Yahudi 7:27 - Nyaa Shɔɔ Ɓɔɔ Laa a Ɓɛɛ

²⁷ Ɓi naa rɛɛ kpanti zang ɓɔɔ ri dɔɔ vuu ka Gãa Laa, ɓɔɔ kpang. Vuu ɓɔɔ kagn ɓɔɔ shing wu, wu dɔ́ɔ vuu diki diki, ka ruu vuu shi kpang ɓiɓɛ kɔ shɔɔnang, a wu ti naa dɔ́ɔ ka ruu vuu shi kpang zang ɓɛɛ kpang. Dɔ́ɔ vuu ɓi tɔ doo gbete kak, paasɛ takpang, ka ɓɔɔ wu a yuu ɓiɓɛ ɓɛɛ.

Yahudi 7:27 ပူးပေါင်းရင်းမြစ်များ

Rooma 6:10

Ka ɓɔɔ Yeesɔ vɔrɛ, vɔ doo gbete kak, ka ruu vuu shi kpang. A kãntang keɓe, nwàng kaa ningkãari ka Ruu Laa.

Afisa 2:22

Zang mãa nɔɔ kana jong ka bii ɓiɓɛ nɔng gbete, tɔ̀ɔ, nɔ́ɔ raa gãa ɓɔɔ Laa nwàng kagn nɛɛ bii Suru ɓiɓɛ ɓɛɛ.

Afisa 5:2

Nɔɔ nwáng nwannang zɔɔ kasɛnang, naa ɓɔɔ Yeesɔ Kirisi kasɛ ruu ɓuru, a á yuu ɓiɓɛ nɛɛ zang nyɔ wu vɔrɔ ka ruu ɓuru ɓɛɛ. Suru bii ɓiɓɛ keɓe, ɓɔɔ wu a Laa, nwang kaa naa vuu ɓɔɔ á sɛ̃ɛ tɔ̃ɔ, ɓɔɔ zang dɔ̀ɔ́ Laa, a shingnɛ Laa tãa tĩnang ɓɛɛ.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

Yahudi 5:1

Zang zɔ̃́ng kpanti zang ɓɔɔ ri dɔɔ vuu ka Gãa Laa ɓu, ka teteng rɛɛ shɔnzang. Ri shing wu nɛɛ wu pàlɛ̀ Laa shonang ka nung ɓarɛ, wu ti dɔ̀ɔ Laa vuu, tɔ̀ɔ, Laa wu kɔsɔ zang vuu shi kpang ɓarɛ kati.

Yahudi 5:3

Ka ruu nɔngkɔ, dɔ̀ɔrɔ́ vuu ka Gãa Laa, ka ruu vuu shi kpang ɓiɓɛ, nɛɛ vuu shi kpang zang dɔɔli.

Yahudi 8:4

Naa Yeesɔ nɛ̀ɛ́ ka koo, nɛɛ nwàng zang ɓɔɔ dɔ̀ɔ Laa vuu kpang tingkiring, ka ruu ɓɔɔ, zang ɓɔɔ ri kagn, ɓɔɔ ri a Laa vuu naa ɓɔɔ nyaa dannang zang Yahudi kɔɔyi ɓɛɛ.

Yahudi 9:12

Kirisi daa yeti nɔng ɓɔɔ shi kpang kagn kpang keɓe doo gbete kak, paasɛ kpang. Ti daa ɓi nɛɛ zĩi rɛɛ jàa nɛɛ napo kpang, daa ɓi nɛɛ zĩi bìí ɓiɓɛ. A ta yuu ɓuru kaa gbinggbing.

Yahudi 9:14

Zĩi Kirisi palɛ vuu ɓɔɔ ɓa weɓe kpang ya? Kirisi ɓɔɔ shi kpang ka bii kpang, a Laa yuu ɓiɓɛ nɛɛ naa vuu palɛnang Suru Laa ɓɔɔ nwang ɓi dòndòng ɓɛɛ. Zĩi ɓiɓɛ shing katɔ rɛ̃rɛnang ɓɔɔ nɔɔ rɛ̃rɛ ka yuu vuu shi kpang palɛnang, wu nwang tɔ̃ɔ, tɔ̀ɔ, ruu pàlɛ̀ Laa ɓɔɔ ɓi ningkãari shonang kati.

Yahudi 9:25

Ti daa wu ka lapa nɛɛ tɔɔ wu daa a Laa yuu ɓiɓɛ tɔkn kpãngkpãng kpang. Naa ɓɔɔ kpanti zang ɓɔɔ ri dɔɔ vuu ka Gãa Laa, palɛ ka saa saa ɓɛɛ. Dàá ka nɔng ɓɔɔ shi kpang kagn kpang, ɓɔɔ ka yeti Gãa Laa ɓɛɛ, nɛɛ zĩi ɓɔɔ ɓi ɓɔɔ ɓiɓɛ kpang ɓɛɛ.

Yahudi 9:26

Naa nɛɛ nɔngkɔ, Kirisi nɛ̀ɛ́ dàng jĩng tɔ, ka yuu zɔɔ, yuu zɔɔ, ɓu doo ɓɔɔ koo gaayu ɓɛɛ. A kaa tɔ̀ɔ́ nɔngkɔ kpang. Kirisi nwang nyaa kaa doo gbete kak, paasɛ takpang, ka wee koo waa nyaa kaa tɔ ɓee, nɛɛ tɔ̀ɔ, wu kɔsɔ vuu shi kpang nɛɛ yuu ɓiɓɛ ɓɔɔ wu a ɓɛɛ.

Yahudi 9:28

Kirisi dòo nɔngkɔ, á zang yuu ɓiɓɛ nɛɛ zang nyɔ wu vɔrɔ doo gbete kak, nɛɛ tɔ̀ɔ, wu kɔsɔ zang dɔɔli vuu shi kpang ɓarɛ kati. Nwang nyaa ditɔ tɔkn, daa kaa doo ziti. Wu ka ruu ɓɔɔ wu naa kɔsɔ zang vuu shi kpang ɓarɛ kpang, nɛɛ tɔɔ wu ta ɓi kaa yuu zang ɓɔɔ ri gã wu ɓɛɛ.

Yahudi 9:7

A ɓi kaa kpanti zang ɓɔɔ ri dɔɔ vuu ka Gãa Laa kɔ daa yeti nɔng ɓɔɔ tĩng ka bm, ti daa ɓi doo gbete kɔ nwani ka saa gbete. Daa naa waati kpang, tuu zĩi vuu vaa ɓɔɔ zang yee ɓɛɛ ka naa ning, ɓɔɔ wu a Laa ka ruu vuu shi kpang ɓiɓɛ nɛɛ ka ruu rɛɛ vuu shi kpang zang, ɓɔɔ zang palɛ, ri zi kpang ɓɛɛ.