Yahudi 6:2 - Nyaa Shɔɔ Ɓɔɔ Laa a Ɓɛɛ

² Nɛɛ vuu tusunang, ka yuu batizima, nɛɛ naa shinnang ka yuu zang, nɛɛ naa ɓɔɔ zang wisi zang paa nɛɛ sàa ɓɛɛ, nɛɛ ɓɔɔ ruu ɓɔɔ Laa naa jɛ̃ɛ zang, ka ɓɔɔ koo naa waa nyaa ɓɛɛ.

Yahudi 6:2 ပူးပေါင်းရင်းမြစ်များ

Matiyu 28:19

Ka ruu nɔngkɔ, nɔɔ dita, nɔɔ daa kɔɔ zang tipi ɓɔɔ ka koo keɓe nandon ruu mɛɛ, tɔɔ, ri nwang zang ɓɔɔ ri dũng m kati. Nɔɔ ti palɛ ri batizima nɛɛ nung Daa mɛɛ Laa, nɛɛ ɓɔɔ mɛɛ Jaa ɓiɓɛ, nɛɛ ɓɔɔ Suru Laa.

Matiyu 3:14

A Yɔhana kasɛ nɛɛ wu pàlɛ̀ Yeesɔ batizima kaa takpang. A hɛ̃ɛ Yeesɔ tɔɔ, “Ɓɔɔ mɔkɔ nɛɛ pàlɛ́ m batizima jong, mɔɔ nɛɛ nkɔ n pàlɛ̀ mɔɔ jong ya?”

Maraku 16:16

Zang ɓɔɔ nɛɛ tarɛ, nɛɛ shing danggn katɔ, a zang nɛɛ palɛ wu batizima, wukɔ naa walɛ suru bii ɓɔɔ waa nyaa kpang ɓɛɛ. Zang ɓɔɔ nɛɛ ti tãayi, a shing danggn kpang, Laa naa jɛ̃ɛ wukɔ ruu.

Maraku 7:4

Ri nɛɛ gbãayu tɔ nɛɛ lumang, ri shaa vuu shaanang kpang, ri wili bii ɓarɛ ka gbongkarɛ naa ɓɔɔ daa ɓarɛ tùsù ri ɓɛɛ. Ri ti palɛ vuu ɓɔɔgn ɓɔɔ daa ɓarɛ tusu ri dɔɔli. Vuu ɓɔɔ naa rɛɛ waka nɛɛ ɓari nɛɛ gbanti sɔɔnang ɓɛɛ.)

Maraku 7:8

“Nɔɔ yaa nyaa ɓɔɔ Laa dangnɛ, nɔɔ dṹng nyaa ɓɔɔ shɔnzang dang ɓɛɛ.”

Luka 11:38

Yɔɔ Farisi mã naa ka danggn, ka ɓɔɔ wu zirɛ nɛɛ Yeesɔ sɔɔ naa ka gbongkarɛ, shaa vuu shaanang kpang ɓɛɛ.

Luka 12:50

Jĩng dannang naa ɓa m yuu naa ɓɔɔ zang hãa zang ka mii batizima ɓɛɛ.

Luka 14:14

Laa naa a mɔɔ tĩnang tãanang ditɔ, ka ruu ɓɔɔ, ri naa ɓàa mɔɔ nyaa ɓarɛ kpang ɓɛɛ. Laa naa shu mɔɔ ɓi kaa diki ɓɔɔ Laa naa wisi zang ɓɔɔ ri ɓaa shoo ka yee ɓiɓɛ paa nɛɛ saa ɓɛɛ.”

Luka 3:16

A Yɔhana kasɛ ri nyaa nandon tɔɔ, “N pàlɛ́ nɔɔ batizima m nɛɛ mii, zang ɓɔɔ naa a ka knti mɛɛ, ɓa m bannang katɔ. N daa naa ɓɔɔ n kãlɛ soo koodoo ɓiɓɛ kpang. Wukɔ naa pàlɛ́ nɔɔ batizima nɛɛ Suru Laa nɛɛ waa.

Yɔhana 1:33

N nɛɛ ti zi m kpang nɛɛ wukɔ kpang. Laa ɓɔɔ shɔng m nɛɛ n naa pàlɛ̀ zang batizima nɛɛ mii, wukɔ kɔɔ m tɔɔ, ‘Zang ɓɔɔ mɔɔ zirɛ Suru Laa arɛ naa nwàng ka yuu ɓiɓɛ, zang keɓe kɔ naa pàlɛ́ zang batizima nɛɛ Suru Laa.’

Yɔhana 5:29

Ri nwangkɛ, zang ɓɔɔ ri nɛɛ palɛ vuu tɔ̃ɔ, zang wisi ri paa ri walɛ suru bii. Zang ɓɔɔ ri nɛɛ palɛ vuu shi kpang, zang wisi ri paa, tɔ̀ɔ zang jɛ̃ɛ ri ruu ɓɛɛ.

Zang Shonang Yeesɔ 10:47

“Zang keɓe, Laa a ri Suru ɓiɓɛ tɔ, naa ɓɔɔ a ruu ɓɛɛ. Zang ɓɔɔ zãyi rùu palɛ ri batizima nɛɛ mii kpang kagn ya?”

Zang Shonang Yeesɔ 13:3

Ri seng nyaalaa tɔ, ri ti gaa Laa, a ri shĩili rɛɛ Shaawulu nɛɛ Baranaba naa kaa yuu, a zang lɔɔ ri nyaa kati nɛɛ ri dita.

Zang Shonang Yeesɔ 16:15

Zang palɛ wu batizima tɔ, nɛɛ zang ɓɔɔ ri ka gãa ɓiɓɛ, a gaa ruu nɛɛ, “Nɔɔ nɛɛ zi tɔ nɛɛ n zang ɓɔɔ shing danggn tɔ ka bii Laa, nɔɔ a ta ka gãa mɛɛ nɔɔ nwang ka nɔng.” Yi ruu tĩng ka bii, a ruu kasɛ kati.

Zang Shonang Yeesɔ 16:33

Zang ɓɔɔ gã sãa sèe ri dòo nɛɛ zĩi kɔ tantɛnang daa sɔɔ ri nɔɔrɔ. A ri palɛ wu batizima nɛɛ zang ɓɔɔ ri ka gãa ɓiɓɛ nandon.

Zang Shonang Yeesɔ 17:18

A zang ɓɔɔ ri dũng vuu ɓɔɔ Epikuru nɛɛ Sitoki ri túsú ɓɛɛ, ri ti a ka bii ɓiɓɛ. A zang ɓɔɔ ka teteng ɓarɛ ri kɔ̀ɔrɔ́ nɛɛ “Yɔɔ kɔ yìkí nyaa katɔ ɓee, naa kɔ̀ɔ́ ɓu viya?” Zang ɓɔɔ ri kɔɔyi nɛɛ, “Mɔɔ kɔɔ nɛɛ kɔ̀ɔ́ rúu ka yuu vuu gãnti ɓɔɔ ruu zi gngn kpang ɓɛɛ.” Ri kɔɔ ruu keɓe waati kpang, ka ruu ɓɔɔ bɛ̀ɛ́ Bulu kɔɔ ruu ka yuu Yeesɔ nɛɛ naa ɓɔɔ wu yupaa nɛɛ saa ɓɛɛ.

Zang Shonang Yeesɔ 2:38

Bituru kɔɔ ri tɔɔ, “Zang ɓu wu yaa vuu shi kpang ɓɔɔ wu palɛ ɓɛɛ ta, zang palɛ nɔɔ batizima nɛɛ nung Yeesɔ Kirisi, tɔ̀ɔ, Laa wu yaa nɔɔ gbalang vuu shi kpang manɛ ɓɔɔ dɔɔli ɓɛɛ kati. Tɔ̀ɔ, Laa wu a nɔɔ Suru ɓiɓɛ kati.

Zang Shonang Yeesɔ 2:41

Zang dɔɔli ri ta ruu ɓiɓɛ, a zang palɛ ri batizima. Ka diki kaɓa, zang ɓɔɔ gisi ka yuu zang ɓɔɔ ri shing danggn tɔ ka bii Laa ɓɛɛ ri daa nung zang labang taati katɔ.

Zang Shonang Yeesɔ 23:6

Bulu zirɛ nɛɛ zang ɓɔɔ ri jɛ̃ɛ ruu keɓe vaa ɓarɛ ziti. Nyaa dang gbete zang Saduki, nyaa dang gbete ɓi kaa rɛɛ Farisi. A mɛɛ nyaa ka nɔng ruu jɛ̃ɛnang tɔɔ, “Rɛɛ manzung, n zang Farisi, n ti jaa rɛɛ Farisi. Zang nɛɛ zang jɛ̃ɛ m ruu ka ruu danggn ɓɔɔ n shingnɛ nɛɛ zang nɛɛ vɔ tɔ zang naa seepaa ditɔ nɛɛ saa ɓɛɛ.”

Zang Shonang Yeesɔ 24:15

N ti shing danggn m doo nɔngkɔ, ka bii Laa, naa ɓɔɔ zang keɓe ri shing ɓɛɛ, nɛɛ zang tɔ̃ɔ, nɛɛ zang shi kpang, Laa naa wisi ri paa katɔ nɛɛ sàa.

Zang Shonang Yeesɔ 24:21

Ɓi ruu gbete ɓɔɔ n mɛ́ɛ nyaa ka teteng ɓarɛ n kɔɔyi nɛɛ, ‘Zang ɓàa m nyaavaa ka bii manɛ, ka ruu danggn ɓɔɔ n shingnɛ nɛɛ, zang naa yupaa ditɔ nɛɛ sàa ɓɛɛ kɔ shɛ̃ɛning.’ ”

Zang Shonang Yeesɔ 24:25

Ɓɔɔ Bulu kɔɔ ruu ka yuu tɔ̃ɔ palɛnang nɛɛ naa ɓɔɔ zang yiti yuu zang waasɛ̃ ɓɛɛ, a ɓɔɔ ruu diki ɓɔɔ Laa naa jɛ̃ɛ zang ruu kagn ɓɛɛ. Filiku kaa vɔrɔ, a kɔɔ Bulu tɔɔ, “Dita gbongkarɛ, n nɛɛ walɛ diki tɔ, n ɓaa mɔɔ nyaa ditɔ tɔkn.”

Zang Shonang Yeesɔ 26:8

Ɓɔɔ nɔɔ zang Yahudi, ka ruu vi danggn shinnang nɛɛ Laa wisi zang paa katɔ nɛɛ saa kpãa nɔɔ nɔngkɔ viya?

Zang Shonang Yeesɔ 4:2

Yeti ɓarɛ lasɛ nɛɛ Bituru nɛɛ Yɔhana, ka ruu ɓɔɔ, ri tusu zang vuu, a ti kɔɔ ri nɛɛ Yeesɔ yupaa tɔ nɛɛ sàa, ka ruu nɔngkɔ, zang yupaa katɔ nɛɛ sàa ɓɛɛ.

Zang Shonang Yeesɔ 6:6

Zang atɛ ri ka bii rɛɛ zang shonang Yeesɔ. Rɛɛ zang shonang Yeesɔ ri shĩili ri naa ka yuu, a ri ti gaa ri Laa.

Rooma 2:16

Ka diki keɓe, Laa naa jɛ̃ɛ zang ɓu ruu ka yuu vuu ɓɔɔ zang ɓu waasɛ katɔ ɓɛɛ. Jɛ̃ɛ ruu keɓe, nɛɛ bii Yeesɔ Kirisi naa ɓɔɔ n kɔɔ ka Ruu Laa kɔ n kɔ̀ɔrɔ̀ nɔɔ ɓee.

1 Koranti 10:2

Ka ɓɔɔ ri ra ka dii sãmbong, a ri ti rarɛ ri ta waapo, zang palɛ ri batizima. Batizima kaɓa, tusu kati nɛɛ, ri ɓarɛ zang ɓɔɔ dũng Musa kɔ nandon.

1 Koranti 12:13

Ruu doo nɔngkɔ. Zang ɓɔɔ kagn teteng ɓuru, ri ɓarɛ zang Yahudi, a zang ɓɔɔ ɓarɛ zang Yahudi kpang. Zang ɓɔɔ ri ɓarɛ jaafoo a zang ɓɔɔ ɓarɛ jaafoo kpang. Ruu nandon, ruu raa tɔ naa zang gbete, ka làa ɓɔɔ zang palɛ ruu batizima ɓɛɛ. Ka ruu ɓɔɔ ka diki kaɓa, Laa a ruu Suru ɓiɓɛ gbete kaɓa kɔ ɓɛɛ. Laa a ruu ɓi Suru gbete kaɓa kɔ nandon nɛɛ wu nwang ka yeti ɓuru.

2 Koranti 5:10

Ka ruu ɓɔɔ, ruu nandon ruu naa shii ditɔ ka tĩng Yeesɔ Kirisi, wu jɛ̃ɛ rùu rúu. Wu jɛ̃ɛ ruu rúu, wu ti pàlɛ̀ zang ɓu vuu naa ɓɔɔ daa naa katɔ ɓɛɛ. Yeesɔ pàlɛ́ ruu vuu ka doo vuu tɔ̃ɔ nɛɛ vuu shi kpang ɓɔɔ zang ɓu palɛ ka koo keɓe ɓɛɛ.

Filipi 3:21

Nɛɛ a tɔ, naa palɛ shonang nɛɛ naa vuu palɛnang bang ɓiɓɛ ɓɔɔ shing zang piti ri palɛ vuu ka naa ɓɔɔ wu kasɛ ɓɛɛ. Naa kɔ̃̀sɔ́ bii ɓuru ɓɔɔ lakɛ naa ka bii kpang, ti vɔ katɔ keɓe, wu nwang kaa naa bii ɓiɓɛ ɓɔɔ bannang kagn ɓɛɛ.

Kolosi 2:12

Ka ruu ɓɔɔ, ka ɓɔɔ zang palɛ nɔɔ batizima, nwang naa ɓɔɔ zang gbãa nɔɔ katɔ nɛɛ Yeesɔ Kirisi ɓɛɛ. Kaa batizima kɔ nwàng naa ɓɔɔ zang ti wisi nɔɔ paa jong nɛɛ Yeesɔ, ka ruu danggn ɓɔɔ nɔɔ shing ka naa vuu palɛnang Laa ɓɔɔ wisi wu paa nɛɛ saa ɓɛɛ.

2 Timoti 2:18

Ri yaa gbalang ɓɔɔ niizang tɔ, ri kpantɛ zang ɓɔɔ ri shing danggn tɔ jĩng, ri kɔɔrɔ ri nɛɛ, Laa wisi zang paa ɓi tɔ̀ɔ́ nɛɛ saa kpang.

Yahudi 11:35

Zang soro ɓɔɔ zang ɓarɛ ɓɔɔ ri vɔlɔ katɔ, zang wisi ri paa tɔkn ningkãari. Zang ɓɔɔ zang tɔ̃̀ɔrɔ ri shoo, kasɛ katɔ nɛɛ zang dang ri jĩng katɔ kɔ jong, ka ɓɔɔ ri nɛɛ yaa danggn ɓɔɔ ri shing ɓɛɛ, a ri vɔlɔ ka ruu ɓɔɔ ri zi tɔ, nɛɛ Laa naa wisi ri paa ditɔ, ri nwang nwannang ɓɔɔ tɔ̃ɔ ka lapa.

Yahudi 9:10

Rɛɛ vuu keɓe, ɓi ka yuu vuu shaanang nɛɛ vuu ɓoonang nɛɛ rɛɛ vuu sɔ̀ɔrɔ̀nang kɔ shɛ̃ɛning ka zɔ̃ng zɔ̃ng. Wee ɓi nyaa dannang ka ruu vuu ɓɔɔ zang palɛ ka bii biling kɔ shɛ̃ɛning, tɔ̀ɔ laa ɓɔɔ Laa naa kɔ̃sɔ vuu piti, wu a nɛɛ mani.

2 Bituru 3:7

A yee ɓɔɔ Laa rangnɛ kɔ shingnɛ, lapa nɛɛ tipi ɓɔɔ kãntang keɓe, wu nwangnɛ, wu gã diki ɓɔɔ waa naa lasɛ vuu ɓɔɔ ka yeti ɓiɓɛ nandon ɓɛɛ. Yaa vuu piti ka nɔngkɔ, nɛɛ diki ɓɔɔ wu naa dɔng zang piti ruu, wu ti ningsi zang ɓɔɔ ri palɛ vuu shi kpang, a ri dũng wu kpang ɓɛɛ.