Yahudi 3:1 - Nyaa Shɔɔ Ɓɔɔ Laa a Ɓɛɛ

¹ Ka ruu nɔngkɔ, rɛɛ manzung ɓɔɔ nɔɔ doo zang Laa kɔ ɓɛɛ, ɓɔɔ Laa ɓáa nɔɔ nyaa tɔ jong ɓɛɛ. Nɔɔ shing rɛ̃rɛnang manɛ ka bii Yeesɔ, ɓɔɔ wukɔ zang shonang nɛɛ kpanti zang ɓɔɔ ri dɔɔ vuu ka Gãa Laa ɓɔ̀ɔ́ danggn kɔ ruu shing ɓee.

Yahudi 3:1 ပူးပေါင်းရင်းမြစ်များ

Yɔhana 17:3

Suru bii ɓɔɔ waa nyaa kpang, ɓi zinang ɓɔɔ zang zirɛ nɛɛ mɔkɔ gbete, Laa ɓɔɔ niizang ɓɛɛ, a ɓɔɔ nkɔ Yeesɔ Kirisi ɓɔɔ mɔɔ shong m ɓɛɛ.

Yɔhana 20:21

Yeesɔ kɔɔ ri tɔkn tɔɔ, “Yeti manɛ wu lasɛ kpang. Naa ɓɔɔ Daa shong m ka koo, n shong nɔɔ doo nɔngkɔ ka koo.”

Yɔhana 20:27

A kɔɔ Tooma tɔɔ, “Hãa saa naa ɓaaɓɛ ka nihn, mɔɔ ti pɛ̃ɛrɛ naa mɛɛ. Mɔɔ dĩi naa ɓaaɓɛ, mɔɔ hãa ka kagn buru mɛɛ. Mɔ́ɔ nwàng wu zang ɓɔɔ yaa gn naa kpang, nwang ɓaa zang ɓɔɔ shing danggn ɓɛɛ.”

Zang Shonang Yeesɔ 1:15

Ka diki ɓɔɔ kagn, zang ɓɔɔ ri shíng danggn tɔ laa maani tu bmati, ri kpalɛ zɔɔ. A Bituru seepaa a shiiyi, rang yee.

Rooma 11:17

Zang dɔlɔ nasãng laa inabi ɓɔɔ zang ɓaa katɔ ɓɛɛ tɔ, a zang atɛ nasãng laa inabi ɓɔɔ ta nɛɛ yuu ɓiɓɛ ka waala zang naa tiisi ka nɔng ɓarɛ. A nɔɔ ɓɔɔ nɔɔ nwang naa laa inabi ɓɔɔ ta ka waala ɓɛɛ, kãntang keɓe nɔɔ wàlɛ́ manɛ kaa vuu tɔ̃ɔ ɓɔɔ a nɛɛ bii laa inabi ɓɔɔ zang ɓaa katɔ ɓɛɛ.

Rooma 15:27

Rikɔ zɔ̃ng nɛɛ yeti ɓarɛ nɛɛ ri palɛ. Niizang, daa ɓɔɔ ri yi zang ɓɔɔ vuu ka naa ɓarɛ kpang naa katɔ ka bii. Zang ɓɔɔ ri zang Yahudi kpang, ri walɛ vuu tɔ̃ɔ ɓɔɔ Laa a zang Yahudi ka ruu suru ɓarɛ ɓɛɛ tɔ jong. Daa naa ɓɔɔ zang ɓɔɔ ri zang Yahudi kpang ri bàsɛ́ vuu naa ɓarɛ tɔ jong nɛɛ zang Yahudi.

Rooma 15:8

N kɔ̀ɔ nɔɔ, Kirisi nwàng zang ɓɔɔ palɛ zang Yahudi shonang, tɔɔ, wu tusu nɛɛ Laa palɛ vuu ɓɔɔ wu kɔɔyi nɛɛ wu pálɛ̀ ɓɛɛ katɔ. Tɔɔ, wu shingnɛ, nyaa ɓɔɔ wu a rɛɛ dabang ɓuru wu nwang kaa niizang.

Rooma 9:24

Ka ruu ɓɔɔ, ɓi rukɔ zang ɓɔɔ wu zɔ̃ngkɔ ruu ɓɛɛ. Zɔ̃ngkɔ ruu ka teteng zang Yahudi kɔ shɛ̃ɛning kpang, zɔ̃ngkɔ jong ka teteng zang ɓɔɔ ri zang Yahudi kpang ɓɛɛ.

1 Koranti 1:2

Ruu bèé zang ɓɔɔ ri dũng Laa, ɓɔɔ ri ka Koranti ɓɔɔ nɔɔ shing danggn tɔ ka bii Yeesɔ Kirisi ɓɛɛ. Laa zɔ̃ngkɔ nɔɔ nɛɛ nɔ́ɔ nwang zang ɓiɓɛ nɛɛ tɔɔ, nɔ́ɔ arɛ nɔ́ɔ nwang naa zang piti ɓɔɔ ri a nɛɛ dalɛ koo piti ɓɔɔ ri ɓaarɛ nung Kpanti ɓuru Yeesɔ Kirisi, ɓɔɔ wukɔ Kpanti ɓuru nɛɛ ri ɓɛɛ.

1 Koranti 10:17

Ɓɔɔ ruu shaa borodi kaɓa, ruu dɔɔli, a borodi ɓɔɔ ruu shaayi, ɓi kaa gbete. Wukɔ tusu ruu nɛɛ ruu ɓuru gbete nɛɛ zɔɔ.

1 Koranti 9:23

N palɛ vuu keɓe piti ka ruu, Ruu Tɔ̃ɔ Laa. Tɔ̀ɔ, n naa walɛ tɔ̃ɔ ɓɔɔ a ka bii zang ka ruu Ruu Tɔ̃ɔ Laa kaa jong.

2 Koranti 1:7

Ka ruu nɔngkɔ, ruu yaa gn ɓɔɔ ruu shing ka bii manɛ kpang. Ka ruu ɓɔɔ, ruu zi tɔ nɛɛ naa wee nɔɔ dang jĩng tɔ naa ɓɔɔ ruu dang ɓee, Laa mã nɔɔ danggn kana naa ɓɔɔ wu mã ruu ɓɛɛ.

2 Koranti 9:13

Shonang tɔ̃ɔ kɔ nɔɔ palɛ ɓee, wukɔ tusu zang nɛɛ nɔɔ manɛ zang ɓɔɔ ri dũng Laa niizang ɓɛɛ. Zang ɓɔɔ ri dũng dòo Laa kɔ, ri dɔɔ Laa ka ruu naa ɓɔɔ nɔɔ kɔɔ zang Ruu Tɔ̃ɔ Yeesɔ Kirisi, a nɔɔ palɛ vuu ɓɔɔ ruu keɓe kɔɔ ɓɛɛ katɔ ɓɛɛ. Ri ti dɔ̀ɔ Laa ka ruu naa ɓɔɔ nɔɔ basɛ vuu manɛ, nɔɔ á ri nɛɛ yeti gbete, a nɔɔ ti á ɓɔɔ zang ɓɔɔ ri shing danggn tɔ jong ka bii Laa ɓɛɛ.

Afisa 3:6

Vuu waasɛnang keɓe, ɓi ka wukɔ, nɛɛ bìí Ruu Tɔ̃ɔ Laa, Laa shingnɛ zang ɓɔɔ ri zang Isirela kpang, ri nwang wujɛ Daa kaa jong nɛɛ zang Isirela. Ri nandon ri nwang kaa gbete ka nyaa ɓɔɔ Laa a nɛɛ bìí Yeesɔ Kirisi ɓɛɛ.

Afisa 4:1

Ka ruu nɔngkɔ, ǹ ɓɔɔ, zang mã m ka sãa ka ruu ɓɔɔ ǹ palɛ Kpanti Yeesɔ shonang ɓɛɛ, n kɔ̀ɔ́ nɔɔ, nɔɔ nwang nwannang ɓɔɔ daa naa nyaa ɓaanang ɓɔɔ Laa ɓàa nɔɔ ɓɛɛ.

Afisa 4:4

Zang ɓɔɔ ri shing danggn tɔ ka bii Laa, ri kaa bii gbete, a Suru Laa ti gbete, naa ɓɔɔ gn shinnang ɓɔɔ Laa ɓaa nɔɔ nyaa ka ruu ɓiɓɛ ti doo gbete kɔ ɓɛɛ.

Filipi 3:14

N daa nɛɛ tĩng kɔ sasak, tɔ̀ɔ, n daa shɛ̃ɛ nɔng ɓɔɔ n shing jĩng kagn ka tĩng ɓɛɛ. Tɔ̀ɔ, n naa walɛ vuu ɓɔɔ Laa ɓaa m nyaa nɛɛ n naa walɛ nɛɛ bii Yeesɔ Kirisi ɓɛɛ. Laa nɛɛ, n naa nwang nɛɛ wu ka lapa.

Kolosi 1:12

Tɔ̀ɔ, nɔ́ɔ dɔ̀ɔ Laa ɓɔɔ wukɔ Daa ɓuru kati, nɔɔ tãa tĩnang. Laa ɓɔɔ shingnɛ nɔɔ dàa naa ɓɔɔ nɔɔ wàlɛ́ vuu jong ka teteng vuu ɓɔɔ wu shing zang ɓiɓɛ ka nɔng ɓɔɔ wu roo kpanti kagn, ɓɔɔ yakɛ ɓi katɔ ɓɛɛ.

Kolosi 1:22

A kãntang keɓe, ka ruu vɔrɔ Jaa ɓiɓɛ, nɔɔ raa wusang Laa tɔ, nɛɛ tɔ̀ɔ, wu atɛ nɔɔ kaa tĩng ɓiɓɛ, nɔɔ kaa zang ɓiɓɛ ɓɔɔ shi kpang ka bii manɛ kpang ɓɛɛ.

Kolosi 3:12

Ka ruu ɓɔɔ, nɔɔ manɛ kaa zang Laa. Laa kasɛ nɔɔ, a zɔ̃ngkɔ nɔɔ, nɛɛ nɔ́ɔ nwang kaa ɓɔɔ ɓiɓɛ. Nɔɔ nwang zang ɓɔɔ gň zang kɔng nɔɔ katɔ ɓɛɛ, nɔɔ pàlɛ̀ zang tɔ̃ɔ, nɔɔ tuu yuu kpang, nɔ́ɔ pálɛ̀ vuu hakaka kpang, nɔɔ mã gn katɔ.

1 Tesalonika 2:12

Ruu tusu nɔɔ vuu ɓɔɔ daa bii katɔ ɓɛɛ. Ruu mã nɔɔ danggn, ruu yi tĩng, ruu kɔɔ nɔɔ nɛɛ nɔɔ nwang zɔ̃ng nwannang ɓɔɔ shing Laa, Laa tãa tĩnang ɓɛɛ. Laa ɓɔɔ ɓáa nɔɔ nyaa nɛɛ nɔɔ naa nwang jong ka teteng zang ɓɔɔ wu nwang kpanti ɓarɛ ɓɛɛ, nɔɔ zi bannang ɓiɓɛ.

1 Tesalonika 5:27

N ɓakɛ nɔɔ nɛɛ Laa, nɔɔ gã labeenang keɓe ka nɔng zang ɓɔɔ ri dũng Laa nandon.

2 Tesalonika 1:11

Vuu ɓɔɔ shingnɛ ruu gaa nɔɔ Laa diki diki ɓɛɛ kɔ. Ruu kɔɔ Laa ɓuru nɛɛ wu shingnɛ nɔ́ɔ daa naa nwannang kɔ wu ɓàa nɔɔ nyaa nɛɛ nɔɔ nwang ɓee katɔ. Wu ti shingnɛ nɔɔ palɛ tɔ̃ɔ ɓɔɔ nɔɔ kasɛ nɛɛ nɔɔ palɛ ɓɛɛ nandon. Wu ti yi nɔɔ naa ka bii nɛɛ naa vuu palɛnang ɓiɓɛ, nɔ́ɔ nwang nwannang ɓɔɔ daa naa ɓɔɔ zang ɓɔɔ ri shing danggn tɔ ɓɛɛ.

2 Tesalonika 2:14

Laa ɓaa nɔɔ nyaa nɛɛ nɔɔ nwang zang ɓiɓɛ nɛɛ Ruu Tɔ̃ɔ ɓɔɔ ruu kɔɔ nɔɔ ɓɛɛ. Ɓaa nɔɔ nyaa nɛɛ nɔɔ naa tãa tĩnang jong ka ruu bannang Kpanti ɓuru Yeesɔ Kirisi.

1 Timoti 6:12

Ĩi yuu kagn ka gbalang danggn kɔ ruu shing ɓee. Yiti suru bii ɓɔɔ waa nyaa kpang ɓɔɔ mɔɔ walɛ tɔ ɓɛɛ gbãng gbãng. Wee suru bii ɓɔɔ Laa ɓaa mɔɔ nyaa ka ruu ɓiɓɛ kɔ, ka ɓɔɔ mɔɔ kasɛ nyaa ka shoo zang dɔɔli nɛɛ mɔɔ shing danggn tɔ ka bii Yeesɔ Kirisi ɓɛɛ.

1 Timoti 6:2

Ka teteng manɛ ɓɔɔ nɔɔ jaafoo ɓɛɛ, dabang gãa zang ɓɔɔ nɛɛ dũng Laa, nɔɔ risi ri naa vĩi, ka ruu ɓɔɔ, ri dũng doo Laa kɔ ɓɛɛ kpang. Nɔ̀ɔ pàlɛ̀ ri shonang gbãng gbãng kɔ jong. Ka ruu ɓɔɔ, dabang gãa manɛ ri ɓarɛ doo zang ɓɔɔ ri dũng doo Laa kɔ, a nɔɔ ti kasɛ ri manɛ katɔ ɓɛɛ. Tusu zang vuu keɓe, mɔɔ ti kɔɔ ri nɛɛ ri palɛ nɔngkɔ.

2 Timoti 1:9

Wukɔ ɓàa ruu nyaa, a tà yuu ɓuru, nɛɛ ruu nwang nwannang tɔ̃ɔ. Wu ka ruu vuu ɓɔɔ ruu pálɛ̀ ɓɛɛ kpang, ɓi ka ruu tɔ̃ɔ ɓɔɔ wu mang ka yeti ɓiɓɛ ɓɛɛ. Laa pàlɛ̀ ruu tɔ̃ɔ ɓiɓɛ nɛɛ bii Yeesɔ Kirisi bɛ̀ɛ́ zang mãa koo gn kpang.

2 Timoti 2:7

Rɛ̃rɛ ka yuu vuu kɔ n kɔɔ mɔɔ ɓee waasɛ̃, ka ruu ɓɔɔ, Laa a mɔɔ gbalang ditɔ mɔɔ zi vuu ɓɔɔ kagn ɓɛɛ nandon.

Yahudi 10:19

Ka ruu nɔngkɔ rɛɛ manzung, ka ruu zĩi Yeesɔ ɓɔɔ tɛ̃̀ɛ ɓɛɛ, bii zaa ruu tɔ̀ɔ́ Nɔng Tɔ̃ɔ ɓɔɔ ɓa nɔng piti, daanang kpang.

Yahudi 10:21

A wee zang bang ɓuru kagn ɓɔɔ dɔɔ Laa vuu, ɓɔɔ wukɔ zang bang ka Gãa Laa ɓee.

Yahudi 10:23

Rúu yiti vuu ɓɔɔ ruu kɔ̀ɔ ka yuu danggn ɓɔɔ ruu shing ɓɛɛ gbãng gbãng, rɛ̃rɛnang ɓuru wu vãarɛ kpang. Ka ruu ɓɔɔ, zang ɓɔɔ a nyaa, ɓi zang ɓɔɔ palɛ vuu ɓɔɔ wu a nyaa kagn katɔ ɓɛɛ.

Yahudi 13:22

Rɛɛ manzung, n gaa nɔɔ, nɔ́ɔ mã danggn nɛɛ rúu kɔ n mã nɔɔ danggn nɛɛ mani ɓee. Vuu kɔ n bee nɔɔ ɓee, ɓi dɔɔli kpang.

Yahudi 2:11

Zang ɓɔɔ shingnɛ zang nwang zang tɔ̃ɔ, nɛɛ zang ɓɔɔ zang shing ri, ri nwàng zang tɔ̃ɔ piti, Daa ɓarɛ gbete. Ka ruu nɔngkɔ, yusɛ̃ɛ tuu Yeesɔ ka ɓɔɔ wu ɓaa ri nɛɛ rɛɛ ɓeezung ɓɛɛ kpang.

Yahudi 2:17

Ka ruu nɔngkɔ, wu nwang naa rɛɛ ɓeezung kɔ gbãng gbãng ka vuu piti, tɔ̀ɔ, wu nwang kpanti zang ɓɔɔ ri dɔɔ vuu ka Gãa Laa kati. Ɓɔɔ gn zang kɔng wu katɔ, a ti zang ɓɔɔ zang shing gn katɔ ka bii ɓiɓɛ ɓɛɛ, ka shonang ɓɔɔ wu pàlɛ́ Laa ɓiɓɛ ɓɛɛ. Tɔ̀ɔ, wu a zang yuu ɓiɓɛ, zang nyɔ wu vɔrɔ, vuu keɓe wu shingnɛ, Laa wu kɔsɔ zang vuu shi kpang ɓarɛ kati.

Yahudi 3:12

Rɛɛ manzung, nɔɔ palɛ waasɛ̃, zang gbete ka teteng manɛ, nɛɛ tá yeti ɓɔɔ vuu shi kpang kagn, a ti shing danggn ɓi kpang ɓɛɛ, yeti ɓɔɔ shing wu, wu ràa Laa ɓɔɔ ningkãari yuu knti ɓɛɛ.

Yahudi 3:14

Ka ruu ɓɔɔ, ruu ɓuru kaa zang ɓɔɔ ri walɛ vuu ka bii Kirisi ɓɛɛ. Ruu nɛɛ yaa gn ɓɔɔ ruu gaayu, ruu shingnɛ kpang, diki ɓɔɔ koo waa nyaa wu a nɛɛ mani ɓɛɛ.

Yahudi 6:20

Nɔng ɓɔɔ Yeesɔ kɔ daa tĩng shɔɔnang, ka nung ɓɔɔ ruu nɛɛ dàa ɓɛɛ. Ka knti ɓɔɔ nwang kpanti zang ɓɔɔ ri dɔɔ vuu ka Gãa Laa tɔ dòndòng, naa ɓɔɔ Malakisadak nwang ɓɛɛ.

Yahudi 7:26

Zɔ̃ng kpanti zang ɓɔɔ ri dɔɔ vuu ka Gãa Laa keɓe, ɓɔɔ ruu kasɛ ɓɛɛ kɔ. Zang ɓɔɔ shi kpang ka bii ɓiɓɛ kpang, ɓɔɔ zang dãa wu kpang, ɓɔɔ ɓi kankalang ɓɛɛ, a zang zɔ̃ng wu katɔ nɛɛ teteng zang ɓɔɔ ri palɛ vuu shi kpang, zang shing wu dang gbete, ɓɔɔ zang a wu nɔng nwannang ka lapa kpala kpala.

Yahudi 7:28

Ka ruu ɓɔɔ, nyaa dannang Musa zɔ̃ng ɓi zang ɓɔɔ ri palɛ vuu shi kpang katɔ, ri nwang kpanti zang ɓɔɔ ri dɔɔ vuu ka Gãa Laa ɓɛɛ. A zang ɓɔɔ Laa zɔ̃ng wu nɛɛ knti, a tũng vuu kagn, zang keɓe, palɛ vuu shi kpang ɓi gngn kpang tingkiring.

Yahudi 9:11

A wee Kirisi a ɓi tɔ, wukɔ kaa kpanti zang ɓɔɔ ri dɔɔ vuu ka Gãa Laa, ka yuu rɛɛ vuu tɔ̃ɔ ɓɔɔ ri ɓarɛ kaa nihn kɔ nwani ɓɛɛ. Putali ɓɔɔ Kirisi palɛ shonang ka yeti ɓiɓɛ, ɓa weɓe katɔ, a ɓi ti nyaa kiiri. Ɓi shɔnzang palɛ kpang, a ɓi ti ka koo keɓe kpang.

Yahudi 9:15

Ka ruu ruu keɓe kɔ, Kirisi shing tɔ, Laa mã nyaa shɔɔ nɛɛ ruu. Tɔ̀ɔ, zang ɓɔɔ Laa ɓaa ri nyaa, ri walɛ vuu ɓɔɔ Laa a ri nyaa ka yuu ɓiɓɛ ɓɛɛ, gbinggbing. Ka ruu ɓɔɔ, Kirisi ɓɔɔ vɔ tɔ, ta ri tɔ nɛɛ jĩng ɓɔɔ zang nɛɛ dang ri, ka ruu vuu shi kpang ɓɔɔ ri palɛ, bɛ̀ɛ́ ri dũng doo nyaa tĩng shɔɔnang ɓɔɔ Laa mã́ nɛɛ ri ɓɛɛ.

1 Bituru 2:9

Ɓɔɔ manɛ, nɔɔ manɛ zɔ̃ng zang ɓɔɔ Laa shɛ̃ɛrɛ ri katɔ ɓɛɛ, rɛɛ zang ɓɔɔ ri dɔɔ vuu ɓɔɔ ri shong kpanti ɓɛɛ. Nɔɔ manɛ zɔ̃ng zang ɓɔɔ Laa shɛ̃ɛrɛ ri nɛɛ nɔɔ nwang zang ɓiɓɛ ɓɛɛ. Laa shɛ̃ɛrɛ nɔ́ɔ nɛɛ nɔɔ kɔɔ zang rɛɛ vuu bang bang, ɓɔɔ tɔ̃ɔ tɔ̃ɔ, ɓɔɔ wu pàlɛ̀ nɔɔ ka ɓɔɔ wu nwangsɛ nɔɔ nɛɛ nɔng ɓɔɔ tɔ̀ɔ katɔ ɓɛɛ. A átɛ̀ nɔɔ nɛɛ nɔ́ɔ nwang ka nɔng ɓiɓɛ ɓɔɔ yakɛ katɔ, ɓɔɔ zang zirɛ zang mã naa ka danggn ɓɛɛ.

1 Bituru 3:5

Zang soro ɓɔɔ ri ka tĩng tɛ̃ɛ tɛ̃ɛ ɓɔɔ ri shing jĩng ka bii Laa, ri gbárɛ́ bii ɓarɛ nɔngkɔ, ka ruu ɓɔɔ, ri gãsɛ yuu nɛɛ varɛ ɓarɛ kpang ɓɛɛ.

1 Bituru 5:1

Ruu ɓɔɔ n kɔɔ rɛɛ zang bang Gãa Laa ɓɔɔ ri ka teteng manɛ kagn. N m doo zang bang kɔ. N zi jĩng ɓɔɔ Kirisi dang ɓɛɛ nɛɛ jĩng mɛɛ. N ti naa walɛ bannang jong nɛɛ nɔɔ ka diki ɓɔɔ Laa naa a ruu bannang keɓe ɓɛɛ. Ka ruu nɔngkɔ, n gaa nɔɔ n tɔɔ nɔ́ɔ,

1 Bituru 5:10

Nɔɔ nɛɛ dang jĩng tɔ nɔngkɔ tɔkɔlɔng, Laa ɓɔɔ tɔ̃ɔ piti a nɛɛ bii ɓiɓɛ kɔ, ɓɔɔ wukɔ ɓaa nɔɔ nyaa nɛɛ nɔ́ɔ naa nwang nɛɛ Yeesɔ, ka nɔng bannang ɓiɓɛ dòndòng ɓɛɛ. Laa kɔ nɛɛ yuu ɓiɓɛ naa gbarɛ nɔɔ tɔkn, wu ti naa shingnɛ nɔɔ shii nɛɛ kaka ka yeti vuu piti.

1 Yɔhana 1:3

Vuu ɓɔɔ ruu zirɛ, ruu ti tãayi, ruu kɔ̀ɔ́ nɔɔ wukɔ. Tɔ̀ɔ, nɔ́ɔ nwang kaa jong nɛɛ ruu ka nyaa zɔɔ tɔ̃ɔ. Ruu nwàng ɓuru ka nyaa zɔɔ tɔ̃ɔ nɛɛ Daa ɓuru Laa, nɛɛ Jaa ɓiɓɛ Yeesɔ Kirisi.

Yahuza 1:1

Labeenang keɓe nɛɛ bii mɛɛ Yahuza, zang shonang Yeesɔ Kirisi, ɓɔɔ ti jaa nàá Yakub ɓɛɛ. N bèé zang ɓɔɔ Laa ɓaa ri nyaa ɓɛɛ. Ɓɔɔ Laa ɓɔɔ wukɔ Daa, kasɛ ri katɔ, a Yeesɔ Kirisi ti gãng jĩng ka ri ɓɛɛ.

Vuu ɓɔɔ zang nwangsɛ Yɔhana 17:14

Ri naa ta sĩiri nɛɛ Jaa Mɛ̀ɛrɛ́ Laa, a Jaa Mɛ̀ɛrɛ́ naa shaa ri katɔ, ka ruu ɓɔɔ, wukɔ kpanti ka yuu rɛɛ kpanti nandon. Kpanti roonang ɓiɓɛ, ɓa ɓɔɔ zang piti ɓɛɛ. Zang ɓiɓɛ ɓɔɔ wu zɔ̃ngkɔ, a ɓaa ri nyaa katɔ, ɓɔɔ ri dũng wu nɛɛ yeti gbete, ri naa shaa zang jong ka nyaa sĩiri nɛɛ wu.”

Vuu ɓɔɔ zang nwangsɛ Yɔhana 18:20

Zang ɓɔɔ ri ka lapa ɓɛɛ, ri tãa tĩnang ta, ka ruu ɓɔɔ, gari Babila shaarɛ tɔ ɓɛɛ. Nɔɔ tãa tĩnang jong, rɛɛ zang Laa, nɛɛ rɛɛ zang shonang ɓiɓɛ, nɛɛ rɛɛ zang nyaa shonang ɓiɓɛ, ka ruu ɓɔɔ, Laa dɔng wu ruu tɔ ka ruu vuu shi kpang ɓɔɔ bɛ̀ɛ́ palɛ nɔɔ ɓɛɛ.”