Yahudi 5:7 - Nyaa Shɔɔ Ɓɔɔ Laa a Ɓɛɛ

⁷ Ka diki ɓɔɔ Yeesɔ nwáng ka koo keɓe, rangkɛ yee nɛɛ Laa a gaarɛ wu, mɛɛ nyaa ka lapa nɛɛ miiri ka jĩng. Gaa Laa ɓɔɔ zunung ɓɔɔ ta yuu ɓiɓɛ katɔ, wu vɔ kpang ɓɛɛ. A Laa tãa wu ka ɓɔɔ wisi wu paa nɛɛ saa ɓɛɛ, ka ruu ɓɔɔ, tuu yuu ɓiɓɛ kpang, a ti a Laa yuu ɓiɓɛ katɔ ɓɛɛ.

Yahudi 5:7 ပူးပေါင်းရင်းမြစ်များ

Matiyu 27:46

Laa naa kpɛ̃ɛ tɔ, Yeesɔ mɛɛ nyaa ka lapa nɛɛ, “Eloyi, Eloyi, lama Sabatani.” Dĩiri yee keɓe, ɓi “Laa mɛɛ, Laa mɛɛ, mɔɔ yaa m ka ruu viya?”

Matiyu 27:50

A Yeesɔ mɛɛ nyaa kaa tɔkn ka lapa, a vɔ kati.

Maraku 15:34

Saka taati naa palɛ tɔ, Yeesɔ mɛɛ nyaa ka lapa nɛɛ, “Eloyi, Eloyi lama sabatani.” Dĩiri yee keɓe ɓi, “Laa mɛɛ, Laa mɛɛ, mɔɔ yaa m ka ruu viya?”

Maraku 15:37

A Yeesɔ mɛɛ nyaa ka lapa, a vɔ kati.

Luka 23:46

Yeesɔ kaa nyaa ka lapa nɛɛ, “Daa mɛɛ, n a mɔɔ Suru bii mɛɛ tɔ ka naa ɓaaɓɛ.” Kɔɔ naa weɓe, a vɔrɛ.

Yɔhana 1:14

A Ruu keɓe naa túu bii shɔnzang, a nwang kaa nɛɛ ruu nɔng gbete. Atɛ ruu tĩnang tãanang dɔɔli nɛɛ ruu ɓɔɔ niizang ɓɛɛ. A ruu ti zi bannang ɓɔɔ Laa a wu, nɛɛ jĩng ɓuru, ɓi bannang ɓɔɔ Daa a jaa gbete ɓiɓɛ ɓɛɛ.

Yɔhana 11:35

Yeesɔ kaayi nɛɛ miiri ka jĩng.

Yɔhana 11:42

N zi tɔ, mɔɔ tãarɛ m katɔ diki diki. N kɔɔ vuu keɓe ka ruu zang kɔ ri shiiri ka nihn ɓee, tɔ̀ɔ, ri shing danggn kati nɛɛ mɔkɔ shong m.”

Yɔhana 17:1

Yeesɔ hangsɛ nyaa ruu keɓe tɔ, a tuu jĩng ka lapa, a gàa Laa tɔɔ, “Daa, laa a tɔ. Zang ri zi bannang mɛɛ ta, ɓɔɔ n Jaa ɓaaɓɛ, tɔɔ zang ri zi bannang ɓaaɓɛ kaa bii mɛɛ.

Rooma 8:3

Vuu ɓɔɔ nyaa dannang Laa zunung palɛnang kpang, ka ruu ɓɔɔ, bii shɔnzang lakɛ naa bii kpang, Laa palɛ tɔ. Laa ningsi vuu shi kpang ka bii shɔnzang, ka ɓɔɔ wu shong nyaa nɛɛ Jaa ɓiɓɛ ɓɔɔ arɛ, tuu bii naa bii shɔnzang ɓɔɔ palɛ vuu shi kpang ɓɛɛ.

Galati 4:4

A ka ɓɔɔ laa ɓɔɔ Laa shingnɛ naa arɛ, Laa naa shong nyaa nɛɛ Jaa ɓiɓɛ. Jaa keɓe jaa soro yi wu, a ti dũng nyaa ɓɔɔ Laa dang zang Yahudi nɛɛ ri dũngnɛ.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

Yahudi 10:10

Laa kɔ kasɛ a zang shingnɛ ruu nwàng zang tɔ̃ɔ ka tĩng Laa. Ka ɓɔɔ Yeesɔ Kirisi, a Laa yuu ɓiɓɛ zang nyɔ wu vɔrɔ doo gbete kak ɓɛɛ.

Yahudi 10:5

Ka ruu nɔngkɔ, ka ɓɔɔ Kirisi a ka koo, kɔɔ Laa tɔɔ, “Mɔɔ kasɛ vuu ɓɔɔ zang dɔɔ mɔɔ, a zang ti a mɔɔ ɓɛɛ kpang. A mɔɔ palɛ m ɓaa, bii ɓɔɔ mɔɔ kasɛ nɛɛ n a mɔɔ wukɔ tɔkn ɓɛɛ.

Yahudi 11:7

Danggn shinnang Nuhu kɔ shing wu, ɓaa shoo ka nyaa ɓɔɔ Laa shaarɛ wu ka yuu vuu ɓɔɔ naa a ka tĩng ɓɔɔ wu zi gn kpang ɓɛɛ. Ɓaa shoo ka nyaa Laa, a palɛ laana ɓɔɔ wu tá yuu zang ɓɔɔ ri ka gãa ɓiɓɛ ɓɛɛ. Túsú ka danggn ɓɔɔ wu shíng ɓɛɛ nɛɛ, zang koo keɓe ri palɛ ɓarɛ vuu shi kpang, a raa kaa zang ɓɔɔ Laa tɔɔ wu ɓi zang tɔ̃ɔ ɓɛɛ, ka ruu danggn ɓɔɔ wu shing ɓɛɛ.

Yahudi 12:28

Ka ruu nɔngkɔ, rúu zã̀a nɔɔ Laa, ka ruu ɓɔɔ, a ruu nɔng kpanti roonang ɓɔɔ zang zĩiti ɓi kpang ɓɛɛ. Rúu zã̀a nɔɔ Laa ruu ti bang wu ka gbalang ɓɔɔ shing wu, wu tãa tĩnang. Ruu a wu bannang, ruu ti kaa vɔrɔ ɓiɓɛ.

Yahudi 13:20

N gaa Laa ɓɔɔ shingnɛ, zang nwáng ka nyaa zɔɔ, ɓɔɔ wisi Kpanti ɓuru Yeesɔ paa tɔkn nɛɛ sàa ɓɛɛ. Yeesɔ ɓɔɔ wukɔ kpanti jagãng mɛ̀ɛrɛ́ ɓɛɛ, ka ruu zĩi ɓiɓɛ ɓɔɔ Laa mã nyaa ɓɔɔ gbinggbing nɛɛ mani ɓɛɛ.

Yahudi 2:14

Wee wujɛ bìí ri ta bii shɔnzang ɓee, a tuu bii jong nɔngkɔ, tɔ̀ɔ, wu vɔrɛ, wu ningsi sheetang kati. Zang ɓɔɔ zang a wukɔ naa vɔrɔ ɓɛɛ.

1 Yɔhana 4:3

Suru ɓɔɔ kɔɔyi nɛɛ Yeesɔ tuu bii shɔnzang kpang, ɓi Suru Laa kpang. Suru keɓe a ɓi nɛɛ bii zang ɓɔɔ shing jĩng nɛɛ Kirisi kpang, ɓɔɔ nɔɔ tãa nyaa nɛɛ a ditɔ ɓɛɛ. Zang kaɓa a tɔ ka koo kãntang keɓe.

2 Yɔhana 1:7

Zang ɓɔɔ ri nwãarɛ zang, ri baa koolaa tɔ dɔɔli. Ri kɔɔrɔ zang nɛɛ Yeesɔ Kirisi ɓɔɔ a ka koo keɓe, tuu ɓi bii shɔnzang kpang. Zang ɓɔɔ kɔɔrɔ zang naa weɓe, wukɔ zang ɓɔɔ nwãarɛ zang ɓɛɛ, wukɔ ti zang ɓɔɔ shing jĩng nɛɛ Yeesɔ kpang ɓɛɛ.