Yahudi 4:11 - Nyaa Shɔɔ Ɓɔɔ Laa a Ɓɛɛ

¹¹ Ka ruu nɔngkɔ, ruu palɛ vuu ɓɔɔ ruu zunung katɔ ɓɛɛ, ruu daa nɔɔ nɔng ɔ̃sɔnang kaɓa. Zang ɓɔɔ ka teteng ɓuru wu ta nyaa Laa naa ɓɔɔ ri palɛ, a ri daa nɔng ɔ̃sɔnang Laa kpang ɓɛɛ kpang.

Yahudi 4:11 ပူးပေါင်းရင်းမြစ်များ

Matiyu 11:12

Zang yeti shi kpang gaa tɔɔsung Kpanti roonang Laa lasɛnang nɛɛ diki ɓɔɔ Yɔhana ɓɔɔ palɛ zang batizima rang yee Laa ɓɛɛ. Ri ti kãa gbalang ɓɔɔ ri ta ɓɛɛ doo kana kɔ sasak.

Matiyu 7:13

“Nɔɔ tú nɛɛ nyaa gãa ɓɔɔ tɔ̃ntɔ̃rɔng ɓɛɛ, ka ruu ɓɔɔ, nyaa gãa ɓɔɔ daa ka nɔng vɔrɔ, bang ɓi katɔ ɓɛɛ. Gbalang ɓɔɔ zang daa nɔng vɔrɔ kaɓa nɛɛ mani, ti kpãa ɓi kpang. “Zang ɓɔɔ ri tú nɛɛ nyaa gãa keɓe dɔɔli.

Luka 13:24

“Nɔɔ lakɛ yuu, nɔɔ tu yeti gãa nɛɛ nyaa gãa ɓɔɔ tɔ̃ntɔ̃rɔng ɓɛɛ, ka ruu ɓɔɔ, n kɔɔ nɔɔ, zang dɔɔli ri naa kãa gbalang tunang, ri walɛ kpang ɓɛɛ.

Luka 16:16

“Labeenang Laa ɓɔɔ Musa beeyi nɛɛ ɓɔɔ zang nyaa shonang Laa piti, zang palɛ shonang nɛɛ wukɔ, a nɛɛ mani ka yuu Yɔhana ɓɔɔ pàlɛ́ zang batizima ɓɛɛ. Zang gaayu Ruu Tɔ̃ɔ Kpanti roonang Laa kɔɔnang doo nɛɛ diki Yɔhana kɔ. Zang ɓu ti ĩi ɓi yuu, tɔ̀ɔ, wu shɛ̃ɛyi.

Yɔhana 6:27

Nɔ́ɔ dang jĩng nɛɛ nɔɔ kãa vuu shaanang ɓɔɔ lasɛ katɔ ɓɛɛ kpang. Nɔɔ dang jĩng ka nɔng vuu shaanang ɓɔɔ lasɛ kpang dòndòng, ɓɔɔ n Jaa Shɔnzang n naa a nɔɔ ɓɛɛ. Ka ruu ɓɔɔ, wukɔ zang ɓɔɔ Laa tusu nɛɛ wu a wu naa tɔ ɓɛɛ.”

Zang Shonang Yeesɔ 26:19

“Ka ruu nɔngkɔ, kpanti Agiripa, n ta nyaa vuu ɓɔɔ n zi nɛɛ lapa ɓɛɛ kpang.

Afisa 2:2

Ka laa kaɓa, nɔɔ nwang manɛ nwannang keɓe kɔ, nɔɔ dũlu manɛ gbalang vuu shi kpang ɓɔ̀ɔ́ koo keɓe. Nɔɔ ɓaa shoo manɛ ka nyaa kpanti rɛɛ suru shi kpang. Suru keɓe kɔ ka yeti zang ɓɔɔ ri dũng nyaa ɓɔɔ Laa dang ɓɛɛ kpang ɓɛɛ.

Afisa 5:6

Zang ɓɔɔ wu nwãarɛ nɔɔ nɛɛ nyaa shoko kpang. Ɓi ka ruu rɛɛ vuu shi kpang keɓe kɔ, gnvɔ shaa Laa nɛɛ zang ɓɔɔ ri dũng nyaa ɓiɓɛ kpang ɓɛɛ.

Filipi 2:12

Ka ruu nɔngkɔ, masang ɓɔɔ n kasɛ nɔɔ dɔɔli ɓɛɛ, naa ɓɔɔ nɔɔ ɓaa shoo ka nyaa mɛɛ diki diki, bɛ̀ɛ́ n doo nɛɛ nɔɔ ɓɛɛ, nɔɔ ɓaa shoo kaa nyaa mɛɛ gbãng gbãng ka wee kãntang n tɔ̀ɔ́ nɛɛ nɔɔ kpang ɓee. Nɔɔ yi tĩng nɔ́ɔ palɛ vuu ɓɔɔ shingnɛ yuu manɛ ɓɔɔ Laa ta tɔ ɓɛɛ, wu nwang kaa nyaa kiiri. Nɔɔ palɛ vuu keɓe nɛɛ vɔrɔ kaanang nɛɛ bii zaanang.

Kolosi 3:6

Ka ruu rɛɛ vuu ɓɔɔ naa weɓe kɔ, Laa naa dǎng zang ɓɔɔ ri ta nyaa ɓɔɔ wu dang ɓɛɛ jĩng.

Titu 1:16

Ri kɔ̀ɔ́ ɓarɛ nɛɛ ri zi Laa tɔ, a vuu ɓɔɔ ri palɛ tusu kaa nɛɛ ri zi Laa nung kpang. Ri ɓarɛ vuu ɓɔɔ zang bɛ̃ɛ katɔ ɓɛɛ, ri ɓaa shoo ka nyaa zang kpang, ri daa naa vuu tɔ̃ɔ palɛnang ɓarɛ kpang tingkiring.

Titu 3:3

Ka ruu ɓɔɔ, ɓeleng ruu nɛɛ yuu ɓuru bɛ̀ɛ́ ruu palɛ vuu shoko, ruu ɓaa shoo ka nyaa Laa kpang, zang nwãarɛ ruu. Ruu nwang ɓuru jaafoo, vuu ɓɔɔ bii ɓuru kasɛ ɓɛɛ, nɛɛ vuu ɓɔɔ shingnɛ zang tãa tĩnang ɓɛɛ ka zɔ̃ng zɔ̃ng. Ruu sùúkãng ka nɔng vuu shi kpang palɛnang nɛɛ sũnyaa kaanang. Zang piti bɛ̃ɛ ruu katɔ, a ruu ti bɛ̃ɛ zang piti.

Yahudi 3:12

Rɛɛ manzung, nɔɔ palɛ waasɛ̃, zang gbete ka teteng manɛ, nɛɛ tá yeti ɓɔɔ vuu shi kpang kagn, a ti shing danggn ɓi kpang ɓɛɛ, yeti ɓɔɔ shing wu, wu ràa Laa ɓɔɔ ningkãari yuu knti ɓɛɛ.

Yahudi 3:18

Laa tũng rɛɛ wi vuu nɛɛ ri a nɔng ɔ̃sɔnang ɓiɓɛ kpang wiya? Ɓi doo zang kaɓa ɓɔɔ ri ɓaa shoo ka nyaa ɓiɓɛ kpang ɓɛɛ.

Yahudi 4:6

A zang yàa kaa zang ɓɔɔ gbalang, nɛɛ ri daa ɔ̃sɔ nɛɛ Laa. Zang ɓɔɔ rikɔ tãa Ruu Tɔ̃ɔ Laa shɔɔnang, ri daa ɔ̃sɔ nɛɛ Laa kpang, ka ruu ɓɔɔ, ri shing danggn kpang ɓɛɛ.

Yahudi 6:11

Rùu kasɛ zang ɓu ka teteng manɛ wu shing yuu kagn, diki ɓɔɔ koo waa nyaa wu a nɛɛ mani. Tɔ̀ɔ, wu wàlɛ̀ vuu ɓɔɔ wu shing gn kagn ɓɛɛ kati.

2 Bituru 2:6

Ɓɔɔ rɛɛ gari Sɔɔdom nɛɛ Gomora dòo nɔngkɔ, Laa ti dɔng zang ɓɔɔ ri nwalɛ kagn ruu. A dɔɔ rɛɛ gari ziti keɓe dɔ̃ɔ gbete nɛɛ waa, yaa pũngku ɓarɛ kɔ shɛ̃ɛning ka tipi. Wee tusu zang nɛɛ zang ri zi naa ɓɔɔ wu dang zang ɓɔɔ ri naa dũ̀ng nyaa ɓiɓɛ kpang jĩng ɓɛɛ.