ Kirisi ɓɔɔ tá yuu ɓarɛ ka vuu shi kpang ɓarɛ kpang. Ka ruu vuu kɔ ri palɛ ɓee, diki bee kpang, jĩng dannang bang a ditɔ ka yuu ɓarɛ, wu nyɔkɔ ri vɔrɔ.

2 Bituru 2:10

Jĩng dannang keɓe naa a ka bii zang ɓɔɔ ri palɛ vuu shi kpang ka naa ɓɔɔ bii ɓarɛ kasɛ ɓɛɛ. A ri ti bɛ̃ɛ naa vuu palɛnang Laa katɔ ɓɛɛ. Maalang ɓɔɔ ri tusu zang vuu sèé keɓe, ri kaa vɔrɔ vuu ɓɔɔ kpang, ri tuu yuu ɓarɛ dɔɔli. Ri ti kaa vɔrɔ ruu shi kpang kɔɔrɔnang ka yuu zang bang bang ɓɔɔ ri ka tĩng Laa ka lapa, ɓɔɔ zang a ri bannang katɔ ɓɛɛ kpang. Ri dãlɛ ri ɓarɛ katɔ kɔ jong.

2 Bituru 3:3

Vuu ɓɔɔ n kasɛ nɛɛ nɔɔ zi shɔɔnang keɓe. N kasɛ nɛɛ nɔɔ zirɛ nɛɛ ka diki ɓɔɔ koo keɓe waa nyaa kaa tɔ, zang ɓɔɔgn ri nwangkɛ nyaa, ri palɛ vuu ɓɔɔ yeti ɓarɛ kasɛ ɓɛɛ. Zang keɓe, ri naa kpaa nɔɔ katɔ.

Yahuza 1:16

Zang keɓe ri gɔ̃ɔrɔ ɓarɛ yee diki diki, a ri kɔɔyi nɛɛ zang ɓɔɔ kɔ, wu palɛ vuu. Ri dũng ɓarɛ vuu shi kpang ɓɔɔ yeti ɓarɛ kasɛ ɓɛɛ. Ri rangkɛ yee bang bang ka yuu ɓarɛ, ri nyɔ zang nɛɛ nyaa nɛɛ tɔ̀ɔ, ri walɛ vuu.

Yahuza 1:4

Zang ɓɔɔ ri dũ̀ng Laa kpang, ɓɔɔ kagn ri hãa tɔ ka teteng manɛ nɛɛ nwĩiri, ruu zi kpang. Zang ɓɔɔ ri kɔ̃sɔ ruu tɔ̃ɔ ɓɔɔ Laa ɓuru pàlɛ́ zang, nwang ri ɓarɛ kaa naa zang yaa ri gbalang dũndũng palɛnang, a ri bɛ̃ɛ Yeesɔ Kirisi ɓɔɔ wukɔ gbete, Kpanti nɛɛ dabang ɓuru ɓɛɛ. Labeenang Laa kɔɔ ruu ɓi tɔ ka yuu ruu kɔ zang dɔ̀ng ri ɓee.