Yahuza 1:12 - Nyaa Shɔɔ Ɓɔɔ Laa a Ɓɛɛ

¹² Ri nwàng ɓarɛ naa vuu rĩiti, ka teteng manɛ ka nɔng ɓɔɔ nɔɔ shaa vuu shaanang ɓɔɔ nɔɔ tusu zɔɔ nɛɛ nɔɔ kasɛ zɔɔ katɔ ɓɛɛ. Ri lasɛ nɔɔ nɔng nɛɛ vuu ɓɔɔ ri palɛ yusɛ̃ɛ tuu ri kpang ɓɛɛ. Ri gãng jĩng ɓarɛ ka yuu ɓarɛ kɔ shɛ̃ɛning. Ri ɓarɛ naa sãmbong ɓɔɔ mii kagn kpang, jasung rãayi ɓɛɛ. Ri ɓarɛ naa laa ɓɔɔ ra jaa kpang, naa doo nɛɛ guusi ɓɛɛ. Ri nwàng naa laa ɓɔɔ zang ru katɔ nɛɛ dĩiri, a vɔ dɔ̃ɔ gbete ɓɛɛ.

Yahuza 1:12 ပူးပေါင်းရင်းမြစ်များ

Matiyu 13:6

A ɓɔɔ laa naa tuuyi ri tɔɔrɔ, ri waatɛ, ka ruu ɓɔɔ, shɔng ɓarɛ daa tipi dii kpang ɓɛɛ.

Matiyu 15:13

Yeesɔ kasɛ ri nyaa tɔɔ, “Vuu piti ɓɔɔ wu Daa mɛɛ ɓɔɔ ka lapa shɔrɛ kpang, zang naa ru ɓi ditɔ.

Maraku 4:6

A laa naa tuuyi, ri tɔɔrɔ, ri waatɛ, ka ruu ɓɔɔ shɔng ɓarɛ daa tipi dii kpang ɓɛɛ.

Luka 12:45

A naa zang shonang kaɓa kɔɔ ka yeti ɓiɓɛ tɔɔ, ‘Diki dabang gãa mɛɛ bee tɔ, a gn kpang,’ a gaa tɔɔsung zang shonang ɓɔɔ varɛ nɛɛ ɓɔɔ soro nyɔkɔnang. Wu ti shaa vuu shaanang, wu ti ɓoo sàa, sàa si wu.

Luka 16:19

“Zang ying ɓɔɔ kagn, hãlɛ fɔ̃ɔrɔ ɓɔɔ shaa nyaa dɔɔli ta bii nwɛ̃ɛri pursung, a ti tãa ɓi tĩnang diki diki.

Luka 21:34

“Nɔɔ gãng jĩng kagn, rɛ̃rɛnang manɛ nɛɛ kpiti nɛɛ vuu shaanang nɛɛ vuu ɓoonang. Rɛ̃rɛnang ɓɔɔ nɔɔ rɛ̃rɛ ka yuu vuu ɓɔɔ nɔɔ kasɛ ka koo keɓe ɓɛɛ. Ka ruu ɓɔɔ, diki kaɓa nɛɛ arɛ, bɛ̀ɛ́ nɔɔ shing danggn kpang, naa ɓɔɔ saka ta yɔpɔ ɓɛɛ.

Luka 8:6

Jĩng vuu ɓɔɔ ri shili ka yuu tipi pɛngkɛ, a ri takɛ. Ri bangkɛ kana, a ri naa tɔɔrɔ, ri waatɛ. Ka ruu ɓɔɔ tipi yà kpang ɓɛɛ.

Afisa 4:14

Tɔ̀ɔ ruu nwàng kaa tɔ̀ɔ́ naa wujɛ ɓɔɔ zang ráarɛ̀ ri yuu, nɛɛ vuu ɓɔɔ zang ɓɔɔ ri nwãarɛ zang, ri tusu ɓɛɛ kpang. Zang sèé keɓe, ri shing zang, zang ri palɛ vuu shi kpang nɛɛ zũnang ɓɔɔ ri nwangsɛ nɛɛ yeti ɓarɛ ɓɛɛ.

Filipi 3:19

Zang keɓe, ri daa ɓarɛ ka nɔng waa. Ka ruu ɓɔɔ, ɓi buru ɓarɛ kɔ nwang kaa naa Laa ɓarɛ, ri ti tuu yuu ɓarɛ ka rɛɛ vuu ɓɔɔ yusɛ̃ɛ nɛɛ tuu ri kagn kɔ jong ɓɛɛ. Ri rɛ̃rɛ ɓarɛ ka yuu rɛɛ vuu ɓɔɔ ka koo keɓe kɔ shɛ̃ɛning.

1 Timoti 5:6

A suvɔ ɓɔɔ nɛɛ shing jĩng ka tĩnang tãanang, naa nwang doo ningkãari, suru ɓiɓɛ vɔ ɓi tɔ.

Yahudi 13:9

Nɔɔ yáa vuu ɓɔɔ zang tusu, ɓɔɔ ka zɔ̃ng zɔ̃ng, nɛɛ ɓɔɔ nɔɔ tãa gngn kpang, wu shing nɔɔ, nɔɔ ning gbalang kpang. Ɓi tɔ̃ɔ ɓɔɔ Laa palɛ ruu kɔ, mã ruu danggn, wu vuu shaanang ɓɔɔ ruu shaa ka zɔ̃ng zɔ̃ng ɓɛɛ kpang. Vuu shaanang keɓe, ti nwàng zang ɓɔɔ ri shaayi vuu tɔ̃ɔ kpang.

Yakubu 5:5

Nɔɔ nwàng manɛ ka koo keɓe nɔɔ tãa tĩnang nɔɔ sháa vuu tɔ, nɔɔ ɔ̃rɛ naa napo ɓɔɔ gã diki ɓɔɔ zang naa yele ri kagn ɓɛɛ.