Yahudi 7:25 - Nyaa Shɔɔ Ɓɔɔ Laa a Ɓɛɛ

²⁵ Ka ruu nɔngkɔ, zunung katɔ, wu ta yuu zang ɓɔɔ ri a ka bii Laa nɛɛ bii ɓiɓɛ katɔ, ka laa kiya piti. Ka ruu ɓɔɔ, wu ɓi ningkãari, diki diki bakɛ Laa ka ruu ɓarɛ ɓɛɛ.

Yahudi 7:25 ပူးပေါင်းရင်းမြစ်များ

Yɔhana 14:13

N ti pàlɛ́ nɔɔ vuu piti ɓɔɔ nɔɔ gàá nɛɛ nung mɛɛ katɔ, tɔ̀ɔ, zang a Daa bannang kati ka ruu Jaa.

Yɔhana 14:16

N ti gàá Daa, wu a nɔɔ zang ɓɔɔ naa yi nɔɔ naa ka bii ɓɔɔgn wu naa nwang nɛɛ nɔɔ dòndòng.

Yɔhana 14:6

Yeesɔ kɔɔ wu tɔɔ, “Nkɔ gbalang, nkɔ niizang, nkɔ suru bii. Zang ɓɔɔ nɛɛ tɔɔ wu daa bii Daa, sɔɔ nɛɛ bii mɛɛ kɔ gbete.

Rooma 5:10

Ka ɓɔɔ bɛ̀ɛ́ ruu shing jĩng gn nɛɛ Laa kpang, Laa shingnɛ ruu nwáng nɛɛ wu ka nyaa zɔɔ ka ruu Jaa ɓiɓɛ ɓɔɔ vɔ ka ruu ɓuru ɓɛɛ. Wee ruu nwang tɔ ka nyaa zɔɔ nɛɛ Laa ɓee, Jaa ɓiɓɛ ta yuu ɓuru katɔ, ka ruu ɓɔɔ, nwàng ɓi ningkãari ɓɛɛ.

Rooma 5:2

Laa pàlɛ̀ ruu tɔ̃ɔ kɔ̀ rùu kagn ɓee, nɛɛ bii ɓiɓɛ kɔ, ka ruu danggn ɓɔɔ ruu shing ɓɛɛ. Ka ruu nɔngkɔ, ruu tãa tĩnang ka wee ruu shing jĩng ka tĩng, nɛɛ Laa naa a ruu bannang ɓiɓɛ jong ɓee.

Rooma 8:34

Ɓu wi dɔ̌ng ri ruu wiya? Ɓi Yeesɔ Kirisi ɓɔɔ vɔrɛ, Laa wisi wu paa nɛɛ saa. Nwang ka nakn Laa. Wukɔ ti bàkɛ́ Laa ka ruu ɓuru.

1 Koranti 1:21

Laa ɓɔɔ zũng dɔɔli ɓɛɛ, kasɛ kpang nɛɛ zang koo ri zi wu nung nɛɛ zũnang ɓarɛ kpang. Nɛɛ wu ta yuu zang ɓɔɔ ri shing danggn tɔ ɓɛɛ kɔ jong, nɛɛ ruu kɔ ruu rangnɛ, a zang risi naa nyaa shoko ɓee.

Afisa 2:18

Nɛɛ bii Yeesɔ Kirisi, ruu nandon ruu walɛ gbalang anang ka tĩng Daa nɛɛ bii Suru gbete keɓe.

Afisa 3:12

Ka yuu ɓɔɔ ruu ɓakɛ nɛɛ wu, a ɓɔɔ danggn ɓɔɔ ruu shing ka bii ɓiɓɛ, ruu daa katɔ ka tĩng Laa, bii zaa ruu kpang. Zang ɓɔɔ ti zãa ruu kpang.

Afisa 3:20

Zang wu dɔɔ Laa ɓɔɔ zunung ɓɔɔ wu pàlɛ́ ruu vuu ɓa ɓɔɔ ruu gaa wu, a ruu ti rɛ̃rɛ katɔ ɓɛɛ. Pálɛ̀ nɛɛ bii naa vuu palɛnang ɓiɓɛ, ɓɔɔ ruu palɛ shonang nɛɛ mani ɓɛɛ.

Filipi 3:21

Nɛɛ a tɔ, naa palɛ shonang nɛɛ naa vuu palɛnang bang ɓiɓɛ ɓɔɔ shing zang piti ri palɛ vuu ka naa ɓɔɔ wu kasɛ ɓɛɛ. Naa kɔ̃̀sɔ́ bii ɓuru ɓɔɔ lakɛ naa ka bii kpang, ti vɔ katɔ keɓe, wu nwang kaa naa bii ɓiɓɛ ɓɔɔ bannang kagn ɓɛɛ.

1 Timoti 2:5

Laa ɓi gbete kɔ nwani, a zang ɓɔɔ shɛ̃ɛ ka teteng Laa nɛɛ zang piti ɓi doo gbete kɔ. Zang keɓe wukɔ Yeesɔ Kirisi.

2 Timoti 1:12

N dang jĩng ka ruu rɛɛ vuu keɓe kɔ. A n yaa gn naa m gn kpang tingkiring, ka ruu ɓɔɔ, n zi zang ɓɔɔ n shing danggn ka bii ɓiɓɛ tɔ ɓɛɛ. A n ti zi m tɔ nɛɛ, zunung ɓɔɔ wu yìtí m vuu ɓɔɔ wu a m ka naa tɔ, diki ɓɔɔ koo waa nyaa wu a nɛɛ mani.

Yahudi 11:6

Naa zang shing danggn ka bii Laa kpang, zang pálɛ̀ vuu ɓɔɔ Laa tãa tĩnang zang kpang. Ka ruu ɓɔɔ, zang piti ɓɔɔ a ka bii Laa, wu shíng danggn katɔ nɛɛ Laa kagn, wu ti shing danggn nɛɛ Laa a zang ɓɔɔ ri kãa wu vuu katɔ.

Yahudi 13:15

Rúu dɔ̀ɔ nɔɔ Laa diki diki nɛɛ bii Yeesɔ. Naa ruu dɔ̀ɔ́ Laa, nwang ɓi kaa vuu ɓɔɔ ruu dɔ̀ɔ́ wu ka waa ɓɛɛ. Wee ɓi kaa vuu ɓɔɔ koo nyaa ɓuru a wu ɓɛɛ kɔ, ka ɓɔɔ ruu kɔɔyi nɛɛ wukɔ Kpanti ɓɛɛ.

Yahudi 2:18

A wee Yeesɔ nɛɛ yuu ɓiɓɛ dang jĩng tɔ, a zang ti gãsɛ wu tɔ ɓee, zunung ɓɔɔ wu yi zang ɓɔɔ zang gã̀sɛ́ ri kãntang naa katɔ ka bii.

Yahudi 2:9

A ruu zirɛ, Yeesɔ ɓɔɔ zang shíng wu zang nyaa shonang Laa ɓɔɔ ri ka lapa ri ɓá wu, a diki bee kaa takpang ɓee, zang a wu bannang nɛɛ dɔɔnang ka ruu jĩng ɓɔɔ wu dangnɛ a vɔrɛ ɓɛɛ. Vuu keɓe piti ɓi ka ruu tɔ̃ɔ ɓɔɔ Laa palɛ zang ɓɛɛ, shingnɛ Yeesɔ tãa naa ɓɔɔ vɔrɔ nwang ɓɛɛ ka nung zang piti.

Yahudi 5:7

Ka diki ɓɔɔ Yeesɔ nwáng ka koo keɓe, rangkɛ yee nɛɛ Laa a gaarɛ wu, mɛɛ nyaa ka lapa nɛɛ miiri ka jĩng. Gaa Laa ɓɔɔ zunung ɓɔɔ ta yuu ɓiɓɛ katɔ, wu vɔ kpang ɓɛɛ. A Laa tãa wu ka ɓɔɔ wisi wu paa nɛɛ saa ɓɛɛ, ka ruu ɓɔɔ, tuu yuu ɓiɓɛ kpang, a ti a Laa yuu ɓiɓɛ katɔ ɓɛɛ.

Yahudi 7:16

Nwang tɔ zang ɓɔɔ dɔɔ Laa vuu ka Gãa Laa, wu ka doo vuu ɓɔɔ shɔnzang ri tusu ɓɛɛ kpang, ɓi ka doo naa vuu palɛnang suru bii ɓiɓɛ ɓɔɔ waa nyaa kpang ɓɛɛ.

Yahudi 7:19

Ka ruu ɓɔɔ, nyaa dannang Musa shing vuu ɓɔɔ ɓi jong wu nwang nyaa kiiri kpang ɓɛɛ. A kãntang keɓe, Laa atɛ vuu ɓɔɔ waasɛ̃ tɔ, ɓɔɔ ri shíng gn kagn ɓɛɛ, tɔ̀ɔ, ruu a kaa bii ɓiɓɛ naabm.

Yahudi 7:24

A ka ruu ɓɔɔ Yeesɔ nwang ɓi ningkãari dòndòng, nwang zang ɓɔɔ dɔɔ vuu ka Gãa Laa ɓi gbinggbing.

Yahudi 7:8

Zang Leevi ɓɔɔ ri ta vuu vàa gbete keɓe, ri ɓarɛ shɔnzang ɓɔɔ ri vɔ̀lɔ́ katɔ ɓɛɛ. A Malakisadak ɓɔɔ ta vuu vàa gbete, ɓi zang ɓɔɔ ɓi doo ningkãari, naa ɓɔɔ labeenang Laa kɔɔyi ɓɛɛ.

Yahudi 9:24

Kirisi dàa ka yeti putali ɓɔɔ shɔnzang palɛ nɛɛ naa, ɓɔɔ ɓi jasuru ɓɔɔ niizang ɓɛɛ kpang. Daa ɓi ka lapa dɔ̃ɔ gbete, nɔng ɓɔɔ wu shii kagn, ka tĩng Laa, ka nung ɓuru ɓɛɛ.

Yahuza 1:24

Zang wu a Laa bannang. Laa ɓɔɔ zunung ɓɔɔ wu yiti nɔɔ, nɔɔ yaa gbalang ɓiɓɛ kpang ɓɛɛ. Wu atɛ nɔɔ ka tĩng ɓiɓɛ, shi kpang kagn ka bii manɛ kpang, a nɔɔ ti tãa tĩnang ɓɛɛ.