Yahudi 2:16 - Nyaa Shɔɔ Ɓɔɔ Laa a Ɓɛɛ

¹⁶ Niizang, Yeesɔ yi wu rɛɛ zang nyaa shonang Laa ɓɔɔ ri ka lapa naa ka bii kpang ɓɛɛ, “Yi ɓi rɛɛ zɔ̃ng Ibirayi naa ka bii.”

Yahudi 2:16 ပူးပေါင်းရင်းမြစ်များ

Rooma 2:25

Nɔɔ nɛɛ dũng nyaa ɓɔɔ Laa dang ɓɛɛ katɔ, shaa yeenang manɛ tɔ̃ɔ. Nɔɔ nɛɛ ta nyaa ɓɔɔ Laa dang ɓɛɛ katɔ, nɔɔ nɛ̀ɛ́ yee shaa kpang gbã̀ágbãa.

Galati 3:16

Ruu keɓe doo nɔngkɔ, Laa a ɓi Ibirayi nɛɛ zɔ̃ng ɓiɓɛ rɛɛ nyaa keɓe. Laa kɔɔ kpang ka yeti labeenang ɓiɓɛ nɛɛ, “Rɛɛ zɔ̃ng ɓaaɓɛ” Kpang. Nɛɛ nwàng kaa naa ráng yee ka yuu zang dɔɔli. Kɔɔyi tɔɔ, “Zɔ̃ng ɓaaɓɛ.” Rang yee ka yuu zang gbete kɔ nwani. Zang gbete keɓe wukɔ Kirisi.

Galati 3:29

Naa nɔɔ zang Yeesɔ Kirisi, nɔɔ manɛ kaa zɔ̃ng Ibirayi, a nɔɔ naa ta vuu ɓɔɔ Laa a nyaa ka yuu ɓiɓɛ katɔ.

Yahudi 12:10

Rɛɛ daa ɓuru ri gɔ̃ ruu shoo diki bee kpang, naa ɓɔɔ ri zirɛ daa ɓɛɛ. A shoo ɓɔɔ Laa gɔ̃ ruu nwǎng ɓi rukɔ tɔ̃ɔ, tɔ̀ɔ, ruu nwang kaa jong zang ɓɔɔ shi kpang ka bii ɓuru kpang naa wu.

Yahudi 2:15

A Yeesɔ yaa zang naa, zang ɓɔɔ ɓu doo ɓɔɔ ri nwangnɛ ɓɛɛ, ri nwang ɓarɛ naa jaafoo ka ruu ɓɔɔ ri kaa vɔrɔ, vɔrɔ ɓɛɛ.

Yahudi 2:17

Ka ruu nɔngkɔ, wu nwang naa rɛɛ ɓeezung kɔ gbãng gbãng ka vuu piti, tɔ̀ɔ, wu nwang kpanti zang ɓɔɔ ri dɔɔ vuu ka Gãa Laa kati. Ɓɔɔ gn zang kɔng wu katɔ, a ti zang ɓɔɔ zang shing gn katɔ ka bii ɓiɓɛ ɓɛɛ, ka shonang ɓɔɔ wu pàlɛ́ Laa ɓiɓɛ ɓɛɛ. Tɔ̀ɔ, wu a zang yuu ɓiɓɛ, zang nyɔ wu vɔrɔ, vuu keɓe wu shingnɛ, Laa wu kɔsɔ zang vuu shi kpang ɓarɛ kati.

Yahudi 6:16

Shɔnzang ri tũng vuu nɛɛ zang ɓɔɔ ɓa ri katɔ ɓɛɛ. Vuu tũnnang kɔ shingnɛ vuu ɓɔɔ zang kɔ̀ɔ ɓɛɛ, wu nwang niizang. Wu shingnɛ, nyaa ɓɔɔ zang làá ɓɛɛ wu di nyaa.

1 Bituru 1:20

Ɓɔɔ bɛ̀ɛ́ Laa mãa koo gn kpang, Laa zɔ̃ng Yeesɔ Kirisi nɛɛ wu ta yuu zang nɔngkɔ. A kãntang keɓe, ka wee koo waa nyaa kaa tɔ ɓee, Laa nwangsɛ wu, ka ruu manɛ kɔ.