Yahudi 8:1 - Nyaa Shɔɔ Ɓɔɔ Laa a Ɓɛɛ

¹ Gbãng gbãng ruu ɓɔɔ ruu kɔɔrɔ ɓɛɛ keɓe. Kpanti zang ɓɔɔ ri dɔɔ Laa vuu, ɓɔɔ ɓuru kagn naa weɓe, ɓɔɔ nwang ka nakn laa nwannang Kpanti Laa ɓɔɔ bannang piti ɓi ɓɔɔ ɓiɓɛ ɓɛɛ, ka lapa.

Yahudi 8:1 ပူးပေါင်းရင်းမြစ်များ

Maraku 16:19

Kpanti Yeesɔ hangsɛ ri nyaa yee rannang tɔ, Laa tuu wu kaa ningkãari daa nɔng ka lapa. A daa nwáng ka naa nakn Kpanti Laa.

Afisa 6:20

Zang shong m ka ruu Ruu Tɔ̃ɔ keɓe kɔ, a zang mã m ka sãa. Ka ruu nɔngkɔ, nɔɔ gaa m Laa, wu shingnɛ, n rang yee keɓe naa ɓɔɔ n kasɛ ɓɛɛ, n kaa vɔrɔ kpang.

Kolosi 3:1

Wee zang wisi nɔɔ paa tɔ nɛɛ Yeesɔ Kirisi ɓee, nɔɔ shing jĩng manɛ kaa rɛɛ vuu ɓɔɔ ka lapa ɓɛɛ. Ka nɔng ɓɔɔ Kirisi nwàng kagn ka nakn Laa ɓɛɛ.

Yahudi 1:13

Laa kɔɔ zang nyaa shonang ɓiɓɛ ɓɔɔ ri ka lapa gbete gngn kpang nɛɛ, “Nwang ka nakn mɛɛ ka gbongkarɛ. Ń risi zang ɓɔɔ ri shing jĩng nɛɛ mɔɔ kpang, ri nwang laa ɓɔɔ mɔɔ naa doo kagn ɓɛɛ,” kpang.

Yahudi 1:3

Jaa keɓe, nɔng yakɛnang bannang Laa kagn bii ɓiɓɛ. Rùu ti zi naa ɓɔɔ Laa nwàng ɓɛɛ, ka bii ɓiɓɛ kɔ dɔ̃ɔ gbete. Wukɔ ti yiti koo nɛɛ naa vuu palɛnang ruu ɓiɓɛ. Ka knti ɓɔɔ wu sɔɔ zang vuu shi kpang ɓarɛ tɔ, daa nwàng ka nɔng nwannang ɓiɓɛ ka lapa, ka nakn Laa ɓɔɔ ɓa zang piti katɔ ɓɛɛ.

Yahudi 10:12

A ka ɓɔɔ Kirisi, a Laa yuu ɓiɓɛ tɔ doo gbete ɓɔɔ dòndòng ka ruu rɛɛ vuu shi kpang, nwang tɔ ka nakn Laa.

Yahudi 12:2

Ruu shing nɔɔ jĩng ka bii Yeesɔ ɓɔɔ wukɔ tusu ruu naa ɓɔɔ ruu shing danggn, ti shingnɛ danggn shinnang ɓuru wu nwang nyaa kiiri ɓɛɛ. Zang ɓɔɔ, ka ruu tĩnang ɓɔɔ Laa naa a wu ka tĩng, mã danggn ka ɓɔɔ zang ɓaa wu naa ka laa ɓɛɛ. Yee laa ka yusɛ̃ɛ náa ɓɔɔ zang ɓaa wu ɓɛɛ kpang, a daa nwàng ka nakn laa nwannang Kpanti Laa.

Yahudi 2:17

Ka ruu nɔngkɔ, wu nwang naa rɛɛ ɓeezung kɔ gbãng gbãng ka vuu piti, tɔ̀ɔ, wu nwang kpanti zang ɓɔɔ ri dɔɔ vuu ka Gãa Laa kati. Ɓɔɔ gn zang kɔng wu katɔ, a ti zang ɓɔɔ zang shing gn katɔ ka bii ɓiɓɛ ɓɛɛ, ka shonang ɓɔɔ wu pàlɛ́ Laa ɓiɓɛ ɓɛɛ. Tɔ̀ɔ, wu a zang yuu ɓiɓɛ, zang nyɔ wu vɔrɔ, vuu keɓe wu shingnɛ, Laa wu kɔsɔ zang vuu shi kpang ɓarɛ kati.

Yahudi 3:1

Ka ruu nɔngkɔ, rɛɛ manzung ɓɔɔ nɔɔ doo zang Laa kɔ ɓɛɛ, ɓɔɔ Laa ɓáa nɔɔ nyaa tɔ jong ɓɛɛ. Nɔɔ shing rɛ̃rɛnang manɛ ka bii Yeesɔ, ɓɔɔ wukɔ zang shonang nɛɛ kpanti zang ɓɔɔ ri dɔɔ vuu ka Gãa Laa ɓɔ̀ɔ́ danggn kɔ ruu shing ɓee.

Yahudi 4:14

Wee kpanti zang ɓɔɔ ri dɔɔ vuu ka gãa Laa, ɓɔɔ ɓuru kagn, ɓɔɔ zang a wu bannang dɔɔli ɓee. Kpanti keɓe wukɔ Yeesɔ Jaa Laa, ɓɔɔ daa tɔ ka lapa ɓee. Rúu yiti nɔɔ danggn, ɓɔɔ ruu shingnɛ, rùu kɔɔ zang ruu ka yuu ɓiɓɛ keɓe gbãng gbãng.

Vuu ɓɔɔ zang nwangsɛ Yɔhana 3:21

Zang ɓɔɔ nɛɛ shii gbãng gbãng, nɛɛ ɓa yuu vuu gãsɛnang, n kasɛ tɔ, wu naa nwang nɛɛ n, ka laa kpanti roonang mɛɛ. Naa ɓɔɔ n ɓa yuu vuu gãsɛnang ka tĩng, n naa nwàng nɛɛ Daa mɛɛ ka laa kpanti roonang ɓiɓɛ ɓɛɛ.