Yahudi 7:11 - Nyaa Shɔɔ Ɓɔɔ Laa a Ɓɛɛ

¹¹ Laa a zang Isirela nyaa dannang ɓiɓɛ, ka ɓɔɔ bɛ̀ɛ́ zɔ̃ng Leevi rikɔ dɔɔ Laa vuu ka Gãa Laa ɓɛɛ. A shonang zɔ̃ng Leevi zunung ɓɔɔ kɔsɔ zang vuu shi kpang ɓɔɔ zang palɛ ɓɛɛ kaa takpang. Naa nɛ̀ɛ́ zunung katɔ, Laa nɛ̀ɛ́ shong Yeesɔ takpang. Yeesɔ ɓi zang ɓɔɔ dɔɔ vuu ka Gãa Laa naa Malakisadak, ɓi ka zɔ̃ng Haruna kpang.

Yahudi 7:11 ပူးပေါင်းရင်းမြစ်များ

Galati 2:21

N bɛ̃ɛ tɔ̃ɔ ɓɔɔ Laa pàlɛ̀ m ɓɛɛ kpang. Naa shɔnzang nwang zang tɔ̃ɔ ka tĩng Laa nɛɛ bii nyaa dannang katɔ, nwang ɓi kaa naa ɓɔɔ Kirisi vɔ ɓi kaa dalɛ waati ɓɛɛ.

Galati 4:3

Rùu dòo nɔngkɔ, ka ɓɔɔ bɛ̀ɛ́ ruu zũng danggn gň ka vuu Suru Laa kpang, ruu nwang ɓuru jaafoo rɛɛ nyaa dannang ɓɔɔ shɔnzang ri tusu ɓɛɛ.

Galati 4:9

A kãntang keɓe nɔɔ zi Laa tɔ kati. N kɔɔ ɓu biya, Laa zi nɔɔ tɔ kati ɓee. Ka ruu vi, nɔɔ gbãayu ka rɛɛ nyaa dannang ɓɔɔ shɔnzang ri tusu, ɓɔɔ ri lakɛ naa ka bii kpang, a naa vuu palɛnang ɓarɛ ti kagn kpang, nɔɔ nwang jaafoo ɓarɛ tɔkn viya?

Yahudi 5:10

A Laa shing Yeesɔ nɛɛ wu nwang kpanti zang ɓɔɔ ri dɔɔ vuu ka Gãa Laa ɓɛɛ, naa ɓɔɔ Malakisadak nwáng ɓɛɛ.

Yahudi 5:6

A ti kɔɔ ka nɔng ɓɔɔ tɔkn nɛɛ, “Mɔɔ ɓaa zang ɓɔɔ dɔɔ vuu ka Gãa Laa dòndòng, naa ɓɔɔ Malakisadak nwáng ɓɛɛ.”

Yahudi 6:20

Nɔng ɓɔɔ Yeesɔ kɔ daa tĩng shɔɔnang, ka nung ɓɔɔ ruu nɛɛ dàa ɓɛɛ. Ka knti ɓɔɔ nwang kpanti zang ɓɔɔ ri dɔɔ vuu ka Gãa Laa tɔ dòndòng, naa ɓɔɔ Malakisadak nwang ɓɛɛ.

Yahudi 7:10

Ka ruu ɓɔɔ, ka ɓɔɔ Malakisadak kpisi Ibirayi yuu bɛ̀ɛ́ Leevi doo ka sãng dabang, dabang ɓiɓɛ Ibirayi ɓɛɛ.

Yahudi 7:12

Ka ruu ɓɔɔ, zang nɛɛ kɔ̃sɔ zɔ̃ng zang ɓɔɔ ri nwang zang ɓɔɔ ri dɔɔ vuu ka Gãa Laa tɔ, zang kɔ̃sɔ nyaa dannang kaa doo katɔ kɔ ɓɛɛ.

Yahudi 7:13

Yeesɔ kɔ zang kɔɔrɔ ruu keɓe ka yuu ɓiɓɛ ɓee, ɓi ka zɔ̃ng zang ɓɔɔgn. Zang gbete ka zɔ̃ng kaɓa dɔ̀ɔ Laa vuu ɓi gngn doo gbete kpang.

Yahudi 7:15

Vuu kɔ ruu kɔɔ ɓee, nwángsɛ́ bìí tɔ kaa biling tɔ̃ɔ tɔ̃ɔ, ka wee Yeesɔ ɓɔɔ dɔɔ Laa vuu, nwang nyaa tɔ, naa ɓɔɔ Malakisadak nwang ɓɛɛ.

Yahudi 7:21

A Yeesɔ nwang zang ɓɔɔ dɔɔ vuu ka Gãa Laa, ka ɓɔɔ Laa tũng vuu ɓɛɛ, Laa kɔɔ wu nɛɛ, “Kpanti Laa tũng vuu tɔ, kɔ̃sɔ yeti ɓiɓɛ takpang. ‘Mɔɔ ɓaa zang ɓɔɔ dɔɔ vuu ka Gãa Laa dòndòng.’ ”

Yahudi 8:7

Ka ruu ɓɔɔ, naa nyaa ɓɔɔ Laa mã tĩng shɔɔnang nɛ̀ɛ́ nyaa kiiri, Laa nɛɛ tɔɔ kpang nɛɛ wu mã nyaa ɓɔɔgn kpang.

Yahudi 9:6

Zang nɛɛ shĩili vuu keɓe tɔ nandon naa weɓe, rɛɛ zang ɓɔɔ ri dɔɔ vuu ka Gãa Laa ri daarɛ kaa yeti putali ɓɔɔ biling, ri palɛ shonang ɓarɛ diki diki.