Yahudi 5:13 - Nyaa Shɔɔ Ɓɔɔ Laa a Ɓɛɛ

¹³ Zang ɓɔɔ vuu shaanang ɓiɓɛ nɛɛ ɓi míi, zang keɓe ɓi doo jaa rɛ̃ɛting. Zang keɓe zunung ɓɔɔ wu basɛ teteng vuu ɓɔɔ tɔ̃ɔ, nɛɛ vuu shi kpang kpàng.

Yahudi 5:13 ပူးပေါင်းရင်းမြစ်များ

Matiyu 11:25

Ka laa kaɓa, Yeesɔ naa risi nyaa gàa Laa tɔɔ, “N zãa mɔɔ tɔ Dada, Kpanti Laa ɓɔɔ mãa lapa nɛɛ tipi ɓɛɛ. Ka ruu ɓɔɔ, mɔɔ wàasɛ̀ zang ɓɔɔ zũng katɔ nɛɛ zang ɓɔɔ ri zi labeenang dɔɔli vuu keɓe, a mɔɔ naa tusu zang ɓɔɔ ri zi vuu kpang kɔ jong ɓɛɛ.

Maraku 10:15

N kɔɔ nɔɔ ruu ɓɔɔ niizang kɔ nwani, zang ɓɔɔ nɛɛ ta Laa nɛɛ wukɔ Kpanti naa jaa tɔkɔlɔng kpang, Laa naa nwang Kpanti ɓiɓɛ kpang.”

Rooma 2:20

Mɔkɔ ti kpɛ̃ɛrɛ zang ɓɔɔ ri zũng kpang ɓɛɛ. Mɔɔ ti tusu zang ɓɔɔ ri zi vuu kpang naa wujɛ ɓɛɛ. Mɔɔ zi ɓaa tɔ nɛɛ, mɔɔ zi nyaa ɓɔɔ Laa dang ɓɛɛ tɔ. Ka ruu nɔngkɔ, mɔɔ zi vuu tɔ piti, vuu ɓɔɔ mɔɔ kɔɔyi ɓi ti niizang tingkiring.

1 Koranti 13:11

Ɓɔɔ bɛ̀ɛ́ n doo wujɛ, n rangkɛ yee naa wujɛ. N ti rɛ̃rɛ naa wujɛ. N zili vuu m nɛɛ jĩng wujɛ. A ɓɔɔ n bangnɛ, n yaa vuu wujɛ ɓɔɔ n palɛ ɓɛɛ tɔ nandon.

1 Koranti 14:20

Manzung, nɔɔ rɛ̃rɛ naa wujɛ kpang. Nɛɛ a tɔ ka nɔng shi kpang palɛnang, nɔɔ risi yuu manɛ naa wujɛ ɓɔɔ ri palɛ shi kpang ɓarɛ kpang ɓɛɛ. Nɛɛ a tɔ ka nɔng rɛ̃rɛnang, nɔɔ rɛ̃rɛ kaa rɛ̃rɛnang zang bang.

1 Koranti 3:1

Niizang rɛɛ manzung, ɓɔɔ bɛ̀ɛ́ n doo nɛɛ nɔɔ, n rang nɔɔ yee naa zang ɓɔɔ Suru Laa kagn yeti ɓarɛ ɓɛɛ kpang. N rang nɔɔ yee naa shɔnzang waati kɔ jong, ka ruu ɓɔɔ, nɔɔ nwáng doo naa wujɛ rɛ̃ɛting waati ka gbalang Kirisi ɓɛɛ.

2 Koranti 3:9

Naa nyaa dannang ɓɔɔ nyɔkɔ zang vɔrɔ a nɛɛ bannang ning. A bannang nyaa dannang shɔɔ ɓɔɔ ta yuu zang naa nwáng ɓi kaa biya?

Afisa 4:14

Tɔ̀ɔ ruu nwàng kaa tɔ̀ɔ́ naa wujɛ ɓɔɔ zang ráarɛ̀ ri yuu, nɛɛ vuu ɓɔɔ zang ɓɔɔ ri nwãarɛ zang, ri tusu ɓɛɛ kpang. Zang sèé keɓe, ri shing zang, zang ri palɛ vuu shi kpang nɛɛ zũnang ɓɔɔ ri nwangsɛ nɛɛ yeti ɓarɛ ɓɛɛ.

2 Timoti 3:16

Yee ɓɔɔ ka yeti labeenang Laa nandon, Laa nwangsɛ ɓi nɛɛ bii Suru ɓiɓɛ. Zang tusu zang vuu nɛɛ yee keɓe kɔ, zang ti mangkɛ zang nɛɛ mani, zang gbarɛ zang nɛɛ mani, a zang ti tusu zang nwannang ɓɔɔ Laa kasɛ nɛɛ mani,

1 Bituru 2:2

Nɔɔ nwáng manɛ naa wujɛ rɛ̃ɛting ɓɔɔ ri kaa nyɔkɔ mii nàá ɓarɛ, diki diki ɓɛɛ kɔ jong. Nɔɔ kaa manɛ nyɔkɔ Ruu Laa ɓɔɔ wukɔ mii ɓɔɔ niizang, ɓɔɔ shing nɔɔ, nɔɔ zũng danggn ɓɛɛ. Diki ɓɔɔ Laa naa ta yuu manɛ wu a nɛɛ mani.

2 Yɔhana 1:11

Ka ruu ɓɔɔ, zang ɓɔɔ nɛɛ jeere wu nyaa, kasɛ vuu shi kpang ɓɔɔ zang kaɓa palɛ ɓi doo katɔ kɔ ɓɛɛ.