Yahudi 13:9 - Nyaa Shɔɔ Ɓɔɔ Laa a Ɓɛɛ

⁹ Nɔɔ yáa vuu ɓɔɔ zang tusu, ɓɔɔ ka zɔ̃ng zɔ̃ng, nɛɛ ɓɔɔ nɔɔ tãa gngn kpang, wu shing nɔɔ, nɔɔ ning gbalang kpang. Ɓi tɔ̃ɔ ɓɔɔ Laa palɛ ruu kɔ, mã ruu danggn, wu vuu shaanang ɓɔɔ ruu shaa ka zɔ̃ng zɔ̃ng ɓɛɛ kpang. Vuu shaanang keɓe, ti nwàng zang ɓɔɔ ri shaayi vuu tɔ̃ɔ kpang.

Yahudi 13:9 ပူးပေါင်းရင်းမြစ်များ

Matiyu 24:24

Ka ruu ɓɔɔ, zang ɓɔɔ ri ɓaa yuu ɓarɛ nɛɛ Kirisi, nɛɛ zang ɓɔɔ ri suu sèé nɛɛ ri zang nyaa shonang Laa naa alɛ ditɔ, ri tusu vuu bang bang ɓɔɔ zang zirɛ, zang mã naa ka danggn, nɛɛ tɔɔ ri nwãarɛ zang kati. Naa ri zunung zang ɓɔɔ Laa shɛ̃ɛrɛ ri nwãarɛnang katɔ, ri nɛɛ nwáarɛ̀ ri katɔ.

Matiyu 24:4

A Yeesɔ kasɛ ri nyaa tɔɔ, “Nɔɔ gãng jĩng kagn, zang ɓɔɔ wu nwãarɛ nɔɔ kpang.

Luka 5:38

Zang tɛ̃ɛ saa shɔɔ ɓi doo ka zàáng ɓɔɔ shɔɔ kɔ doori.

Zang Shonang Yeesɔ 20:30

Ka teteng manɛ, zang ɓɔɔ ri naa risi ruu niizang ditɔ, wu nwang kaa naa sèé, nɛɛ tɔɔ ri gɔ̃ɔ zang ɓɔɔ ri dũng Laa ri dũng kaa rikɔ.

Zang Shonang Yeesɔ 20:32

“N yaa nɔɔ tɔ, ka naa Laa nɛɛ yee ɓiɓɛ. Yee ɓiɓɛ ɓɔɔ zunung ɓɔɔ wu yiti nɔɔ, nɔ́ɔ bangnɛ wu ti a nɔɔ tĩnang tãanang ɓɔɔ wu shing zang ɓɔɔ wu shɛ̃ɛrɛ ri katɔ ɓɛɛ.

Rooma 14:17

Ka ruu ɓɔɔ, vuu ɓɔɔ Laa kasɛ, wukɔ vuu shaanang nɛɛ vuu ɓoonang kpang. Laa kasɛ nɛɛ zang nwang zang tɔ̃ɔ ka tĩng ɓiɓɛ, ti kasɛ nɛɛ zang nwang ka nyaa zɔɔ nɛɛ wu, a zang ti tãa tĩnang ɓɔɔ Suru Laa shingnɛ ɓɛɛ.

Rooma 14:2

Zang ɓɔɔ danggn shinnang ɓiɓɛ yàá wu gbalang katɔ wu shaa vuu piti, a zang ɓɔɔ shing danggn doo rɛ̃rɛkɛ shaa ɓi sɔ̃ngkɔ kɔ shɛ̃ɛning.

Rooma 14:6

Zang ɓɔɔ nɛɛ tɔɔ, diki ɓɔɔ ɓa ɓɔɔ nimbang katɔ, kɔɔ nɔngkɔ, ka ruu ɓɔɔ, kasɛ nɛɛ wu a Laa bannang ɓɛɛ. Zang ɓɔɔ nɛɛ shaa vuu piti, shaa ka Ruu Laa, ka ruu ɓɔɔ zãa Laa katɔ ɓɛɛ. Zang ɓɔɔ nɛɛ bɛ̃ɛ vuu piti shaanang, bɛ̃ɛ ka Ruu Laa, a ti zã̀a wu katɔ.

1 Koranti 6:13

Zang ɓɔɔ kɔɔ ɓi nɛɛ, “Laa mãa vuu shaanang nɛɛ zang shaa ka buru. Ti mãa buru ka ruu vuu ɓɔɔ zang shaa ɓɛɛ.” Nɔngkɔ niizang. Lee ɓɔɔ Laa naa ningsi buru ditɔ, nɛɛ vuu shaanang ning. Laa mãa bii nɛɛ zang palɛ wu dũndũng nɛɛ mani kpang. Laa mãa bii nɛɛ zang wu dũng Kpanti Yeesɔ Kirisi nɛɛ mani. Ti kpanti Yeesɔ Kirisi kɔ a bii vuu ɓɔɔ bii kasɛ ɓɛɛ.

1 Koranti 8:8

Ruu zi tɔ, naa ruu shaa zɔ̃ng vuu shaanang ɓɔɔ naa weɓe, naa ruu shaa doo kpang, vuu shaanang kaɓa, shing ruu, ruu nwang zang tɔ̃ɔ ka tĩng Laa kpang. Naa ruu shaa kpang, palɛ vuu ɓɔɔ kpang. Naa ruu shaayi naa risi ruu, ruu nwang zang tɔ̃ɔ kpang.

2 Koranti 1:21

Ɓi Laa nɛɛ yuu ɓiɓɛ shing ruu, ruu zi gbãng gbãng nɛɛ ruu wàlɛ̀ suru bii ɓɔɔ waa nyaa kpang tɔ nɛɛ nɔɔ, nɛɛ bii Yeesɔ Kirisi ɓɛɛ. Wukɔ nɛɛ yuu ɓiɓɛ shɛ̃ɛrɛ ruu, a kusu ruu dang gbete.

Galati 6:1

Rɛɛ manzung, naa zang ɓɔɔ ka teteng manɛ nɛɛ palɛ zɔ̃ng vuu shi kpang ɓɔɔ kagn. Nɔɔ ɓɔɔ Suru Laa kagn bii manɛ, nɔɔ sɔɔrɔ wu tɔkn ka gbalang. Nɔ́ɔ sɔ́ɔrɔ̀ wu kaa tɔ̀ɔ́ nɛɛ hakaka kpang. Zang ɓu wu gãng jĩng ka yuu ɓiɓɛ, wu nɛɛ palɛ vuu shi kpang jong.

Afisa 4:14

Tɔ̀ɔ ruu nwàng kaa tɔ̀ɔ́ naa wujɛ ɓɔɔ zang ráarɛ̀ ri yuu, nɛɛ vuu ɓɔɔ zang ɓɔɔ ri nwãarɛ zang, ri tusu ɓɛɛ kpang. Zang sèé keɓe, ri shing zang, zang ri palɛ vuu shi kpang nɛɛ zũnang ɓɔɔ ri nwangsɛ nɛɛ yeti ɓarɛ ɓɛɛ.

Afisa 5:6

Zang ɓɔɔ wu nwãarɛ nɔɔ nɛɛ nyaa shoko kpang. Ɓi ka ruu rɛɛ vuu shi kpang keɓe kɔ, gnvɔ shaa Laa nɛɛ zang ɓɔɔ ri dũng nyaa ɓiɓɛ kpang ɓɛɛ.

Kolosi 2:4

N kɔɔ nɔɔ ruu keɓe tɔ, zang ɓɔɔ wu nwáarɛ̀ nɔɔ nɛɛ nyaa laanang sèé kpang, naa nyaa keɓe shi doo naa viya?

2 Tesalonika 2:17

Wu mã nɔɔ danggn gbãng gbãng, tɔ̀ɔ, diki diki nɔɔ palɛ vuu ɓɔɔ tɔ̃ɔ, nɔɔ ti kɔɔrɔ ruu ɓɔɔ tɔ̃ɔ ɓɛɛ.

2 Tesalonika 2:2

sisĩng wu tantɛ nɔɔ lɔɔnang kpang. Vuu bìí wu ti kpãa nɔɔ ka yeti ka ruu ɓɔɔ zang kɔɔyi nɛɛ, Diki ɓɔɔ Kpanti ɓuru gbãayu kagn a tɔ ɓɛɛ kpang. Naa doo zang nyaa shonang Laa ɓɔɔ kagn kɔɔyi, naa ti zang ɓɔɔ palɛ Laa shonang ɓɛɛ kɔ kɔɔyi, a ɓɔɔ ti nɛɛ, ka yeti labeenang ɓɔɔ zang tɔɔ a nɛɛ bii ɓuru ɓɛɛ.

1 Timoti 6:20

Timoti, gãng jĩng ka vuu ɓɔɔ Laa a mɔɔ ka naa ɓɛɛ waasɛ̃. Mɔɔ ɓaa shoo ka yee sãnsãnrãng ɓɔɔ zang rangkɛ kpang. Mɔɔ ti laa nyaa ka yuu vuu ɓɔɔ zang suu sèé nɛɛ wukɔ “zũnang” ɓɛɛ kpang.

1 Yɔhana 4:1

Rɛɛ masang ɓɔɔ n kasɛ nɔɔ katɔ dɔɔli ɓɛɛ, nɔɔ shing gn ka zang ɓɔɔ kɔɔyi nɛɛ, Suru Laa kagn bii ɓarɛ kpang. Nɔɔ gãsɛ ri katɔ, nɔɔ zi suru ɓɔɔ ka bii ɓarɛ, nɛɛ ɓɔɔ Laa ɓɛɛ. Ka ruu ɓɔɔ, zang ɓɔɔ ri suu sèé nɛɛ ri zang nyaa shonang Laa, ri nwangsɛ bii tɔ ka koolaa dɔɔli ɓɛɛ.

Yahuza 1:12

Ri nwàng ɓarɛ naa vuu rĩiti, ka teteng manɛ ka nɔng ɓɔɔ nɔɔ shaa vuu shaanang ɓɔɔ nɔɔ tusu zɔɔ nɛɛ nɔɔ kasɛ zɔɔ katɔ ɓɛɛ. Ri lasɛ nɔɔ nɔng nɛɛ vuu ɓɔɔ ri palɛ yusɛ̃ɛ tuu ri kpang ɓɛɛ. Ri gãng jĩng ɓarɛ ka yuu ɓarɛ kɔ shɛ̃ɛning. Ri ɓarɛ naa sãmbong ɓɔɔ mii kagn kpang, jasung rãayi ɓɛɛ. Ri ɓarɛ naa laa ɓɔɔ ra jaa kpang, naa doo nɛɛ guusi ɓɛɛ. Ri nwàng naa laa ɓɔɔ zang ru katɔ nɛɛ dĩiri, a vɔ dɔ̃ɔ gbete ɓɛɛ.

Yahuza 1:3

Masang, ɓɔɔ n kasɛ nɔɔ dɔɔli ɓɛɛ, bɛ̀ɛ́ n wàá doo diki ɓɔɔ n bèé nɔɔ labeenang ka ruu yuu ɓuru ɓɔɔ Yeesɔ ta ɓɛɛ. A vuu ɓɔɔ shing m kãntang keɓe n bèé nɔɔ labeenang, n kasɛ n kɔɔ nɔɔ nɛɛ nɔɔ shii nɛɛ bang, ka ruu danggn shinnang kɔ Laa a zang ɓiɓɛ tɔ dɔ̃ɔ gbete ɓee.