Yahudi 9:24 - Nyaa Shɔɔ Ɓɔɔ Laa a Ɓɛɛ

²⁴ Kirisi dàa ka yeti putali ɓɔɔ shɔnzang palɛ nɛɛ naa, ɓɔɔ ɓi jasuru ɓɔɔ niizang ɓɛɛ kpang. Daa ɓi ka lapa dɔ̃ɔ gbete, nɔng ɓɔɔ wu shii kagn, ka tĩng Laa, ka nung ɓuru ɓɛɛ.

Yahudi 9:24 ပူးပေါင်းရင်းမြစ်များ

Matiyu 18:10

“Nɔɔ palɛ tɔ̃ɔ, nɔ́ɔ pɛ̃́ɛrɛ̀ jaa tɔkɔlɔng gbete ka teteng wujɛ keɓe nɛɛ jĩng gɔɔnang kpang. N kɔɔ nɔɔ, zang nyaa shonang Laa ɓɔɔ ɓarɛ, ɓɔɔ ri ka lapa, ri pɛ̃ɛrɛ ɓi waa nyaating Daa mɛɛ ɓɔɔ ka lapa diki diki.

Maraku 14:58

“Ruu tãayi, kɔɔyi tɔɔ, ‘N jili Gãa Laa kɔ zang mãa nɛɛ naa ɓɛɛ ditɔ, n mãa ɓɔɔgn ɓɔɔ zang mãa nɛɛ naa kpang, ka yeti diki taati.’ ”

Maraku 16:19

Kpanti Yeesɔ hangsɛ ri nyaa yee rannang tɔ, Laa tuu wu kaa ningkãari daa nɔng ka lapa. A daa nwáng ka naa nakn Kpanti Laa.

Luka 24:51

A ɓɔɔ bɛ̀ɛ́ gàá ri Laa doo naa, zang tuu wu zang daa nɛɛ wu ka lapa.

Yɔhana 16:28

N à nɛɛ bii Daa, a n à ka koo keɓe. N naa yaa koo keɓe ditɔ tɔkn, n gbãayu ka bii Daa.”

Yɔhana 6:62

A naa nɔɔ zi m, ɓɔɔ n Jaa Shɔnzang, n gbãayu kana ka nɔng ɓɔɔ bɛ̀ɛ́ n kagn, nɔɔ palɛ biya?

Zang Shonang Yeesɔ 3:21

Yeesɔ keɓe nwang doo ka lapa ka gbongkarɛ diki ɓɔɔ Laa naa risi vuu piti, wu raa kaa naa ɓɔɔ tĩng shɔɔnang tɔkn, wu a nɛɛ mani. Diki ɓɔɔ Laa kɔɔ nɛɛ nyaa zang nyaa shonang ɓiɓɛ, ɓɔɔ ri pálɛ̀ vuu shi kpang ɓarɛ kpang, ɓɔɔ ri nwang doo ka tĩng tɛ̃ɛ tɛ̃ɛ ɓɛɛ.

Rooma 8:33

Ɓu wi kɔɔyi nɛɛ zang ɓɔɔ Laa shɛ̃ɛrɛ ri, ri palɛ vuu shi kpang tɔ wiya? Laa kɔ kɔ̀ɔ nɛɛ, ri palɛ vuu shi kpang, kpang.

2 Koranti 5:1

Ruu zi tɔ, diki ɓɔɔ bii ɓuru kɔ nwàng naa putali nɛɛ tantɛ tɔ, Laa naa a ruu bii ditɔ ka lapa, ɓɔɔ ruu naa nwang kagn. Bii ɓɔɔ wu a ruu keɓe nwang ɓi dòndòng.

Kolosi 3:2

Nɔɔ rɛ̃̀rɛ̀ manɛ ka yuu vuu ɓɔɔ ri ka nɔng kaɓa ɓɛɛ, wu ka yuu rɛɛ vuu ɓɔɔ ka koo ka nihn ɓɛɛ kpang.

Yahudi 1:3

Jaa keɓe, nɔng yakɛnang bannang Laa kagn bii ɓiɓɛ. Rùu ti zi naa ɓɔɔ Laa nwàng ɓɛɛ, ka bii ɓiɓɛ kɔ dɔ̃ɔ gbete. Wukɔ ti yiti koo nɛɛ naa vuu palɛnang ruu ɓiɓɛ. Ka knti ɓɔɔ wu sɔɔ zang vuu shi kpang ɓarɛ tɔ, daa nwàng ka nɔng nwannang ɓiɓɛ ka lapa, ka nakn Laa ɓɔɔ ɓa zang piti katɔ ɓɛɛ.

Yahudi 12:2

Ruu shing nɔɔ jĩng ka bii Yeesɔ ɓɔɔ wukɔ tusu ruu naa ɓɔɔ ruu shing danggn, ti shingnɛ danggn shinnang ɓuru wu nwang nyaa kiiri ɓɛɛ. Zang ɓɔɔ, ka ruu tĩnang ɓɔɔ Laa naa a wu ka tĩng, mã danggn ka ɓɔɔ zang ɓaa wu naa ka laa ɓɛɛ. Yee laa ka yusɛ̃ɛ náa ɓɔɔ zang ɓaa wu ɓɛɛ kpang, a daa nwàng ka nakn laa nwannang Kpanti Laa.

Yahudi 4:14

Wee kpanti zang ɓɔɔ ri dɔɔ vuu ka gãa Laa, ɓɔɔ ɓuru kagn, ɓɔɔ zang a wu bannang dɔɔli ɓee. Kpanti keɓe wukɔ Yeesɔ Jaa Laa, ɓɔɔ daa tɔ ka lapa ɓee. Rúu yiti nɔɔ danggn, ɓɔɔ ruu shingnɛ, rùu kɔɔ zang ruu ka yuu ɓiɓɛ keɓe gbãng gbãng.

Yahudi 6:20

Nɔng ɓɔɔ Yeesɔ kɔ daa tĩng shɔɔnang, ka nung ɓɔɔ ruu nɛɛ dàa ɓɛɛ. Ka knti ɓɔɔ nwang kpanti zang ɓɔɔ ri dɔɔ vuu ka Gãa Laa tɔ dòndòng, naa ɓɔɔ Malakisadak nwang ɓɛɛ.

Yahudi 8:2

A palɛ shonang ka nɔng ɓɔɔ shi kpang ɓi kagn kpang tingkiring ɓɛɛ, nɔng Laa bannang ɓɔɔ niizang ɓɔɔ Laa palɛ nɛɛ yuu ɓiɓɛ, wu shɔnzang palɛ kpang ɓɛɛ.

Yahudi 8:5

Ri palɛ shonang ɓarɛ ka koo, nɔng ɓɔɔ zang gãsɛ ɓi nɛɛ ɓɔɔ ka lapa ɓɛɛ. Nwang ɓi naa jasuru nɔng keɓe ɓɔɔ ka lapa ɓɛɛ. Ka ruu nɔngkɔ, ka ɓɔɔ Musa bɛ̀ɛ́ nɛɛ wu ɓàá Laa kaa putali ɓɔɔ zang bang wu kagn ɓɛɛ, Laa shaarɛ wu nyaa tɔɔ, “Shing jĩng kagn, mɔɔ palɛ vuu piti ka doo naa ɓɔɔ zang tusu mɔɔ ka yuu kɔpɔ ɓɛɛ.”

Yahudi 9:1

Nyaa ɓɔɔ Laa mã tĩng shɔɔnang kaɓa, tusu zang gbalang naa ɓɔɔ zang bang Laa katɔ. A nɔng ɓɔɔ shi kpang kagn kpang, ɓɔɔ shɔnzang ri bang Laa ti kagn ka koo keɓe.

Yahudi 9:23

Dàa naa ɓɔɔ zang shing rɛɛ vuu ɓɔɔ ri ɓarɛ jasuru vuu ɓɔɔ niizang ɓɔɔ ri ka lapa keɓe, ri nwang tɔ̃ɔ nɛɛ zĩi vuu ɓɔɔ zang dɔɔ Laa naa weɓe tɔ. A vuu ɓɔɔ ri ka lapa, ɓɔɔ ɓi kaa rikɔ ɓɔɔ niizang ɓɛɛ, zang shing ri, ri nwang tɔ̃ɔ ɓi kaa nɛɛ vuu ɓɔɔ zang dɔɔ Laa ɓɔɔ ɓa weɓe katɔ ɓɛɛ.

Yahudi 9:9

Zang tusu ɓi zang koo jaa knti vuu nɛɛ vuu keɓe. Zang tusu ri nɛɛ vuu ɓɔɔ zang a Laa, nɛɛ vuu ɓɔɔ zang dɔɔ ɓɛɛ, shingnɛ rɛ̃rɛnang zang ɓɔɔ ri bang Laa, wu nwang tɔ̃ɔ kpang.

1 Bituru 3:22

Yeesɔ Kirisi daa tɔ ka lapa, nwàng ɓi kaa nɔng nwannang bang ka nakn Laa. Ti roo kpanti jong ka yuu rɛɛ zang nyaa shonang Laa ɓɔɔ ri ka lapa nɛɛ rɛɛ suru ɓɔɔ naa vuu palɛnang ɓarɛ kagn piti.

Vuu ɓɔɔ zang nwangsɛ Yɔhana 8:3

A zang nyaa shonang Laa ɓɔɔ ka lapa ɓɔɔ gbete, arɛ naa shii ka nɔng ɓɔɔ zang dɔ̀ɔ Laa vuu kagn ɓɛɛ. Yiti waka ɓɔɔ zang palɛ nɛɛ zinariya ka naa. A zang ɓɔɔ arɛ naa a wu vuu ɓɔɔ a sɛ̃ɛ tɔ̃ɔ ɓɛɛ dɔɔli. Nɛɛ wu dɔɔyi nɛɛ gàanang rɛɛ zang Laa, ka tĩng laa nwannang kpanti. Ka yuu nɔng ɓɔɔ zang dɔ̀ɔ́ Laa vuu kagn ɓɔɔ zang palɛ nɛɛ zinariya ɓɛɛ.