Yahudi 7:22 - Nyaa Shɔɔ Ɓɔɔ Laa a Ɓɛɛ

²² Ka ruu vuu kɔ Laa tũng ɓee kɔ, Yeesɔ nwang kaa zang ɓɔɔ shingnɛ Laa mã ruu nyaa ɓɔɔ ɓa ɓɔɔ tĩng katɔ ɓɛɛ.

Yahudi 7:22 ပူးပေါင်းရင်းမြစ်များ

Matiyu 26:28

Wee zĩi mɛɛ ɓɔɔ naa tusu zang nɛɛ nyaa shɔɔ ɓɔɔ Laa kɔɔ zang, naa nwang kaa niizang ɓɛɛ. Zĩi mɛɛ ɓɔɔ n tɛ̃ɛ ka ruu zang dɔɔli, nɛɛ tɔ̀ɔ Laa wu kɔsɔ ri vuu shi kpang ɓarɛ kati ɓɛɛ.

Maraku 14:24

A Yeesɔ kɔɔ ri tɔɔ, “Wee zĩi mɛɛ ɓɔɔ naa tusu nɛɛ, nyaa shɔɔ ɓɔɔ Laa a zang naa nwang kaa niizang ɓɛɛ kɔ. Zĩi mɛɛ ɓɔɔ zang naa tɛ̃ɛ ka ruu zang dɔɔli ɓɛɛ.

Luka 22:20

Ɓɔɔ ri hangsɛ vuu shaanang, a tuu juwa ɓɔɔ mii inabi kagn naa ɓaasi ɓɛɛ tɔɔ, “Juwa keɓe, ɓi nyaa shɔɔ ɓɔɔ Laa a ɓɛɛ. Ɓi zĩi mɛɛ ɓɔɔ n naa tɛ̃ɛyi kɔ naa hansɛ nyaa shɔɔ keɓe.

1 Koranti 11:25

Zang shaa borodi tɔ, a Kpanti Yeesɔ ti tuu juwa ɓɔɔ mii inabi kagn doo nɔngkɔ, a kɔɔyi tɔɔ, “Wee juwa ɓɔɔ naa tusu zang nɛɛ Laa mã nyaa shɔɔ tɔ, nɛɛ nɔɔ, nɛɛ zĩi mɛɛ ɓɛɛ. Nɔɔ pálɛ́ nɔngkɔ, ka diki ɓɔɔ nɔɔ ɓoo ɓɛɛ, tɔ̀ɔ, nɔɔ kpaa danggn mɛɛ kaa gn.”

Yahudi 12:24

A ɓɔɔ ka bii Yeesɔ ɓɔɔ wukɔ shii ka teteng ɓuru nɛɛ Laa, ka nyaa shɔɔ kɔ Laa mã nɛɛ ruu ɓee. A nɔɔ ti a ka nɔng zĩi ɓɔɔ zang ɓisi katɔ, kaa nyavɔ, kɔɔ vuu tɔ̃ɔ, ɓa zĩi Habila katɔ ɓɛɛ.

Yahudi 13:20

N gaa Laa ɓɔɔ shingnɛ, zang nwáng ka nyaa zɔɔ, ɓɔɔ wisi Kpanti ɓuru Yeesɔ paa tɔkn nɛɛ sàa ɓɛɛ. Yeesɔ ɓɔɔ wukɔ kpanti jagãng mɛ̀ɛrɛ́ ɓɛɛ, ka ruu zĩi ɓiɓɛ ɓɔɔ Laa mã nyaa ɓɔɔ gbinggbing nɛɛ mani ɓɛɛ.

Yahudi 7:23

Rɛɛ zang ɓɔɔ ri dɔɔ vuu ka Gãa Laa, ri ɓarɛ dɔɔli, ka ruu ɓɔɔ vɔrɔ zãa ri nwannang katɔ, ri dɔɔ Laa vuu dòndòng kpang.

Yahudi 8:13

Ka ɓɔɔ Laa rang yee, ka yuu nyaa shɔɔ keɓe, risi ɓɔɔ tĩng shɔɔnang nwàng kaa ɓɔɔ gbaala. Vuu ɓɔɔ nɛɛ ri gbaala tɔ, nɛɛ kpɛ̃ɛ kana, bɛ̀ɛ́ ning ɓi kaa tɔ.