Yahudi 4:12 - Nyaa Shɔɔ Ɓɔɔ Laa a Ɓɛɛ

¹² Ruu Laa palɛ shonang katɔ. Wɔng nyaa ɓa yere bang ɓɔɔ nyaa ziti katɔ. Basɛ suru bii katɔ nɛɛ suru. Wu ti basɛ rɛɛ gboko nɛɛ sɛ̃ɛting kaka. Ti dɔng ruu katɔ ka yuu vuu ɓɔɔ zang rɛ̃rɛ nɛɛ vuu ɓɔɔ zang mang ka yeti ɓɛɛ.

Yahudi 4:12 ပူးပေါင်းရင်းမြစ်များ

Luka 8:11

Yeesɔ kɔɔyi tɔɔ, “Dĩiri nyaa vuu jeenang keɓe. Jĩng vuu keɓe, ɓi ruu Kpanti Laa.

Yɔhana 12:48

Zang ɓɔɔ nɛɛ bɛ̃ɛ m, nɛɛ ti ta ruu mɛɛ kpang, zang ɓɔɔ dɔng wu ruu kagn. Ruu mɛɛ ɓɔɔ n kɔɔ ɓɛɛ, wukɔ naa dɔng wu ruu ka diki ɓɔɔ koo waa nyaa ɓɛɛ.

Yɔhana 6:51

Nkɔ borodi ɓɔɔ a zang suru bii, ɓɔɔ n a nɛɛ lapa ɓɛɛ. Naa zang ɓɔɔ shaa borodi keɓe, nwáng ningkãari dòndòng. Ɓi bii mɛɛ kɔ borodi keɓe, ɓɔɔ n naa mãlɛ́, tɔ̀ɔ, zang koo ri walɛ suru bii ɓɛɛ.”

Zang Shonang Yeesɔ 2:37

Ɓɔɔ zang ri tãa ruu keɓe, kpãa ri ka yeti dɔɔli, a ri hɛ̃ɛ Bituru nɛɛ rɛɛ zang shonang ɓɔɔ nimbang tɔɔ, “Rɛɛ manzung, rúu palɛ ɓu kaa viya?”

Zang Shonang Yeesɔ 4:31

Ri hangsɛ nyaa Laa gaanang tɔ, a nɔng ɓɔɔ ri kpalɛ yuu, ruutu. Suru Laa a ka bii ɓarɛ, a ri gaa tɔɔsung Ruu Laa kɔɔnang, ri kaa vɔrɔ kpang.

Zang Shonang Yeesɔ 5:33

Ɓɔɔ rɛɛ zang ɓɔɔ ri jɛ̃ɛ zang ruu, ri tãa ruu keɓe gnvɔ shaa ri dɔɔli, ri kasɛ nɛɛ ri nyɔ rɛɛ zang shonang Yeesɔ keɓe kaa vɔrɔ.

Zang Shonang Yeesɔ 7:38

Musa keɓe kɔ nwang nɛɛ rɛɛ zang Isirela ɓɔɔ ri kpalɛ zɔɔ ka jĩngti, a ɓɔɔ zang nyaa shonang Laa ɓɔɔ ka lapa ɓɔɔ rang wu yee ka kɔpɔ Sinayi ɓɛɛ, a ɓɔɔ rɛɛ dabang ɓuru. Wukɔ ti tà ruu rúu Laa ɓɔɔ a zang suru bii ɓɛɛ, a á ruu.

Rooma 1:16

Yusɛ̃ɛ Ruu Tɔ̃ɔ Laa kɔɔnang tuu m kpang. Ruu Tɔ̃ɔ Laa kɔ naa vuu palɛnang Laa ɓɔɔ wu ta yuu zang piti, ɓɔɔ ri shing danggn tɔ nɛɛ mani ɓɛɛ. Zang Yahudi kɔ shɔɔnang, wu tɛɛ zang ɓɔɔ zang Yahudi kpang ɓɛɛ.

1 Koranti 1:24

Zang ɓɔɔ Laa shɛ̃ɛrɛ katɔ nɛɛ ri nwáng zang ɓiɓɛ, zang Yahudi nɛɛ zang Heleni piti, ri zi ɓarɛ tɔ nɛɛ, naa vuu palɛnang Laa ɓuru ka bìí Yeesɔ Kirisi kɔ, a wukɔ ti tusu ri naa ɓɔɔ zũnang Laa nwang ɓɛɛ.

2 Koranti 2:17

Ruu ɓuru naa zang dɔɔli ɓɔɔ, Ruu Laa nwàng ri ɓarɛ kaa gbalang ɓɔɔ ri kãa vuu shaanang nɛɛ mani ɓɛɛ kpang. Ruu palɛ shonang ɓuru nɛɛ yeti gbete. Ruu kɔɔ Ruu Laa ɓuru naa ɓɔɔ Laa tusu ruu gbalang ɓɛɛ. Naa zang nyaa shonang ɓiɓɛ, a ɓɔɔ kaa naa zang shonang Yeesɔ Kirisi.

2 Koranti 4:2

Rùu dɔ̃ vuu ɓɔɔ zang waasɛ katɔ, nɛɛ vuu yusɛ̃ɛ tɔ piti nɛɛ kaa. Ruu palɛ vuu tɔ̀ɔ́ nɛɛ sèé kpang. Ruu ti risi Ruu Laa tɔ̀ɔ́ wu raa sèé kpang. Ruu kɔɔ rúu ɓɔɔ niizang ka dalɛ, ka tĩng Laa. Ruu kasɛ nɛɛ zang ɓu wu zi ka yeti ɓiɓɛ nɛɛ ruu ɓuru zang tɔ̃ɔ.

Afisa 5:13

Nɔng ɓɔɔ yakɛ katɔ, tùsú zang naa ɓɔɔ vuu keɓe nwàng ɓɛɛ.

Afisa 5:26

Nɛɛ tɔ̀ɔ, wu shing ri, ri nwang zang Laa nɛɛ naa vuu palɛnang ruu ɓiɓɛ, ka knti ɓɔɔ wu sɔɔ ri tɔ nɛɛ mii ɓɛɛ.

Afisa 6:17

Nɔɔ nɛɛ kasɛ tɔ, Laa nɛɛ ta yuu manɛ tɔ, nwang nɔɔ kaa naa wàálaa ɓɔɔ nɔɔ hãa ka yuu ɓɛɛ. Ruu Laa wu nwang nɔɔ ɓi kaa naa yere bang, ɓɔɔ Suru Laa a nɔɔ ɓɛɛ.

1 Tesalonika 2:13

A vuu ɓɔɔ shingnɛ ruu zãa Laa diki diki ɓɛɛ kagn. Ruu atɛ nɔɔ ruu ɓɔɔ Laa shong nyaa nɛɛ mani ɓɛɛ, nɔɔ tãayi, a nɔɔ tarɛ. Wu naa nyaa shonang shɔnzang kpang, naa nyaa shonang Laa. Ti nyaa shonang Laa kɔ niizang. Ka ruu nɔngkɔ, Ruu Laa ti kɔ̃̀sɔ́ yeti manɛ kana ɓɔɔ nɔɔ shing danggn tɔ ɓɛɛ.

1 Tesalonika 5:23

Laa ɓɔɔ shing zang, zang ri nwang ka nyaa zɔɔ, wu palɛ nɔɔ, nɔɔ nwang zang tɔ̃ɔ dɔ̃ɔ gbete. Wu shingnɛ zang ɓɔɔ wu tɔɔ kpang nɛɛ nɔɔ palɛ vuu shi kpang tɔ kpang, ka diki ɓɔɔ Kpanti Yeesɔ Kirisi a kagn ɓɛɛ.

Yahudi 13:7

Danggn wu ning nɔɔ zang bang manɛ ɓɔɔ ri ràng nɔɔ yee Laa ɓɛɛ kpang. Nɔɔ pɛ̃́ɛrɛ́ vuu ɓɔɔ nwannang ɓarɛ nwàng ri ɓɛɛ, nɔɔ màsɛ̀ danggn shinnang ɓarɛ.

Yahudi 6:5

ri ti tãa tɔ̃ɔ Ruu Laa tɔ, a ri ti zi naa ɓɔɔ naa vuu palɛnang koo ɓɔɔ naa a ɓɛɛ nwang ɓɛɛ tɔ.

Yakubu 1:18

Wukɔ kasɛ nɛɛ yuu ɓiɓɛ, a shing rùu, rùu nwang wujɛ ɓiɓɛ, nɛɛ yee ɓiɓɛ ɓɔɔ niizang ɓɛɛ. Nɛɛ tɔ̀ɔ, ruu nwang kaa naa jamari rɛɛ vuu ɓɔɔ wu mã́arɛ̀ ɓɛɛ.

1 Bituru 1:23

Nɔɔ zi tɔ nɛɛ Laa yi nɔɔ tɔ shɔɔ tɔkn, nɛɛ bii ruu ɓiɓɛ ɓɔɔ a zang suru bii ɓɛɛ. Ruu ɓiɓɛ keɓe shing zang katɔ, zang palɛ vuu wu nwang ɓi dòndòng. Ɓi shɔnzang ɓɔɔ vɔ katɔ kɔ yi nɔɔ kpang, ɓi Laa ɓɔɔ vɔ ɓi jong kpang kɔ a nɔɔ suru bii keɓe nɛɛ yuu ɓiɓɛ.

Vuu ɓɔɔ zang nwangsɛ Yɔhana 1:16

Yiti sang manziti ka nakn ɓiɓɛ. Yere bang ɓɔɔ nyaa ziti nwáng nɛɛ nyaa ɓiɓɛ. Waa nyaa tĩng ɓiɓɛ, yakɛ naa laa yakɛ nɔng, bɛ̀ɛ́ kaa dãngdãng yuu.

Vuu ɓɔɔ zang nwangsɛ Yɔhana 19:15

Yere bang ɓɔɔ wɔng nyaa dɔɔli nwangnɛ nyaa ɓiɓɛ. Yere ɓɔɔ wu kúlù zang ɓɔɔ ri shing jĩng nɛɛ wu kpang ɓɛɛ, nɛɛ mani nandon. Naa roo kpanti ka yuu ɓarɛ nɛɛ laa naa yitinang kpanti, ɓɔɔ zang palɛ nɛɛ saka ɓɛɛ. Ti naa kãng jaa inabi ka too ɓɔɔ zang kãng kagn, ɓɔɔ ɓi wukɔ gnvɔ bang Laa, Laa ɓɔɔ ɓa zang piti katɔ ɓɛɛ.

Vuu ɓɔɔ zang nwangsɛ Yɔhana 19:21

A zang ɓɔɔ vang ka yuu gbantang nyɔkɔ zang nimbang kaa nɛɛ yere bang ɓɔɔ nwangnɛ nyaa ɓiɓɛ ɓɛɛ, a rɛɛ jaaning nandon ri arɛ ri shaa yɔpɔ ɓarɛ, ri puuyi.

Vuu ɓɔɔ zang nwangsɛ Yɔhana 2:16

Ka ruu nɔngkɔ, nɔɔ kɔ̃sɔ yeti ta. Naa nɔngkɔ kpang, n a ditɔ ka bii manɛ, n ta sĩiri nɛɛ ri nɛɛ yere bang ɓɔɔ nwáng nɛɛ nyaa mɛɛ ɓɛɛ.

Vuu ɓɔɔ zang nwangsɛ Yɔhana 2:23

N naa nyɔkɔ zang ɓɔɔ ri dũng wu vɔrɔ nandon. Tɔ̀ɔ, zang ɓɔɔ ri dũng Laa ka nɔng piti, ri zi kati nɛɛ nkɔ zang ɓɔɔ zi rɛ̃rɛnang zang tɔ nɛɛ yeti ɓarɛ piti ɓɛɛ. N a zang ɓu vuu ka doo shonang ɓɔɔ wu palɛ ɓɛɛ.

Vuu ɓɔɔ zang nwangsɛ Yɔhana 20:4

A n ti zi rɛɛ laa nwannang kpanti gaagaa, zang ɓɔɔ zang a ri naa nɛɛ ri jɛ̃ɛ zang ruu ri nwalɛ kagn. N ti zi suru bii rɛɛ zang ɓɔɔ zang dɔlɔ ri yuu, ka ruu ɓɔɔ ri shing danggn tɔ, ka vuu ɓɔɔ Yeesɔ tusu ri ɓɛɛ. A ka ruu ɓɔɔ, ri kɔɔ zang Ruu Laa ɓɛɛ. Zang ɓɔɔ ri bang yɔpɔ jĩngti kpàng, ri ti bang vuu ɓɔɔ zang palɛ nwang wu katɔ kpàng ɓɛɛ. Ri ti kasɛ kpang nɛɛ zang ɓang ri vuu ɓiɓɛ ka nyaa tĩng kpang, zang ti ɓang ri ka naa kpang. Ri nwáng tɔkn nɛɛ sàa ningkãari, ri roo kpanti nɛɛ Yeesɔ Kirisi saa labang gbete. Wee paa yunang nɛɛ sàa ɓɔɔ tĩng shɔɔnang kɔ.