Yahudi 7:19 - Nyaa Shɔɔ Ɓɔɔ Laa a Ɓɛɛ

¹⁹ Ka ruu ɓɔɔ, nyaa dannang Musa shing vuu ɓɔɔ ɓi jong wu nwang nyaa kiiri kpang ɓɛɛ. A kãntang keɓe, Laa atɛ vuu ɓɔɔ waasɛ̃ tɔ, ɓɔɔ ri shíng gn kagn ɓɛɛ, tɔ̀ɔ, ruu a kaa bii ɓiɓɛ naabm.

Yahudi 7:19 ပူးပေါင်းရင်းမြစ်များ

Yɔhana 1:17

Naa ɓɔɔ nyaa dannang Laa a nɛɛ bii Musa, tɔ̃ɔ palɛnang Laa, nɛɛ ruu ɓɔɔ niizang, a ɓi kaa nɛɛ bii Yeesɔ Kirisi.

Yɔhana 14:6

Yeesɔ kɔɔ wu tɔɔ, “Nkɔ gbalang, nkɔ niizang, nkɔ suru bii. Zang ɓɔɔ nɛɛ tɔɔ wu daa bii Daa, sɔɔ nɛɛ bii mɛɛ kɔ gbete.

Zang Shonang Yeesɔ 13:39

Zang ɓɔɔ nɛɛ shing danggn ka bii Yeesɔ keɓe, nwang zang tɔ̃ɔ ka tĩng Laa. Nɔɔ nwang zang tɔ̃ɔ ka yeti vuu piti ɓɔɔ bɛ̀ɛ́ nyaa dannang Musa risi nɔɔ, nɔ́ɔ nwang zang tɔ̃ɔ ka tĩng Laa kagn kpang ɓɛɛ.

Rooma 5:2

Laa pàlɛ̀ ruu tɔ̃ɔ kɔ̀ rùu kagn ɓee, nɛɛ bii ɓiɓɛ kɔ, ka ruu danggn ɓɔɔ ruu shing ɓɛɛ. Ka ruu nɔngkɔ, ruu tãa tĩnang ka wee ruu shing jĩng ka tĩng, nɛɛ Laa naa a ruu bannang ɓiɓɛ jong ɓee.

Rooma 7:7

Ruu kɔɔ ɓu kaa nɛɛ viya? Nɛɛ nyaa ɓɔɔ Laa dangnɛ vuu shi kpang ya? Kpang. Nyaa ɓɔɔ Laa dangnɛ kɔ tùsù m vuu ɓɔɔ zang ɓaa nɛɛ vuu shi kpang palɛnang ɓɛɛ. N nɛ̀ɛ́ zi vuu ɓɔɔ zang ɓaa nɛɛ zang shing jĩng ka vuu zang kpang, naa Laa nɛɛ dang nyaa nɛɛ, “Zang wu shing jĩng ka vuu zang kpang,” kpang ɓɛɛ.

Rooma 8:3

Vuu ɓɔɔ nyaa dannang Laa zunung palɛnang kpang, ka ruu ɓɔɔ, bii shɔnzang lakɛ naa bii kpang, Laa palɛ tɔ. Laa ningsi vuu shi kpang ka bii shɔnzang, ka ɓɔɔ wu shong nyaa nɛɛ Jaa ɓiɓɛ ɓɔɔ arɛ, tuu bii naa bii shɔnzang ɓɔɔ palɛ vuu shi kpang ɓɛɛ.

Galati 2:16

Naa dòo nɔngkɔ, ruu zi ɓuru tɔ nɛɛ shɔnzang nwáng zang tɔ̃ɔ ka tĩng Laa ka ruu danggn ɓɔɔ wu shing ka bii Yeesɔ Kirisi kɔ shɛ̃ɛning, wu ka ruu ɓɔɔ zang keɓe palɛ vuu ɓɔɔ nyaa dannang kasɛ ɓɛɛ kpang. Ruu shing danggn tɔ jong ka bii Yeesɔ Kirisi, tɔ̀ɔ, ruu nwang zang tɔ̃ɔ ka tĩng Laa nɛɛ bii danggn ɓɔɔ ruu shing ka bii Kirisi ɓɛɛ. Wu ka ruu ɓɔɔ, ruu palɛ vuu ɓɔɔ nyaa dannang kasɛ ɓɛɛ kpang. Ka ruu ɓɔɔ, zang nwàng zang tɔ̃ɔ ɓi jong ka tĩng Laa, ka ɓɔɔ zang palɛ vuu ɓɔɔ nyaa dannang kasɛ ɓɛɛ kpang.

Galati 3:21

Wee nwang ɓu kaa naa nyaa ɓɔɔ Laa dangnɛ daa gbete nɛɛ, nyaa ɓɔɔ wu a ɓɛɛ kpang ya? Wu nɔngkɔ kpang tingkiring. Naa nyaa ɓɔɔ zang nɛɛ dang kagn ɓɔɔ a zang suru bii ɓɔɔ waa nyaa kpang, shɔnzang nɛɛ raa zang tɔ̃ɔ katɔ ka tĩng Laa nɛɛ bii nyaa dannang keɓe.

Galati 3:24

Ka ruu nɔngkɔ, nyaa dannang kɔ yiti ruu sasak, tɔ̀ɔ, wu atɛ ruu ka bii Kirisi. Tɔɔ ruu nwang zang tɔ̃ɔ kati ka tĩng Laa, nɛɛ bii danggn ɓɔɔ ruu shing ɓɛɛ.

Afisa 3:12

Ka yuu ɓɔɔ ruu ɓakɛ nɛɛ wu, a ɓɔɔ danggn ɓɔɔ ruu shing ka bii ɓiɓɛ, ruu daa katɔ ka tĩng Laa, bii zaa ruu kpang. Zang ɓɔɔ ti zãa ruu kpang.

Kolosi 1:27

Vuu ɓɔɔ Laa mang ka yeti ɓiɓɛ keɓe, kasɛ nɛɛ wu nwàngsɛ̀ zang ɓiɓɛ vuu ɓɔɔ bɛ̀ɛ́ wu waasɛ katɔ ka teteng zang ɓɔɔ ri zi wu kpang ɓɛɛ. Vuu ɓɔɔ wu waasɛ katɔ, ɓɔɔ bannang kagn, ɓɔɔ wu shìng zang piti ɓɛɛ. Vuu ɓɔɔ wu waasɛ katɔ keɓe kɔɔyi nɛɛ, “Kirisi kagn yeti manɛ, ruu zi ka wukɔ nɛɛ Laa naa a nɔɔ bannang ɓiɓɛ katɔ.”

1 Timoti 1:1

Labeenang keɓe a nɛɛ bii mɛɛ Bulu, zang shonang Yeesɔ Kirisi. Laa ɓɔɔ wukɔ ta yuu ɓuru, nɛɛ Yeesɔ Kirisi ɓɔɔ ruu shing gn ka bii ɓiɓɛ, rikɔ zɔ̃ng m.

Yahudi 10:1

Nyaa dannang ɓi jasuru rɛɛ vuu tɔ̃ɔ ɓɔɔ naa alɛ, ɓi vuu bìí kɔ nɛɛ yuu ɓarɛ niizang kpang. Ka ruu nɔngkɔ, zunung naa ɓɔɔ shing zang ɓɔɔ ri a Laa bannang, ri nwang nyaa kiiri nɛɛ bii zɔ̃ng vuu gbete ɓɔɔ zang dɔɔ Laa, ɓɔɔ zang paasɛ ka saa saa ɓɛɛ kpang.

Yahudi 11:40

Laa mang vuu ɓɔɔ tɔ̃ɔ tɔ̃ɔ kagn, ɓɔɔ wu shing rùu jong kagn ɓɛɛ. Naa rùu kagn kpang, nwang nyaa kiiri kpàng.

Yahudi 11:6

Naa zang shing danggn ka bii Laa kpang, zang pálɛ̀ vuu ɓɔɔ Laa tãa tĩnang zang kpang. Ka ruu ɓɔɔ, zang piti ɓɔɔ a ka bii Laa, wu shíng danggn katɔ nɛɛ Laa kagn, wu ti shing danggn nɛɛ Laa a zang ɓɔɔ ri kãa wu vuu katɔ.

Yahudi 3:6

A Yeesɔ nwáng zang ɓɔɔ zang shing gn katɔ ka bii ɓiɓɛ ka Gãa Laa nandon, ka ruu ɓɔɔ, wu ɓi Jaa ɓɛɛ. Rukɔ Gãa keɓe, ruu nɛɛ yiti danggn ɓɔɔ ruu mãrɛ gbãng gbãng, nɛɛ gn ɓɔɔ ruu shingnɛ kɔ, ruu dɔɔ bii nɛɛ mani ɓee ɓɛɛ.

Yahudi 4:16

Ka ruu nɔngkɔ, rúu a ka bii Laa, ruu yaa gn naa kpang. Laa ɓɔɔ palɛ zang tɔ̃ɔ waati ɓɛɛ. Tɔ̀ɔ, gn ɓuru wu kɔng wu, wu ti palɛ ruu tɔ̃ɔ ɓɔɔ yi ruu naa ka bii, ka diki ɓɔɔ ruu kasɛ nɛɛ wu yi ruu naa ka bii ɓɛɛ.

Yahudi 6:18

Vuu keɓe ziti, vuu ɓɔɔ Laa tũng, nɛɛ nyaa ɓɔɔ wu a ɓɛɛ, ri kɔ̃sɔ kpang, a Laa ti suu sèé ka yuu ɓarɛ kpang. Ka ruu nɔngkɔ, rùu ɓɔɔ rùu yurɛ, ruu walɛ nɔng waanang, zang mã ruu danggn gbãng gbãng nɛɛ ruu yiti gn vuu ɓɔɔ zang shing ruu ka tĩng keɓe gbatagbata.

Yahudi 7:11

Laa a zang Isirela nyaa dannang ɓiɓɛ, ka ɓɔɔ bɛ̀ɛ́ zɔ̃ng Leevi rikɔ dɔɔ Laa vuu ka Gãa Laa ɓɛɛ. A shonang zɔ̃ng Leevi zunung ɓɔɔ kɔsɔ zang vuu shi kpang ɓɔɔ zang palɛ ɓɛɛ kaa takpang. Naa nɛ̀ɛ́ zunung katɔ, Laa nɛ̀ɛ́ shong Yeesɔ takpang. Yeesɔ ɓi zang ɓɔɔ dɔɔ vuu ka Gãa Laa naa Malakisadak, ɓi ka zɔ̃ng Haruna kpang.

Yahudi 7:20

Laa tũng vuu kagn. Ka ɓɔɔ zɔ̃ng zang Leevi ri nwang zang ɓɔɔ ri dɔɔ vuu ka Gãa Laa, zang tũng vuu kagn kpang.

Yahudi 7:25

Ka ruu nɔngkɔ, zunung katɔ, wu ta yuu zang ɓɔɔ ri a ka bii Laa nɛɛ bii ɓiɓɛ katɔ, ka laa kiya piti. Ka ruu ɓɔɔ, wu ɓi ningkãari, diki diki bakɛ Laa ka ruu ɓarɛ ɓɛɛ.

Yahudi 8:6

A shonang ɓɔɔ Yeesɔ ta keɓe, ɓa ɓɔɔ ɓarɛ ɓi katɔ, naa ɓɔɔ nyaa ɓɔɔ Yeesɔ shingnɛ Laa mã nɛɛ shɔnzang, ɓa nyaa ɓɔɔ gbaala katɔ ɓɛɛ. Ka ruu ɓɔɔ, nyaa ɓɔɔ Laa a ruu, atɛ zang vuu tɔ̃ɔ, ɓa nyaa gbaala ɓɔɔ wu mã keɓe katɔ ɓɛɛ.

Yahudi 9:9

Zang tusu ɓi zang koo jaa knti vuu nɛɛ vuu keɓe. Zang tusu ri nɛɛ vuu ɓɔɔ zang a Laa, nɛɛ vuu ɓɔɔ zang dɔɔ ɓɛɛ, shingnɛ rɛ̃rɛnang zang ɓɔɔ ri bang Laa, wu nwang tɔ̃ɔ kpang.

Yakubu 4:8

A ka bii Laa naabm, tɔɔ wu ti a jong ka bii ɓaaɓɛ naabm. Ɓɔɔ nɔɔ zang ɓɔɔ nɔɔ pálɛ̀ vuu shi kpang, nɔɔ yaa vuu shi kpang palɛnang ta. Nɔɔ ti kɔ̃sɔ yeti manɛ nɔɔ zang ɓɔɔ nɔɔ ta yeti ziti ɓɛɛ.