Yahudi 6:19 - Nyaa Shɔɔ Ɓɔɔ Laa a Ɓɛɛ

¹⁹ Gn ɓɔɔ ruu shing keɓe kɔ yiti ruu gbatagbata, vuu ɓɔɔ lee ruu naa ka bii kpang. Ka ruu nɔngkɔ, ruu dàa ka nɔng ɓɔɔ Laa kagn. Ruu ɓa fɔ̃ɔrɔ ɓɔɔ zang ku nyaa gãa Nɔng ɓɔɔ shi kpang kagn kpang, nɛɛ mani ɓɛɛ.

Yahudi 6:19 ပူးပေါင်းရင်းမြစ်များ

Matiyu 27:51

Fɔ̃ɔrɔ ɓɔɔ zang ku nɔng tɔ̃ɔ ɓɔɔ ka Gãa Laa nɛɛ mani, lɔɔsɔ ka làá kaɓa. Gaayu lɔɔsɔnang nɛɛ paa daa nɔng ka dii. Tipi ruutu, a pɛngkɛ ti puusu.

Zang Shonang Yeesɔ 23:6

Bulu zirɛ nɛɛ zang ɓɔɔ ri jɛ̃ɛ ruu keɓe vaa ɓarɛ ziti. Nyaa dang gbete zang Saduki, nyaa dang gbete ɓi kaa rɛɛ Farisi. A mɛɛ nyaa ka nɔng ruu jɛ̃ɛnang tɔɔ, “Rɛɛ manzung, n zang Farisi, n ti jaa rɛɛ Farisi. Zang nɛɛ zang jɛ̃ɛ m ruu ka ruu danggn ɓɔɔ n shingnɛ nɛɛ zang nɛɛ vɔ tɔ zang naa seepaa ditɔ nɛɛ saa ɓɛɛ.”

Zang Shonang Yeesɔ 27:29

Ri kaa vɔrɔ nɛɛ laana ɓuru daa kpaa rɛɛ tari, ka ruu nɔngkɔ, ri yàarɛ̀ vuu ɓɔɔ yi tonsi tɔ̀ɔ laana wu shii ɓɛɛ naa dɛ̃ɛti ka yeti mii. Ri yaarɛ naa nɛɛ knti laana kɔ jong. Ri wàa nɔng gãntɛnang katɔ.

Zang Shonang Yeesɔ 27:40

Ri dɔ́lɔ́ vuu ɓɔɔ yi laana, tɔ̀ɔ, laana wu shii ɓɛɛ, a ri yaarɛ naa. Vuu bii ri ɔ̃ɔrɔ ka mii. Ri ti kãlɛ rɛɛ soo ɓɔɔ zang mãlɛ vuu ɓɔɔ zang zaa laana nɛɛ mani ɓɛɛ. Ri tuu sɛ̃ɛ fɔ̃ɔrɔ ɓɔɔ zang mã ka tĩng laana ka lapa nɛɛ jasung wu gɔ̃ laana kati. Ri raa jĩng ri daa kaa nɛɛ nyaa gãnggãng bìí.

Rooma 4:16

Ka ruu nɔngkɔ, vuu di yuu ɓi ka danggn ɓɔɔ zang shing ka bii Laa ɓɛɛ. Tɔ̀ɔ, Laa wu palɛ vuu ɓɔɔ wu a nyaa nɛɛ wu palɛ ɓɛɛ kati, ka ruu ɓɔɔ Laa palɛ tɔ̃ɔ katɔ ɓɛɛ. Laa a nyaa keɓe wu ka ruu zɔ̃ng Ibirayi ɓɔɔ ri dũng nyaa ɓɔɔ Laa dangnɛ ɓɛɛ kpang. Ɓi ɓɔɔ zang piti ɓɔɔ ri zɔ̃ng Ibirayi ka ruu ɓɔɔ ri shing danggn naa ɓɔɔ wu shing ɓɛɛ. Ibirayi ɓi kaa dabang ɓuru nandon.

Rooma 4:18

Ibirayi shing danggn ka bii Laa ɓi doo ka laa ɓɔɔ vuu bìí nwàng naa mɔɔ yaa gn naa kaa tɔ ɓɛɛ. Ka ruu nɔngkɔ, nwáng dabang zang koolaa, naa ɓɔɔ Laa a wu nyaa ɓɛɛ nɛɛ, “Zɔ̃ng ɓaaɓɛ naa shang dɔɔli.”

Rooma 5:4

Danggn mãnang shingnɛ zang wu nwang nwannang tɔ̃ɔ. Nwannang tɔ̃ɔ wu shing ruu, ruu yaa gn naa kaa takpang.

1 Koranti 13:13

Vuu kagn taati ɓɔɔ ri waa nyaa ɓarɛ kpang ɓɛɛ. Vuu keɓe rikɔ danggn shinnang, nɛɛ gn ɓɔɔ zang yaa naa kpang ɓɛɛ, nɛɛ zang kasɛnang, ka teteng vuu taati keɓe, zang kasɛnang kɔ ɓa ri.

1 Koranti 15:58

Ka ruu nɔngkɔ, manzung, ɓɔɔ n kasɛ nɔɔ katɔ ɓɛɛ, n kɔɔ nɔɔ, nɔɔ shii nɛɛ kaka, vuu ɓɔɔ wu shing nɔɔ nɔ́ɔ kɔ̃sɔ yeti manɛ kpang. Nɔɔ palɛ shonang Kpanti ɓuru Yeesɔ Kirisi nɛɛ yeti manɛ nandon, ka ruu ɓɔɔ, nɔɔ zi tɔ nɛɛ shonang ɓɔɔ nɔɔ pàlɛ́ Kpanti Kirisi naa nwǎng nɔɔ vuu tɔ̃ɔ katɔ ɓɛɛ.

Afisa 2:6

Laa wisi ruu paa nɛɛ Yeesɔ Kirisi ka ɓɔɔ ruu shing danggn tɔ ka wu, a shing ruu nɛɛ ruu nwang nɛɛ wu ka lapa ɓɛɛ.

Kolosi 1:27

Vuu ɓɔɔ Laa mang ka yeti ɓiɓɛ keɓe, kasɛ nɛɛ wu nwàngsɛ̀ zang ɓiɓɛ vuu ɓɔɔ bɛ̀ɛ́ wu waasɛ katɔ ka teteng zang ɓɔɔ ri zi wu kpang ɓɛɛ. Vuu ɓɔɔ wu waasɛ katɔ, ɓɔɔ bannang kagn, ɓɔɔ wu shìng zang piti ɓɛɛ. Vuu ɓɔɔ wu waasɛ katɔ keɓe kɔɔyi nɛɛ, “Kirisi kagn yeti manɛ, ruu zi ka wukɔ nɛɛ Laa naa a nɔɔ bannang ɓiɓɛ katɔ.”

Kolosi 3:1

Wee zang wisi nɔɔ paa tɔ nɛɛ Yeesɔ Kirisi ɓee, nɔɔ shing jĩng manɛ kaa rɛɛ vuu ɓɔɔ ka lapa ɓɛɛ. Ka nɔng ɓɔɔ Kirisi nwàng kagn ka nakn Laa ɓɛɛ.

2 Timoti 2:19

A doo gãa ɓɔɔ Laa loo ɓɛɛ, shii ɓi katɔ katakata, zang zĩiti kpang. Zang bee vuu keɓe ka bii ɓiɓɛ nɛɛ, “Laa zi rɛɛ zang ɓɔɔ ri ɓarɛ ɓɔɔ ɓiɓɛ tɔ”. A “Zang ɓɔɔ nɛɛ kɔɔyi nɛɛ, wu ɓɔɔ Kpanti Laa, wu yaa gbalang vuu shi kpang ɓɔɔ wu palɛ katɔ.”

Yahudi 4:16

Ka ruu nɔngkɔ, rúu a ka bii Laa, ruu yaa gn naa kpang. Laa ɓɔɔ palɛ zang tɔ̃ɔ waati ɓɛɛ. Tɔ̀ɔ, gn ɓuru wu kɔng wu, wu ti palɛ ruu tɔ̃ɔ ɓɔɔ yi ruu naa ka bii, ka diki ɓɔɔ ruu kasɛ nɛɛ wu yi ruu naa ka bii ɓɛɛ.

Yahudi 9:3

Yeti putali ɓɔɔ tĩng, nɔng ɓɔɔ kagn, zang ku nyaa ɓiɓɛ nɛɛ fɔ̃ɔrɔ nyaa pɛɛrɛ. Zang ɓaa ɓi nɛɛ, “Nɔng ɓɔɔ shi kpang kagn kpang tingkiring” ɓɛɛ.

Yahudi 9:7

A ɓi kaa kpanti zang ɓɔɔ ri dɔɔ vuu ka Gãa Laa kɔ daa yeti nɔng ɓɔɔ tĩng ka bm, ti daa ɓi doo gbete kɔ nwani ka saa gbete. Daa naa waati kpang, tuu zĩi vuu vaa ɓɔɔ zang yee ɓɛɛ ka naa ning, ɓɔɔ wu a Laa ka ruu vuu shi kpang ɓiɓɛ nɛɛ ka ruu rɛɛ vuu shi kpang zang, ɓɔɔ zang palɛ, ri zi kpang ɓɛɛ.

1 Bituru 1:3

Ruu dɔɔ Laa ɓɔɔ wukɔ Laa nɛɛ Daa Kpanti ɓuru Yeesɔ Kirisi ɓɛɛ. Pàlɛ̀ ruu tɔ̃ɔ gbãng gbãng, ka ruu nɔngkɔ, shingnɛ ruu nwàng zang ɓɔɔ zang yi ruu shɔɔ tɔkn ɓɛɛ, nɛɛ tɔ̀ɔ, gn shinnang ɓuru wu shàarɛ̀ kaa takpang. Ruu walɛ vuu keɓe ka ɓɔɔ zang wisi Yeesɔ paa nɛɛ sàa ɓɛɛ.