Yahudi 9:19 - Nyaa Shɔɔ Ɓɔɔ Laa a Ɓɛɛ

¹⁹ Ka ɓɔɔ Musa kɔɔ zang vuu ɓɔɔ Laa dang nyaa ɓɛɛ nandon, a tuu zĩi mɔ́kɔ́ napo nɛɛ ɓɔɔ jàa ɓɔɔ zang dɔɔ Laa, a nwɛ̃ɛtɛ nɛɛ mii, a ɓisi ka labeenang nyaa dannang nɛɛ zang ɓɔɔ ka nɔng ɓɛɛ nandon. Ɓìsi nɛɛ gɔpɔ, a ɓɔɔ shãngti mɛ̀ɛrɛ́ ɓɔɔ zang nwãa kpaa kagn ɓɛɛ.

Yahudi 9:19 ပူးပေါင်းရင်းမြစ်များ

Matiyu 27:28

Ri tu fɔ̃ɔrɔ ɓiɓɛ, a ri lu wu fɔ̃ɔrɔ nyaa pɛɛrɛ ɓɔɔ nwɛ̃ɛri, naa ɓɔɔ rɛɛ kpanti ri lu ɓɛɛ.

Maraku 15:17

A ri lu wu fɔ̃ɔrɔ nyaa pɛɛrɛ ɓɔɔ ta bii nwɛ̃ɛri purusũng naa ɓɔɔ rɛɛ kpanti ri lu ɓɛɛ. Ri ti tí kɔkɔ naa vuu yuu kãnang kpanti, ri hãa wu ka yuu.

Maraku 15:20

Ri kpaa wu tɔ, a ri zɔ̃ng fɔ̃ɔrɔ nyaa pɛɛrɛ nwɛ̃ɛri kaɓa, ri hãa wu fɔ̃ɔrɔ ɓiɓɛ tɔkn. Ri nwangsɛ wu kaa biling, ri daa ka nɛɛ wu, nɛɛ ri daa ɓa wu naa kaa laa.

Yɔhana 19:2

Sɔɔja ri tí kɔkɔ, ri hãa wu ka yuu kaa naa lapoo ɓɔɔ zang kãng kpanti yuu nɛɛ mani ɓɛɛ. Ri hãa wu fɔ̃ɔrɔ ɓɔɔ ta bii naa nwɛ̃ɛri purusũng naa ɓɔɔ kpanti ri hãlɛ ɓɛɛ.

Yɔhana 19:5

A Yeesɔ nwáng kati nɛɛ lapoo kɔkɔ ka yuu, nɛɛ fɔ̃ɔrɔ ɓɔɔ ta bii naa nwɛ̃ɛri purusũng ka bii. A Bilatu kɔɔ ri tɔɔ, “Nɔɔ zirɛ, yɔɔ bìí keɓe.”

Yahudi 1:1

Ka tĩng, Laa rang yee nɛɛ rɛɛ dabang ɓuru nɛɛ nyaa rɛɛ zang nyaa shonang ɓiɓɛ doo dɔɔli, a ka gbalang naabm naabm.

Yahudi 10:22

Rúu a nɔɔ ta, ka bii Laa nɛɛ yeti tɔ̃ɔ. Ruu yaa gn naa kpang, ka ruu ɓɔɔ, Kirisi sɔɔ yeti ɓuru tɔ kalang kalang, rɛ̃rɛnang shi kpang kagn kpang. A zang ti sɔɔ ruu bii katɔ nɛɛ mii ɓɔɔ kalang kalang ɓɛɛ.

Yahudi 10:4

Ka ruu ɓɔɔ, zĩi rɛɛ guu napo nɛɛ ɓɔɔ jàa zunung ɓɔɔ wu kɔsɔ zang vuu shi kpang, kpang tingkiring ɓɛɛ.

Yahudi 12:24

A ɓɔɔ ka bii Yeesɔ ɓɔɔ wukɔ shii ka teteng ɓuru nɛɛ Laa, ka nyaa shɔɔ kɔ Laa mã nɛɛ ruu ɓee. A nɔɔ ti a ka nɔng zĩi ɓɔɔ zang ɓisi katɔ, kaa nyavɔ, kɔɔ vuu tɔ̃ɔ, ɓa zĩi Habila katɔ ɓɛɛ.

Yahudi 9:12

Kirisi daa yeti nɔng ɓɔɔ shi kpang kagn kpang keɓe doo gbete kak, paasɛ kpang. Ti daa ɓi nɛɛ zĩi rɛɛ jàa nɛɛ napo kpang, daa ɓi nɛɛ zĩi bìí ɓiɓɛ. A ta yuu ɓuru kaa gbinggbing.

Yahudi 9:13

Zĩi rɛɛ jàa nɛɛ napo, a ɓɔɔ pũngku mɔ́kɔ́ napo ɓɔɔ zang dɔɔ ɓɛɛ, ɓɔɔ zang ɓisi zang ɓɔɔ ka gbalang zang Yahudi, ri palɛ vuu shi kpang tɔ nɛɛ mani ɓɛɛ, risi ri, ri nwáng zang tɔ̃ɔ ɓi ka bii biling kɔ shɛ̃ɛning.

Yahudi 9:18

Ka ruu nɔngkɔ, zang yée vuu vaa, zang tɛ̃ɛ zĩi ɓiɓɛ ka gbongkarɛ, a zang palɛ shonang kaa nɛɛ nyaa tĩng shɔɔnang ɓɔɔ Laa mã ɓɛɛ.

1 Bituru 1:2

Nɔɔ manɛ zang ɓɔɔ Daa ɓuru Laa zi vuu ɓɔɔ nɛɛ wu palɛ nɛɛ nɔɔ tɔ, doo ka tĩng tɛ̃ɛ tɛ̃ɛ ɓɛɛ. Laa shɛ̃ɛrɛ nɔɔ nɛɛ naa vuu palɛnang Suru ɓiɓɛ, nɛɛ nɔ́ɔ nwang zang ɓiɓɛ, nɔ́ɔ ɓaa shoo ka nyaa Yeesɔ Kirisi. Zĩi Yeesɔ keɓe wu sɔ̀ɔ nɔɔ, nɔ́ɔ nwang zang tɔ̃ɔ ka tĩng Laa. Laa wu gisi nɔɔ tĩnang tãanang, wu ti shingnɛ yeti manɛ wu valɛ katɔ diki diki.