Yahudi 5:12 - Nyaa Shɔɔ Ɓɔɔ Laa a Ɓɛɛ

¹² Niizang, kãntang keɓe nɔkɔ nɛɛ tusu zang vuu kati, a nɔɔ kasɛ nɛɛ zang ɓɔɔ wu paasɛ nɔɔ ruu niizang ɓɔɔ kpãa kpang, ɓɔɔ ka Ruu Laa ɓɛɛ tusunang tɔkn. Nɛɛ nɔngkɔ, zang wu a nɔɔ míi, wu vuu shaanang ɓɔɔ lakɛ katɔ kpang.

Yahudi 5:12 ပူးပေါင်းရင်းမြစ်များ

Matiyu 17:17

A Yeesɔ kɔɔ ri tɔɔ, “Nɔɔ zang shi kpang koo jaa knti kɔ shing danggn ka bii Laa kpang ɓee, nɔɔ nɛɛ n nwang nɛɛ nɔɔ saa nɛya? Nɔɔ nɛɛ ń mã danggn nɛɛ nɔɔ saa nɛya? Nɔɔ atɛ m jaa ta.”

Maraku 9:19

A Yeesɔ pɛ̃ɛrɛ zang ɓɔɔ ri mantɛ vuu ka bii ɓiɓɛ, a kɔɔ ri tɔɔ, “Nɔɔ zang koo jaa knti keɓe, ɓɔɔ nɔɔ shing danggn ka bii Laa kpang ɓee, nɔɔ nɛɛ ń nwang nɛɛ nɔɔ saa nɛya? Nɔɔ nɛɛ n mã danggn nɛɛ nɔɔ saa nɛya? Nɔɔ atɛ m jaa bìí ta.”

Zang Shonang Yeesɔ 7:38

Musa keɓe kɔ nwang nɛɛ rɛɛ zang Isirela ɓɔɔ ri kpalɛ zɔɔ ka jĩngti, a ɓɔɔ zang nyaa shonang Laa ɓɔɔ ka lapa ɓɔɔ rang wu yee ka kɔpɔ Sinayi ɓɛɛ, a ɓɔɔ rɛɛ dabang ɓuru. Wukɔ ti tà ruu rúu Laa ɓɔɔ a zang suru bii ɓɛɛ, a á ruu.

Rooma 3:2

Nwǎng zang vuu katɔ dɔɔli. Laa a zang Yahudi kɔ Ruu ɓiɓɛ ka naa, nɛɛ ri yiti.

1 Koranti 14:19

Naa doo nɔngkɔ piti, naa zang kpalɛ ka Gãa Laa, ɓɔɔ n zi ka yeti mɛɛ naa n kɔɔ ruu maani nɛɛ nyaa ɓɔɔ zang ri tãa katɔ wukɔ tɔ̃ɔ. Ka ɓɔɔ naa n kɔɔ ruu labang kopi nɛɛ nyaa ɓɔɔ zang ri tãa kpang ɓɛɛ.

1 Koranti 14:20

Manzung, nɔɔ rɛ̃rɛ naa wujɛ kpang. Nɛɛ a tɔ ka nɔng shi kpang palɛnang, nɔɔ risi yuu manɛ naa wujɛ ɓɔɔ ri palɛ shi kpang ɓarɛ kpang ɓɛɛ. Nɛɛ a tɔ ka nɔng rɛ̃rɛnang, nɔɔ rɛ̃rɛ kaa rɛ̃rɛnang zang bang.

Galati 4:3

Rùu dòo nɔngkɔ, ka ɓɔɔ bɛ̀ɛ́ ruu zũng danggn gň ka vuu Suru Laa kpang, ruu nwang ɓuru jaafoo rɛɛ nyaa dannang ɓɔɔ shɔnzang ri tusu ɓɛɛ.

Filipi 3:1

Rɛɛ manzung, ń gisi nɔɔ ruu keɓe. Kpanti ɓuru wu shingnɛ nɔ́ɔ tãa tĩnang dɔɔli. Naa wee n bee nɔɔ doo vuu ɓɔɔ n bèe nɔɔ tɔ ka tĩng ɓee, vuu keɓe kpãa m kpang. Niizang n palɛ nɔngkɔ, tɔ̀ɔ, vuu ɓɔɔ wu lee nɔɔ naa kaa tɔ̀ɔ́ bii kpang.

Kolosi 3:16

Yee Yeesɔ Kirisi wu nwang ka yeti manɛ dɔ̃ɔ gbete, ka ɓɔɔ nɔɔ tusu vuu, a nɔɔ ti kpɛ̃ɛrɛ zɔɔ vuu nɛɛ zũnang ɓɛɛ. Nɔɔ gaa soo ɓɔɔ nɔɔ dɔɔ Laa nɛɛ mani, nɛɛ ɓɔɔ nɔɔ zãa wu nɛɛ mani nɛɛ ɓɔɔ Suru Laa kpɛ̃ɛrɛ zang ɓɛɛ. Nɔɔ ti zãa wu ka yeti manɛ.

Yahudi 10:32

Nɔɔ kpaa danggn diki ɓɔɔ ɓa tɔ ɓɛɛ, ka knti ɓɔɔ nɔɔ zi ruu ɓɔɔ niizang ɓɔɔ ka yuu Kirisi tɔ. Nɔɔ mã danggn, a nɔɔ táarɛ́ yuu gbãng gbãng ka jĩng dannang.

Yahudi 5:11

Vuu ɓɔɔ ruu kɔɔ ka yuu vuu keɓe kagn dɔɔli, a kpãa ruu nyaa kaa naa ɓɔɔ ruu kɔɔ nɔɔ ruu, tɔ̀ɔ, nɔɔ zi kati ɓɛɛ. Ka ruu ɓɔɔ, nɔɔ valɛ bii vuu mantɛnang dɔɔli ɓɛɛ.

Yahudi 5:13

Zang ɓɔɔ vuu shaanang ɓiɓɛ nɛɛ ɓi míi, zang keɓe ɓi doo jaa rɛ̃ɛting. Zang keɓe zunung ɓɔɔ wu basɛ teteng vuu ɓɔɔ tɔ̃ɔ, nɛɛ vuu shi kpang kpàng.

Yahudi 6:1

Ka ruu nɔngkɔ, ruu ɓa nɔɔ vuu tĩng shɔɔnang ɓɔɔ zang tusu ruu ka yuu Kirisi ɓɛɛ, ruu kpɛ̃ɛrɛ kaa vuu ɓɔɔ kpãa katɔ ɓɛɛ, tɔ̀ɔ, ruu zũng danggn kati. Ruu gàa nɔɔ yuu tusunang tɔkn nɛɛ, zang ri kɔ̃sɔ yeti, zang yaa vuu shi kpang palɛnang ɓɔɔ raa zang vɔrɔ, zang ri shing danggn ka bii Laa ɓɛɛ kpang.

1 Bituru 2:2

Nɔɔ nwáng manɛ naa wujɛ rɛ̃ɛting ɓɔɔ ri kaa nyɔkɔ mii nàá ɓarɛ, diki diki ɓɛɛ kɔ jong. Nɔɔ kaa manɛ nyɔkɔ Ruu Laa ɓɔɔ wukɔ mii ɓɔɔ niizang, ɓɔɔ shing nɔɔ, nɔɔ zũng danggn ɓɛɛ. Diki ɓɔɔ Laa naa ta yuu manɛ wu a nɛɛ mani.

1 Bituru 4:11

Zang ɓɔɔ Laa nɛɛ a wu naa yee rannang, wu rang yee ɓɔɔ a nɛɛ bii Laa ɓɛɛ. Zang ɓɔɔ nɛɛ zunung ɓɔɔ wu shǒng zang katɔ, wu shong nɛɛ kaka ɓɔɔ Laa a wu piti. Nɔɔ palɛ nɔngkɔ tɔ̀ɔ, zang ri dɔɔ Laa ka ruu vuu piti, ka ruu Yeesɔ Kirisi. Bannang nɛɛ naa vuu palɛnang ɓi ɓɔɔ ɓiɓɛ kɔ dòndòng. Nɔngkɔ.