Yahudi 9:14 - Nyaa Shɔɔ Ɓɔɔ Laa a Ɓɛɛ

¹⁴ Zĩi Kirisi palɛ vuu ɓɔɔ ɓa weɓe kpang ya? Kirisi ɓɔɔ shi kpang ka bii kpang, a Laa yuu ɓiɓɛ nɛɛ naa vuu palɛnang Suru Laa ɓɔɔ nwang ɓi dòndòng ɓɛɛ. Zĩi ɓiɓɛ shing katɔ rɛ̃rɛnang ɓɔɔ nɔɔ rɛ̃rɛ ka yuu vuu shi kpang palɛnang, wu nwang tɔ̃ɔ, tɔ̀ɔ, ruu pàlɛ̀ Laa ɓɔɔ ɓi ningkãari shonang kati.

Yahudi 9:14 ပူးပေါင်းရင်းမြစ်များ

Matiyu 12:28

A n nɛɛ nwangsɛ suru shi kpang nɛɛ Suru Laa, kpanti roonang Laa a bii manɛ tɔ.

Matiyu 16:16

Siman Bituru kasɛ wu nyaa tɔɔ, “Mɔkɔ Kirisi, (zang ɓɔɔ naa a ɓɛɛ.) Jaa Kpanti Laa ɓɔɔ vɔ ɓi kpang ɓɛɛ.”

Matiyu 20:28

Naa ɓɔɔ n Jaa Shɔnzang n arɛ, nɛɛ zang shong m shonang kpang, n arɛ nɛɛ n shong m zang kɔ jong, n ti mãlɛ́ bii mɛɛ ka ruu zang dɔɔli nɛɛ tɔɔ n ta yuu ɓarɛ.”

Matiyu 7:11

Ɓɔɔ nɔɔ shi kpang, naa nɔɔ zunung ɓɔɔ nɔɔ a wujɛ manɛ vuu ɓɔɔ tɔ̃ɔ katɔ, Daa manɛ ɓɔɔ ka lapa, a zang ɓɔɔ ri gaa wu vuu tɔ̃ɔ ɓi kpang ya?

Luka 1:74

nɛɛ wu naa ta ruu ditɔ, nɛɛ naa zang ɓɔɔ ri shing jĩng nɛɛ ruu kpang ɓɛɛ. Tɔ̀ɔ, ruu walɛ gbalang ɓɔɔ ruu pàlɛ́ wu shonang, ruu kaa vɔrɔ kpang ɓɛɛ kati.

Luka 12:24

Nɔɔ zi rɛɛ gãgãa karɛ. Ri lang jaa kpang, ri ti yee zee jong kpang. Gòoto vuu tɛ̃ɛnang ɓarɛ ɓi kagn nɛɛ bɔ̃nɔ kpang. Laa a ri vuu shaanang katɔ. Nɔɔ ɓaa jaaning katɔ.

Luka 12:28

Laa nɛɛ gbarɛ wisi kɔ zang zi lɛɛkɔ, ɓuru zang dɔɔ kaa nɛɛ waa ɓee, a nɔɔ fɔ̃ɔrɔ ɓɔɔ nɔɔ hãa ka bii ɓɛɛ kpang ya? Nɔɔ shing danggn ka bii Laa kpang ka ruu viya?

Luka 4:18

“Suru Kpanti Laa kagn bii mɛɛ, Laa zɔ̃̀ng m nɛɛ n rang zang ɓɔɔ vuu ka naa kpang yee tɔ̃ɔ ɓiɓɛ. Shong m nɛɛ n kɔɔ zang ɓɔɔ zang mã ri ka sãa, nɛɛ zang yaa ri naa tɔ. Nɛɛ n ti kɔɔ zang jĩng ringtang nɛɛ ri zi nɔng ta. Nɛɛ n ti yaa zang ɓɔɔ zang dang ri jĩng ɓɛɛ, naa.

Yɔhana 3:34

Ka ruu ɓɔɔ, zang ɓɔɔ Laa shongnɛ, rang ɓi doo yee Laa kɔ ɓɛɛ. Laa a wu Suru ɓiɓɛ, di nyaa kpang.

Zang Shonang Yeesɔ 1:2

à nɛɛ mani ka diki ɓɔɔ Laa tuu wu daa nɛɛ wu ka lapa ɓɛɛ. Ɓɔɔ bɛ̀ɛ́ daa lapa gn kpang, Suru Laa yi wu naa ka bii, a rang rɛɛ zang ɓɔɔ wu shɛ̃ɛrɛ ri nɛɛ ri nwang zang ɓɔɔ wu shong ri ɓɛɛ yee.

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

Zang Shonang Yeesɔ 14:15

“Nɔɔ palɛ vuu keɓe ka ruu viya? Rùu ɓuru doo shɔnzang kɔ naa nɔkɔ. Ruu arɛ ruu tɔɔ ruu naa kɔ̀ɔ́ nɔɔ Ruu Tɔ̃ɔ Laa. Ruu tɔɔ nɔɔ yaa gbalang vuu ɓɔɔ nwàng nɔɔ vuu ɓɔɔ kpang keɓe. Nɔɔ a ka bii Laa ɓɔɔ ningkãari ɓɔɔ wukɔ mãa lapa nɛɛ tipi nɛɛ waapo nɛɛ vuu ɓɔɔ ka yeti ɓarɛ nandon ɓɛɛ.

Zang Shonang Yeesɔ 15:9

Basɛ teteng ɓarɛ nɛɛ ruu kpang. Yàa ri gbalang vuu shi kpang ɓarɛ, ka ruu ɓɔɔ, ri shing danggn ka bii ɓiɓɛ ɓɛɛ.

Rooma 1:20

Ɓɔɔ bɛ̀ɛ́ Laa mãa koo gn kpang, vuu ɓɔɔ zang zi kpang ka yuu ɓiɓɛ, naa vuu palɛnang ɓiɓɛ nɛɛ nwannang ɓiɓɛ, ri zi tɔ gbayi gbayi. Zang ri zili vuu keɓe katɔ ka vuu ɓɔɔ Laa mãarɛ ɓɛɛ. Ka ruu nɔngkɔ, vuu ɓɔɔ ri jãa nyaa kagn ɓɛɛ kpang.

Rooma 1:4

Ka nwannang ɓiɓɛ ɓɔɔ shi kpang ɓi kagn kpang ɓɛɛ, Laa túsù nɛɛ naa vuu palɛnang ɓiɓɛ nɛɛ, Yeesɔ Kirisi kɔ Jaa ɓiɓɛ, ka ɓɔɔ wu wisi wu paa nɛɛ saa ɓɛɛ.

Rooma 11:12

Vuu shi kpang ɓɔɔ zang Yahudi ri palɛ kɔ shingnɛ Laa a zang koo vuu tɔ̃ɔ dɔɔli. A ka ruu gbalang ɓɔɔ zang Yahudi ning ɓɛɛ, Laa shing zang ɓɔɔ ri zang Yahudi kpang ri tãa tĩnang dɔɔli. Laa nɛɛ ta yuu zang Yahudi tɔ jong nandon, tĩnang naa shang kaa dɔɔli kɔ jong kpang ya?

Rooma 11:24

Zang ɓɔɔ ri zang Yahudi kpang, nɔɔ nwàng manɛ naa nasãng laa inabi ɓɔɔ ta ka waala, zang tiisi nɔɔ ka bii laa inabi ɓɔɔ zang ɓaa katɔ ɓɛɛ. Vuu keɓe zang palɛ gngn kpang. Zang Yahudi ri nwàng naa nasãng laa inabi ɓɔɔ zang ɓaa katɔ ɓɛɛ. Naa Laa tɔɔ, wu tiisi nasãng kɔ zang dɔlɔ ɓee ka laa ɓɔɔ zang dɔlɔ ri kagn, kpãa wu kpang tingkiring.

Rooma 6:13

Nɔ́ɔ ti yaa bii manɛ dang gbete wu ràa vuu ɓɔɔ nɔ̀ɔ palɛ vuu shi kpang nɛɛ mani ɓɛɛ kpang. Nɔɔ a Laa, bii manɛ naa zang ɓɔɔ zang wisi ri paa nɛɛ sàa ri nwàng kaa ningkãari ɓɛɛ. Nɔɔ risi bii manɛ dang gbete katɔ kɔ jong wu nwang vuu ɓɔɔ Laa palɛ shonang tɔ̃ɔ nɛɛ mani ɓɛɛ.

Rooma 6:22

A kãntang keɓe zang ta nɔɔ tɔ nɛɛ, naa vuu shi kpang palɛnang, nɔɔ kaa jaafoo Laa. Vuu keɓe shing nɔɔ, nɔɔ nwang zang ɓɔɔ shi kpang ka bii ɓarɛ kpang ɓɛɛ. Wu ti shingnɛ nɔɔ wàlɛ̀ suru bii ɓɔɔ waa nyaa kpang ɓɛɛ.

1 Koranti 15:45

Ka yeti labeenang Laa, zang beeyi nɛɛ, “Laa mãa Adamu, ɓɔɔ wukɔ shɔnzang ɓɔɔ nwang ningkãari shɔɔnang ɓɛɛ.” A Adamu ɓɔɔ a doo knti ɓɔɔ wukɔ Kirisi ɓɛɛ, ɓi kaa suru ɓɔɔ arɛ, nɛɛ wu a zang suru bii ɓɛɛ.

2 Koranti 5:21

Yeesɔ Kirisi palɛ vuu shi kpang ɓi gngn kpang, a ka ruu ɓuru, Laa risi wu naa zang ɓɔɔ pálɛ̀ vuu shi kpang ɓɛɛ. A ka ruu vuu keɓe kɔ, yuu ɓɔɔ ruu ɓakɛ nɛɛ Yeesɔ Kirisi shingnɛ, ruu nwàng zang tɔ̃ɔ ka tĩng Laa.

2 Koranti 6:16

Zang ɓɔɔ ri dũng Laa, ri palɛ biya nyaa ɓarɛ wu daa gbete nɛɛ zang ɓɔɔ ri bang vaka viya? Ka ruu nɔngkɔ, ruu ɓuru gãa Laa, Laa ɓɔɔ ningkãari ɓɛɛ. Laa kɔɔyi tɔɔ, “N palɛ nɔng nwannang mɛɛ ka nɔng zang mɛɛ, n nwang ka teteng ɓarɛ. N nwang Laa ɓɔɔ ri bang ɓɛɛ, ri nwang ɓarɛ kaa zang mɛɛ.”

Galati 2:19

Ɓi rɛɛ nyaa dannang keɓe kɔ shingnɛ n zirɛ nɛɛ n vɔ katɔ, ka ruu ɓɔɔ, n dũng ri nandon kpang ɓɛɛ. Ka ruu nɔngkɔ, n shing danggn tɔ̀ɔ́ ka ri kpang, tɔ̀ɔ, n walɛ suru bii ka bii Laa.

Afisa 2:5

Ka ɓɔɔ bɛ̀ɛ́ ruu nwang naa ruu vɔlɔ katɔ, ka ruu vuu shi kpang ɓɔɔ ruu palɛ ɓɛɛ. Laa shingnɛ ruu nwang ningkãari nɛɛ Yeesɔ Kirisi. Ɓi tɔ̃ɔ ɓɔɔ Laa palɛ kɔ shingnɛ zang ta yuu manɛ.

Afisa 5:2

Nɔɔ nwáng nwannang zɔɔ kasɛnang, naa ɓɔɔ Yeesɔ Kirisi kasɛ ruu ɓuru, a á yuu ɓiɓɛ nɛɛ zang nyɔ wu vɔrɔ ka ruu ɓuru ɓɛɛ. Suru bii ɓiɓɛ keɓe, ɓɔɔ wu a Laa, nwang kaa naa vuu ɓɔɔ á sɛ̃ɛ tɔ̃ɔ, ɓɔɔ zang dɔ̀ɔ́ Laa, a shingnɛ Laa tãa tĩnang ɓɛɛ.

1 Tesalonika 1:9

Zang kaɓa nandon, ri kɔ̀ɔ ruu naa ɓɔɔ nɔɔ ta ruu ka ɓɔɔ ruu naa leng nɔɔ ɓɛɛ. A ɓɔɔ ti naa ɓɔɔ nɔɔ yaa vaka bannang, nɔɔ naa bang kaa Laa ɓɔɔ wukɔ niizang, a ɓi ti ningkãari ɓɛɛ.

1 Timoti 1:17

Rùu nandon ruu dɔ̀ɔ Laa ɓɔɔ wukɔ kpanti dòndòng ɓɛɛ ta. Laa ɓɔɔ vɔ ɓi jong kpang, zang ti zi wu ɓi jong nɛɛ jĩng kpang ɓɛɛ. Laa ɓɔɔ wukɔ gbete ɓɛɛ. Ruu a wu bannang ta dòndòng. Nɔngkɔ.

1 Timoti 3:15

Vuu ɓɔɔ nɛɛ suu m kã̀ng anang, labeenang keɓe, wu kɔ̀ɔ mɔɔ naa ɓɔɔ zang ri nwang ka yeti Gãa Laa ɓɛɛ. Gãa Laa keɓe, ɓi wukɔ zang ɓɔɔ ri dũng Laa ɓɛɛ. Laa ɓɔɔ nwang ɓi ningkãari dòndòng ɓɛɛ. Zang keɓe, kaa rikɔ doo gãa nɛɛ vuu ɓɔɔ yiti ruu ɓɔɔ niizang ɓɛɛ.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

Yahudi 1:3

Jaa keɓe, nɔng yakɛnang bannang Laa kagn bii ɓiɓɛ. Rùu ti zi naa ɓɔɔ Laa nwàng ɓɛɛ, ka bii ɓiɓɛ kɔ dɔ̃ɔ gbete. Wukɔ ti yiti koo nɛɛ naa vuu palɛnang ruu ɓiɓɛ. Ka knti ɓɔɔ wu sɔɔ zang vuu shi kpang ɓarɛ tɔ, daa nwàng ka nɔng nwannang ɓiɓɛ ka lapa, ka nakn Laa ɓɔɔ ɓa zang piti katɔ ɓɛɛ.

Yahudi 10:10

Laa kɔ kasɛ a zang shingnɛ ruu nwàng zang tɔ̃ɔ ka tĩng Laa. Ka ɓɔɔ Yeesɔ Kirisi, a Laa yuu ɓiɓɛ zang nyɔ wu vɔrɔ doo gbete kak ɓɛɛ.

Yahudi 10:12

A ka ɓɔɔ Kirisi, a Laa yuu ɓiɓɛ tɔ doo gbete ɓɔɔ dòndòng ka ruu rɛɛ vuu shi kpang, nwang tɔ ka nakn Laa.

Yahudi 10:2

Naa nɛ̀ɛ́ nɔngkɔ kpang, zang nɛɛ yaa vuu dɔɔnang tɔ, ka ruu ɓɔɔ zang ɓɔɔ ri a Laa bannang, ɓɔɔ zang kɔsɔ ri vuu shi kpang ɓarɛ, ri nɛɛ rɛ̃rɛ tɔ̀ɔ́ ka yuu shi kpang ɓarɛ kpang.

Yahudi 10:22

Rúu a nɔɔ ta, ka bii Laa nɛɛ yeti tɔ̃ɔ. Ruu yaa gn naa kpang, ka ruu ɓɔɔ, Kirisi sɔɔ yeti ɓuru tɔ kalang kalang, rɛ̃rɛnang shi kpang kagn kpang. A zang ti sɔɔ ruu bii katɔ nɛɛ mii ɓɔɔ kalang kalang ɓɛɛ.

Yahudi 11:21

Doo danggn shinnang kɔ shing Yakubu, ka ɓɔɔ bɛ̀ɛ́ tɔɔ wu vɔ kaa tɔ ɓɛɛ, shìng wujɛ Yusufu ɓu naa ka yuu, a gàa ri Laa. Ka laa kaɓa, tiki ka labalang ɓiɓɛ, bang Laa.

Yahudi 13:12

Yeesɔ dang jĩng doo nɔngkɔ ka yuu knti gari, nɛɛ tɔ̀ɔ, wu sɔɔ zang vuu shi kpang ɓarɛ kati nɛɛ zĩi ɓiɓɛ.

Yahudi 3:12

Rɛɛ manzung, nɔɔ palɛ waasɛ̃, zang gbete ka teteng manɛ, nɛɛ tá yeti ɓɔɔ vuu shi kpang kagn, a ti shing danggn ɓi kpang ɓɛɛ, yeti ɓɔɔ shing wu, wu ràa Laa ɓɔɔ ningkãari yuu knti ɓɛɛ.

Yahudi 6:1

Ka ruu nɔngkɔ, ruu ɓa nɔɔ vuu tĩng shɔɔnang ɓɔɔ zang tusu ruu ka yuu Kirisi ɓɛɛ, ruu kpɛ̃ɛrɛ kaa vuu ɓɔɔ kpãa katɔ ɓɛɛ, tɔ̀ɔ, ruu zũng danggn kati. Ruu gàa nɔɔ yuu tusunang tɔkn nɛɛ, zang ri kɔ̃sɔ yeti, zang yaa vuu shi kpang palɛnang ɓɔɔ raa zang vɔrɔ, zang ri shing danggn ka bii Laa ɓɛɛ kpang.

Yahudi 7:16

Nwang tɔ zang ɓɔɔ dɔɔ Laa vuu ka Gãa Laa, wu ka doo vuu ɓɔɔ shɔnzang ri tusu ɓɛɛ kpang, ɓi ka doo naa vuu palɛnang suru bii ɓiɓɛ ɓɔɔ waa nyaa kpang ɓɛɛ.

Yahudi 7:27

Ɓi naa rɛɛ kpanti zang ɓɔɔ ri dɔɔ vuu ka Gãa Laa, ɓɔɔ kpang. Vuu ɓɔɔ kagn ɓɔɔ shing wu, wu dɔ́ɔ vuu diki diki, ka ruu vuu shi kpang ɓiɓɛ kɔ shɔɔnang, a wu ti naa dɔ́ɔ ka ruu vuu shi kpang zang ɓɛɛ kpang. Dɔ́ɔ vuu ɓi tɔ doo gbete kak, paasɛ takpang, ka ɓɔɔ wu a yuu ɓiɓɛ ɓɛɛ.

Yahudi 9:12

Kirisi daa yeti nɔng ɓɔɔ shi kpang kagn kpang keɓe doo gbete kak, paasɛ kpang. Ti daa ɓi nɛɛ zĩi rɛɛ jàa nɛɛ napo kpang, daa ɓi nɛɛ zĩi bìí ɓiɓɛ. A ta yuu ɓuru kaa gbinggbing.

Yahudi 9:26

Naa nɛɛ nɔngkɔ, Kirisi nɛ̀ɛ́ dàng jĩng tɔ, ka yuu zɔɔ, yuu zɔɔ, ɓu doo ɓɔɔ koo gaayu ɓɛɛ. A kaa tɔ̀ɔ́ nɔngkɔ kpang. Kirisi nwang nyaa kaa doo gbete kak, paasɛ takpang, ka wee koo waa nyaa kaa tɔ ɓee, nɛɛ tɔ̀ɔ, wu kɔsɔ vuu shi kpang nɛɛ yuu ɓiɓɛ ɓɔɔ wu a ɓɛɛ.

Yahudi 9:7

A ɓi kaa kpanti zang ɓɔɔ ri dɔɔ vuu ka Gãa Laa kɔ daa yeti nɔng ɓɔɔ tĩng ka bm, ti daa ɓi doo gbete kɔ nwani ka saa gbete. Daa naa waati kpang, tuu zĩi vuu vaa ɓɔɔ zang yee ɓɛɛ ka naa ning, ɓɔɔ wu a Laa ka ruu vuu shi kpang ɓiɓɛ nɛɛ ka ruu rɛɛ vuu shi kpang zang, ɓɔɔ zang palɛ, ri zi kpang ɓɛɛ.

Yahudi 9:9

Zang tusu ɓi zang koo jaa knti vuu nɛɛ vuu keɓe. Zang tusu ri nɛɛ vuu ɓɔɔ zang a Laa, nɛɛ vuu ɓɔɔ zang dɔɔ ɓɛɛ, shingnɛ rɛ̃rɛnang zang ɓɔɔ ri bang Laa, wu nwang tɔ̃ɔ kpang.

1 Bituru 1:19

Ta yuu manɛ ɓi nɛɛ zĩi bii ɓiɓɛ ɓɔɔ ɓa vuu piti katɔ ɓɛɛ. Yeesɔ Kirisi nwàng naa jaa mɛ̀ɛrɛ́ ɓɔɔ zang zɔ̃ngnɛ nɛɛ zang dɔ̀ɔ́ Laa ɓɛɛ. Ɓi zang tɔ̃ɔ, shi kpang ɓi kagn bii ɓiɓɛ kpang.

1 Bituru 2:22

Yeesɔ Kirisi pálɛ́ vuu shi kpang ɓɔɔ kagn kpang tingkiring, sèé ti nwang gngn nɛɛ nyaa ɓiɓɛ kpang.

1 Bituru 2:24

Yeesɔ ta vuu shi kpang ɓuru ɓɔɔ ruu palɛ ɓɛɛ ka yuu ɓiɓɛ, ka ɓɔɔ zang ɓaa wu naa ka laa ɓɛɛ. Nɛɛ tɔ̀ɔ, ruu yi tĩng tɔ̀ɔ́ nɛɛ vuu shi kpang palɛnang kpang. Ruu nwángnɛ́ ruu pálɛ́ kaa vuu tɔ̃ɔ. Kɔnang ɓuru valɛ tɔ nandon, ka ruu nyaa vuu waa ɓɔɔ zang shĩili wu ka bii ɓɛɛ.

1 Bituru 3:18

Yeesɔ Kirisi nɛɛ yuu ɓiɓɛ dàng jĩng, ka ruu vuu shi kpang ɓuru a hangsɛ shonang keɓe doo gbete. Zang ɓɔɔ ɓi zang tɔ̃ɔ ka tĩng Laa, vɔ ka ruu zang ɓɔɔ ri palɛ ɓarɛ vuu ɓɔɔ daa bii kpang ɓɛɛ. Nɛɛ tɔ̀ɔ, wu atɛ ruu ka bii Laa. Zang ri nyɔ wu vɔrɔ, a Laa wisi wu paa nɛɛ sàa tɔkn.

1 Bituru 4:2

Vuu ɓɔɔ yi nɛɛ lɛɛkɔ, nɔɔ pálɛ̀ manɛ vuu ɓɔɔ Laa kasɛ ɓɛɛ, wu vuu ɓɔɔ bii shɔnzang kasɛ ɓɛɛ kpang.

1 Yɔhana 1:7

Ruu nɛɛ nwang ka nɔng ɓɔɔ yakɛ katɔ naa wukɔ, ruu nwang katɔ nyaa zɔɔ tɔ̃ɔ tɔ̃ɔ. Zĩi Jaa ɓiɓɛ Yeesɔ sɔɔ ruu vuu shi kpang ɓuru katɔ nandon.

1 Yɔhana 3:5

Nɔɔ zi tɔ nɛɛ, Yeesɔ arɛ nɛɛ wu naa kɔ̃̀sɔ́ zang vuu shi kpang. Vuu shi kpang ɓi kagn bii ɓiɓɛ kpang.

Vuu ɓɔɔ zang nwangsɛ Yɔhana 1:5

Yeesɔ Kirisi ɓɔɔ kɔ̀ɔ́ ɓi ruu ɓɔɔ niizang diki diki ɓɛɛ, ɓɔɔ Laa wisi wukɔ paa shɔɔnang nɛɛ sàa, a wukɔ ti nwang kpanti ka yuu rɛɛ kpanti ɓɔɔ ka koo keɓe, wu palɛ nɔɔ tɔ̃ɔ jong, wu ti shingnɛ yeti manɛ wu valɛ katɔ. Yeesɔ ɓɔɔ kasɛ ruu katɔ, a vɔ ka ruu ɓuru nɛɛ, tɔ̀ɔ, zĩi ɓiɓɛ wu ta ruu kaa nɛɛ naa vuu shi kpang ɓɔɔ ruu palɛ ɓɛɛ.